عندي لكم خبطه أعلاميه 
قصيدهـ رائعه بلغتنا العاميه تتكلم عن الحريم احم احم
بعض الحريم عفانا الله منهـــم
من تأليف :: عمـــــي خخخ
وأخراج :: عابرة الدروب 
هاي حاله
دنيا دنيا آه يادنيا شجرى
ليش رجل البيت جالس حالته حالة مره
بدل مايآمر وينهى القياده صارت بيد المره
شوفته تكسر الخاطر شغل ماكو
يتفرج بس على ذيك المظاهر
وهاى حاله
بعد ساعات العمل وجهده ذاك الي يبذله
راجع وكله أمل يلاقي بنت العم تنطره
بدل أهلا ومرحبا والله يعينك
لدته وقالتله وينك ليش انته تأخرت
تدرى آنا مواعده فلانه شقلها والله بيك تمرمرت
شخطت بوجهه وهاجت كنها عنتر مثل خيل البلمعاره دوم تفتر
والأسد متوسد إيده يدري بت عمه عنيده
لو لطمها شقد تكيده حتى ذاك الطفل كان اتذبه عنده
هذا أبني ولنه منك ماآريده
وهاى حاله
طلوعها من البيت زايد
بلا سبب وبلا مقاصد بس عوايد
يامره لطلوع جايد بلا أذن منه حرام
حتى في أوجب الواجب صوبه صدت مستغيضه
آه على حضي غميضه هذا والله مو زواج
هذا تنقيصة مزاج العالم أطور حبيبي
تريدني أترك نصيبي تقبل بهلحال قلي
والا هسا لبيت اهلي آرد وأتركك تولي
وهاى حاله
بعد كل الي سمعته وبعد شفته
أسمع شصار وجرى صوبا صدت لسان كلمنشار مدت
هاى مو عيشه لعشتها وياك من دون الورى
منك أنا شحصلت شخذت منك هم وغم وفقر بس أنا صبرت
قال جوزي يامعوده صبرى منج وصل حده
قالت أنا الي متت هسا أسمع رادتي ولاتخالف رغبتي
أريد مصرف خاص بيه ألف ويالخمس ميه
وخادمه إندونيسيه فلانه مو احسن مني
نفذ المطلوب وإلا هلحجي هذا محله
أعتبر هاى العلاقه البينا اليوم انتهت
العتب كله يخوتي مو على هاي المره
أول اعتب على البيت الجات منه
معظم الحالات هلصارت امنها أجت منه
لون أمها ولو أبوها وبلأصول يعلموها
وعلمحاسن أدبوها ومن أنخطبت فهموها
أبد كلذا ماجرى
وثاني أعتب على المسكين التزوج بعد مايدرى شحقوقه وهم مايدري بحقوق المره
الواجب ان احنا كشيعه مثقفين أسلامنا وقرآنا ودستورنا
والنبى وآله جميعاً متركونا تايهين هم قدوه وخوش قدوه للتبعهم والى ميخالف نهجهم
وعد من رب السما هلصار كله مايصير
وختم القيل بصلاتي على نور الكون كله
محمد الهادي النذير وعلى ابن عمه علي سيدي ونعم الأمير
وأهل بيته ولتبعهم عدد كل طير يطير