دق الرقم كيفك هلافيك واهليـن
انا الخوي اللي مزعـل خويـه
تغيب وزولك صورته داخل العين
ويبقى لحبك في خفوقـي بقيـه
اخواااااان حنا لويجي بيننا شين
ومانفتـرق دام المحبـة نديـه
خلك قوي لاتحتكرك الشياطيـن
قبل الفوات وقبل وقـت المنيـه
هاذي هي الدنيا من الحين للحين
لابد بين الناس تحصـل خطيـه
ومن لايقدر غلطة احبابه الحين
يقرا حروفي ويعتبرهـا هديـه
باااكر تمر سنين وسنين وسنين
والكل يرحل فالـدروب المديـه
ترا بتندم واذكر حروفنـا زيـن
تندم على خلك اذاغـاب ضيـه
دنيا غريبه واكثر الناس ماشين
وكم صاحب والله دفنتـه بيديـه