قلت
قود مورنينق
( صباح الخير )
ردّوا عليّ الا طالبه وحده
جات وصافحتني
في المورنينق تي
( وقت الشاي )
يخلونا نطلع ثلث ساعه برا
نشرب شاي وناكل وجبات خفيفه مجانية من الكلية
شفت الطالبة ورحت قلت لها
سوري بس انا ما اقدر اصافحك
بحكم ان تقاليدنا الاسلاميه تمنع هالشئ
قالت انا اسفه
عّدا اليوم طبيعي وجات الساعه 3 الظهر
وكل وحد راح بيته
جيت الصباح اليوم الثاني
وقلت
قوود مورنينق
( صباح الخير )
الكل رد عدا الطالبه اللي قلت لكم عليها قبل
جات وباستني !!
قلت لها اشفيك عسى ماشر ؟
قالت :
انت تقول المصافحه محّرمه في ديانتكم
انا ماصافحتك انا بوّستك
انا اقتنعت خخخ
!!
فكرت شوي بيني وبين نفسي وسويت اجتماع مغلق مع انا
وقعدت اقول لو قلت لها حتى البوسه محرمه مايندري ايش يصير بكره
لذلك يبقى الحال كما هو عليه
<<< شكله استانس
تقسّمت الفصول بعد الاسبوع الاول
وصرت انا بفصل والسعوديين بالفصل الثاني
عدا واحد سعودي كان معاي
كانت كل الامثله عليّ !!!
وبعد فتره جات احدى البنات عندي
قالت انت عندك قيرل فرند ؟
كان السؤال طبيعي جداً لدرجة ان المدرسين والمدرسات يسألوني .. رغم اننا عندنا تحفّظ على هالاشياء
قلت لها لا
قالت ليه انت شاذ !
انا وجهي صار احمر وعصّبت
قلت لها ليه قلتي كذا ؟
قالت لانه عندنا اللي مايمشي مع بنت لازم يمشي مع رجال !
فعشان اصرّفها قلت لها ايوه عندي قيرل فرند !! بس من خارج الكليه
بس مانفعت هالحيله
كان معاي بالفصل طالبه يابانيه عمرها 60 سنه
وعشان احبُك ( من الحِبكه ) القصه
واخرّج نفسي من هالموقف
اعلنت للكل
ان سدايو ( العجوز اليابانيه ) هي صديقتي !!
وسط ضحكات الجميع
*
*
*
اللي اغرب من هذا كله انها كانت زعلانه !! تقول انا احب زوجي
العجوز صدقت اني احبها !!
المشكله لما كنت احط ايدي على كتفها كانت تشيل ايدي !!
خخخخخ اصيله يا ام احمد
اموت على الاخلاص
كثَرت التعليقات حتى من المدرسين يستهبلون عليّ انا والعجوز اليابانية
وين حبيبتك ؟؟؟ ماشي بدونها ؟؟ وين سهرت امس انت وحبيبتك ؟
بكذا انا فكيت نفسي من وجع الراس
الطريف بالامر انه بتخرّج صديقتي ( سدّايو ) حضنت الكل الاّ انا !!
ياقلبها
شكلها من جد خافت خخخخخخخخخ
كانت الاجواء الدراسيه جدا رائعه
يتخللها المرح
والجوّ الاسريّ من المدرسين والمدرسات
لدرجة انه بفتره وجيزه
طلع معاي الاستاذ ديفيد ( امريكي ) الى المطعم وتغدينا سوا
وبعيد ميلاده اهديته كرفته وكتاب عن الاسلام باللغة الانجليزية
****
كنت اعاني كثير من اكل المطاعم
بحيث انها مو مذبوحه على الطريقة الاسلامية
حتى بالبيت عند العائله ماكنت اكل
لكن بعدين حلّ المشكله انه صار يجيب لحم مذبوح على الطريقة الاسلامية
**
كنت اقعد طول اليوم بوجبه وحده
!!
رغم ان اصحابي ومنهم من هو اكبر مني سنّاً
كان لو تجيب له خنزير اكله !! وعذره اننا بغربه وببلد غير اسلامي
!!
وحجّتهم ان الشيخ قال لهم كلوا اي شي !!
كان الكثير يتهمني بان عقليتي متحجرّه
( حزّ في نفسي هالموضوع )
كيف اني اموّت نفسي جوع
وهم طايحيين ببرجر كيج وكنتاكي ومطاعم اخرى
وانا اعتمد على السوائل ان لم اجد مطعم حلال
بالعكس
ففي احد المرات اتهمني الجميع بأني معقّد
ودعوا لي بالهداية والصلاح
وقال احدهم
الله لا يوليك ياشيخ على مسلم
!!
تحرم نفسك من النعمه بحجّة انك ماتاكل الا حلال !!
فرديت عليه وقلت
لانه اذا كان مسلم بالاسم فقط مثلك فهذا شئ مايشرفني اني اكون شيخ عليه
<< ~~~~ عصّب
نسيت اقول لكم ان هالشخص قابلته بعد فتره وانا العب بلياردو كان سكران ( فل )
لدرجة ان الشباب والبنات اللي كانوا معاه صاروا يتكلّموا عربي !!
اتضّح انه يوميّاً من بار لبار
واهله مساكين على بالهم ولدهم مجتهد وتاعب نفسه وفي غُربه
( وهذا حال كثير من الشباب للاسف )
الله يهدينا وايّاه
كانت برودة المدينة غير طبيعية
بدأ المها يدخل في عظامي
اجتمعنا احد الايام احنا العرب واتفقنا نلعب كوره
كانت درجة الحراره تحت الصفر
لعبت كوره
وبعد المباراه ماقدرت اتحرّك !!
قعدت اسبوعين على مشدّات ومراهم ومهدئات
وكنت من الكليه للبيت ومن البيت للكليه
14 يوم
كان الالم في ركبتي يخليني افكرّ كثير اني ارجع للسعودية
كانت ايام صعبه جدا
الحمد لله تعافت ركبتي
واستغليت الايام اللي فاتتني في التمشيات
******
ثقلنا عليكم معليه تحملونا !!!!!!!!!!!
روتانا طرف مش حتقدر تغمض عينيك
تابعونا
وفالكم
طيب