((بسم الله الرحمن الرحيم)) السلام عليكم ورحمة الله وبركاته .... وبعد اللهم صلي على محمد وال محمد وعجل فرجهم .. اليكم تقريري اليومي عن حياتي اليوميه انا حاليا صار لي تقريبا سنه من تخرجت من ثانوي واربع سنين ونص متزوجه ... اسكن مع اهلي واهل زوجي في منزل واحد لذك العشاء واحد والغداء واحد يعني اذا بنطبخ للبيت كله .. وبما اني مخلصه دراسه يعني على طول في اجازه .. وتقريبا هذا نظامي على طول ولان انا وصديقتي حلى الشرقيه تفارقنا في المدرسه قررنا يوم في كل اسبوع وحده تزور الثانيه والحمدالله هالشي مستمر الى الان ونادرا ماتحصل ظروف تمنعنا ونأجل الزياره ... وان شاء نبقى على طول كذا (( وعسى الله لا يفرقنا )) ... أجلس من النوم الساعه 5 الصباح اصلي واقرا ماتيسر من القرآن وادعية الصباح والزيارات .. اجهز فطوري وفطور زوجي بحكم انه يشتغل في الليل الى الصباح .. بعدين افطر (( اكيد تسألوا شلون افطر قبل زوجي جاينكم الجواب )) بعد ما افطر اجهز لي لبس رياضه لأني مشتركه بنادي رياضي وعلى الساعه 7 ونص اطلع من البيت لان الباص بيكون ينتظرني واروح للنادي ... وبعد ما ارجع اقعد مع زوجي اسولف الى الساعه 10 .. بعدين اقوم اطبخ الغدا الى الساعه 12 بعدين ابدل واصلي .. واروح احط الغدا لزوجي لأني مو على طول اتغدا على حسب المزاج .. بعد مايتغدا زوجي انظف المطبخ واسوي شاي لان رسمي معنا الشاي بعد الغدا بس انا ما احب الشاي الا مع حليب عشان كذا ما اشرب شاي ... وبعدين اكشخ اذا صار زوجي جالس واقعد جنبه اسولف اما اذا نايم لا مااكشخ اقعد على النت الى الساعه اربع تقريبا او اربع ونص واقوم اسوي طبق للعشاء .. واروح اصلي المغرب وارجع على النت شوي او اجلس اسولف مع اخواني لانهم على طول عندي في الشقه او اشوف التلفزيون الى الساعه عشر الا ربع اجلس زوجي من النوم واحط عشاه يتعشى ويروح الدوام وانا انظف المكان واتوضأ واناااااااااااام .......... ... بس حاليا انقطعت من النادي خبركم رمضان في الطريق وفي رمضان طبخ ونفخ وحالنا لله مافينا حيل للرياضه بعد يعني من بعد العيد برجع النادي ... وهكذا تستمر الحياااااااااااااااه ............................. دعواتكم لي بالذريه الصالحه .... آسفه اذا طولت عليكم بس عشان مايكون عندكم تساؤل .. واعذروني على الصور لان الطابعه حقتنا مختربه واساسا ماعندنا كاميرا .. اتمنى يعجبكم تقريري لكم ارق التحايا سلااااااااااام اختكم في الله سكون الصمت