السلام عليكم ورحمة الله وبركاته
اخباركم بنات اخباركم شباب انشالله تمام
حادثه تتكرر معي منذٌ ان كنت في الصف ألاول ثانوي
_____________________________________________خليني أفضفض بالعاميه
في اول ثانوي نفس المعلمه الي تدرسنا بلاغه تدرسنا مطالعه
اوانا اكره ماده البلاغه يعني اخر مده افكر اذاكرها او ابد ما شارك فيها
تجي الاستاذه تحطلي في المطالعه جيد لائني ماشارك في البلاغه
ياناس بس انا اعرف اقر اشفيها تضرب واحد في اثنين
في اول ثانوي اول ماعطوني استمارت المطالعه انصدمة
او قلت للوالده بسالفه او انا مقهوره
قالتلي
(نامي مظلومه ولا تنامي ظالمه)
اقتنعت اوقلت يالله ماعليه
اوفي ثاني ثانوي تنعاد نفس القصه نفس المعلمه بس طبعا غير الي في اول ثانوي تدرسنا بلاغه او مطالعه
او نفس الشي تحطلي في المطالعه جيد ليش لاني ماشارك في البلاغه ويش هالظلم
او ارجع او اشتكي حق الوالده او قسم بالله فيني قبنه ترجع تقولي
(نامي مظلومه ولا تنامي ظالمه)
او اليوم 20 _6_1429هـ
او انا في ثالث ثانوي تعطيني استمارت المطالعه او فيها جيد بعدين احس خلاص مو قادره اتحمل
بصيح اش هالظلم هذا , وقفت في الفصل امام الصبوره او قلت للبنات اسمعوني مين الي حطتلها الاستاذه في المطالعه جيد
ولابنت قالت انا او الكل يطالعني مذهول بعدين قلت مين طيب جيد جداً ولا بنت او هذي الصدمه القويه شكلها بتجيني حاله نفسيه من وره مادة المطالعه
1/ مدري هو الغلط اني طعت امي في عبارتها نام مظلوم ولا تنام ظالم
2/ ولا مدري هو صحيح الساكت عن الحق شيطان اخرس
3/ ولا مدري هو العله في قرائتي و اني صحيح ماعرف اقراء مطالعه بس الغريب اني في القران ماخذ غير ممتاز
4/او انه يمكن المطالعه محتاجه ترتيل او انا مارتل
5 / او ان الظلم انتشر او صار شي عادي
__________________________________________________ ______
الحلول المقترحه
1 / الذهاب للمرشده الطلابيه واخبارها بما يتكرر معي خلال هذه السنوات <<<<<علما بأن المرشده الطلابيه دائما في صف المعلمات او ماتطلعهم غلطانين قانونها الطالبه غلط المعلمه صح
2/ اتخلي عن هذي السالفه او اخليها طنش تعش لائنها اخر سنه لي بالمدرسه
3/ اني ارجع اخبر امي بلي صار معي او اسمع جملة كل سنه نام ظالم ولا تنام مظلوم
.................................................. .........
اهمني اعرف راي الاعضاء
تحياتي ميمو