السلام عليكم ورحمة الله وبركاته تقبل الله منا ومنكم صيامنا وقيامنا اما بعد.. ما ابي اطول عليكم السالفه. اكيد في فتره نجلس فيها في البيت من بعد جلوسنا من النوم ونشوف الوالده تقص من هالبصل وتحمس الطماط ومن هالحركات نبغى نعرف منكم يا الشباب شنو الي ممكن تطلبه منك الوالده او اختك. تسويه وانت جالس او وانت طالع او او او ... شنو اقل شي تسويه يخص الافطار طبعا . حتى لو طلبت منك وتكيسلت مو مشكله قول لنا. واول من بيبدأ انا العاده اجلس الساعه 12.00 اصلي وافتح القرآن الى الساعه 1.00 بعدها افتح التلفزيون اشوي تجيني الوالده وتعطيني سله فيها اربعه خمسه روس بطاطس وتقولي دامك جالس يلا قشرهم . آخذ البطاطس واقشرهم واخليهم محلهم <<عباره مندمج مع التلفزيون هذي السالفه طبعا امس اما اليوم طمعت الوالده جابت بطاطس وخضرة الصلونه حق خبز المسح وتوني مخلص هذا الي اسويه . والدور عليكم ورونا شنو تسوون يا شباب في حفظ الباري