اللهم صل على محمد وآل محمد السلام عليكم ورحمة الله وبركاته العذر و السموحة ع التأخير اخواني الاعضاء .. طبعا انا ماكنت ادري عن هالموضوع الجميل الرهيب الراقي صراحة .. اختي وردة الاحلام فاجأتـني بالدعوة .. واكتشفت حاجة ظريفة من دخلت هاي المنتدى الغالي على قلبي توني ادري فيها مدري اقووول ولا ماأقول خيتي وردة الاحلام المهم نبتدي تقرير حياة عــــ الدمــــوع ـــزفـــ اليوميـــــة : طبعا الحال ايام الدراسة يختلف تماما عن ايام الاجازة الصيفية ... مثل ماتفضل الاخوان هنا في هذه الايام طبعا السهر هو سيد الموقف .. انام بعد صلاة الفجر بساعة او ساعتين واحيانا اكثر واجلس الساعة 3 أو 3:30 هيك شي .. اتغدى واجلس بعدها مع الاهل شوووي او اطالع التلفزيون او اقرى الجريدة اليومية ... على فكرة انا بالنسبة للتلفزيون شي مهم بحياتي ,, يعني احب اتابع الاخبار بشتى انواعها والافلام الرقم الاول طبعا العصر احاول اقضي شغلة منيه مناك اذا في أو اروووح الهفووووف .. وياكثر مااتردد على الهفوووف .. فترة المغرب بعد الصلاة كنت اروح النادي لممارسة رياضتي المفضلة الجيم لمدة ساعة تقريبا وطبعا البعض راح يسأل شنو الجيم ؟؟ سلمكم الله الجيم يعني صالة الحديد او بناء الاجسام >>>> عبارة احين الواد شديد يلعب حديد يعني رياضة وتقوية للجسم بس حاليا ماأروح .. وطبعا الاسباب اوووووووه هذرة مالكم فيها واحين المغرب لاني ماروح تشوفني جالس عالنت او التلفزيون ومع الاهل ... الساعة 10 اطلع مع الشباب بالديوانية .. طبعا ماأرجع الا الفجر !! بس ماأنام الا بعد ساعة او ساعتين واجلس الظهر او العصر وتالي الوقت سيم ماذكرناه اعلاه ... هذا وصلى الله وسلم على سيدنا المصطفى اتمنى انكم استمتعم بجدوووول عزووووف والشكر موصول لش اختي وردة الاحلام ولكل من صوت لي واختي حلم الليالي عزيزة علي و شكر خاص وهي بصراحة اكثر وحدة صوتت لي ماقصرتي و مشكوووورة من كل قلبي !! ويعطيكم الف عافية ..