ليه تبكي من كلامي يا.......؟؟؟
قول عادي بالي الليله طويل
شوف لك عذر قديم واقبله
لا تحاتي قلبي متعود يشيل
الجروح الي تجيله مقبله
طيبتي صارت مثل كف البخيل
اي شي طايح تشوفه تحمله
موغريبه اني الليله علليل
الحزن يحسبني واحد من اهله
مو غريبه لو تمنيت الرحيل
البقاء احيان يعني البهدله
في غيابك مالها الضيقه مثيل
وربي اللي ما يشائه يفعله
من يلاقي بدنيتي هذي بديل
خل يجيني اي شخص ابدله
وعيب راسي لو بغى شي مستحيل
يوصله مو طيب غصب يوصله
ليه راجع ليه ذاكر يالاصيل
انت ضايق في خطأ بالمسأله
ليه تبكي من كلامي يا الدخيل
المشاعر مالها بقلبك صله
والبلاء ان حب رجال ثقيل
ينسى من حوله ويسمع مذهله
ومن عرفتك حظي العاثر يميل
اعترف لك اني عاجز اعدله
فاقد الاحساس ما يعطي القليل
وان عطيته احساس قلبك يقتله
ايه ابرحل والطريق ادري طويل
مشكله قربك وبعدك مشكله
وان خذاني الموت اترك قال وقيل
قول هالجمله وخطاك محلله
ربي الهم اهله الصبر الجميل
وارحمه يا رب واحسن مدخله
من تصفحاتي
تحيـــــــــاتي
رومنسي88