جـــــــيـــــــتـ
السلام عليكم ورحمة الله وبركآته
وردة الأحلام
بعترف لك بشيء,,
بصراحه انا متابعه بصمت للموضوع ومراتـ ابي اكتب رد بس يخترب النتـ لابارك الله في الشركه ,,
فكرهـ جداً رائعه ,, يعطيج العآفيه غلآي وتعيشين وتجيبين 
وأنت ياليت << ليت والا لمبه 
ايه انت ياليتوهـ اوريك انا تطنز علي هااا 
بقولكـ رايي بالبدله بصراحه مرهـ ذووق ويومك حلو لانه كله حركاتـ وعفسه 
بس اوريك انا تطنز علي << تراج اذيتينا 
ايه وحبي بعد سكون الصمت اهي اللي قالت ليا والا جان مادريت ,, 
نقول لكم يومي الحلوو
بصراحه أول شيء بقول لكم انا ماحب أكون على شيء واحد يعني كل يوم غير اليوم الثانيـ يعني
يوم انام بالليل واجلس بالنهار ويوم اجلس الليل وانام النهار وكله على هالحآله ,,
اليوم اللي انام بالليل ماتجي وحده الا انا نايمه واجلس قبل صلاة الفجر او بعد الاذان واصلي
وانزل تحت اشوف ولد أختي لازم نعطيه بوسة الصبآح هع واذا كآن جالس العب معه واذا نايم
أجلس ع الجهآز الى الساعه 9 وانزل تحت واتحرش في ولد اختيه اذا كان نايم يعني لازم اجلسه
<< على فكرهـ انا مايصلح ليا اطفال لاني العب فيهم لعب النايم اجلسه والجالس اصيحه 
ايه واجلس مع ولد اختيه واذا كلش زهقتـ ارجع للجهاز واشغل نغماتـ واجلس اتسلى بأي شيء جدامي لمن تجي صلاة الظهر واصلي ويجي عندي ولد اخوي والعب فيه بعد لمن يصيح واوديه لامه
<< مو قلنا لكم مانصلح للاطفآل
ايه بعدها امي تناديني أجلس مع ولد اختيه ’’ طبعاً ولد أختيه عمرهـ شهر بسس ’’ واجلس معه
واذا كانت امه جالسه اخليها تمسكه وانا أجلس عالنتـ او أجلس معها وبعدها يجي وقت الغدى نحطه
ونتغدى كلنآ وبعدها أقوم أجلس كمان شويه ع الجهآز اذا مافيه حد جآلس الى الساعه 4 وانزل
واجلس مع أختيه وسوالف وفصفص وبيبسو لمن يجون الباقي من خواتي واقوم واجلس ع الجهاز
لمن اذان المغرب واصلي وانزل نجهز العشاء او امسك ولد اختيه بعد ويجي وقت العشاء ونحطه
بعدها اتهاوش مع ولد اختيه 
’’ ياناس مع هذا بالذات كله هواش اتحدى تمر ليله من دون هواش طبعاً هذا ولد اختي الثاني ’’ او اجلس مع خواتي واسوالف او اجلس لحالي اطالع بالجدران ,,
لمن تجي الساعه 11 واجلس ع الجهآز واذا ملل أقوم اجلس مع خواتيـ لمن يجي النوم وآختآر
اما انام او اسهر واخرب النظآم وهذا هي الحآله ,,
واذا سهرت بالليل يكون كله بطوله مع خواتيـ او اسوالف مع بنت خالي او سكون الصمت ’’ تلفون ’’
الى قريب يجي اذان الفجر وارجع أجلس مع خواتي لمن يأذن واصلي واجلس ع الجهاز
الى بعد صلاة الظهر او الى الساعه 10 وانآم واجلس وخرابيط وهكذا تجري الامور
ادري استمتعتوا معي كثير << ابو الثقه 
العذر والسموحه ع الإطاله بس كيفي محد قال لكم استضيفوني
وأنت ياليتوه تفكر نسيت عقابك جاي يعني جاي 
سي يو