قصه واقعيه صارت لصديقي أيمن
بسم الله الرحمن الرحيم
اخيراً بأكتب لكم الموضوع اللي من زمان افكرّ اني اسويّه
طبعا مثل ما انتم عارفين انها كانت اول سفره لي لدولة أجنبيّة وغير كذا ان المدة كانت طويلة
3 شهور
طبعا واجهني من المواقف الشئ الكثير
اخطرها اني كنت بمواجهة
ارهابي
وكاد يقتلني
لولا ستر الله عزّ وجلّ
وقرآتي اليوميّة للمعوذات وبعض أدعية الحفظ
قبل الخروج من البيت
والغالبية مايعرفوا شئ عن هالموضوع
واهلي بالذات مايعرفوا
عموماً
اتمنى هالموضوع يكون خفيف عليكم
المواقف راح تكون
مضحكه
و
حزينة
**
ماعندي خطه لترتيب الموضوع والاحداث
لكن احاول قدّ ما اقدر
اني اتدرّج من الاقدم للاحداث
عشان اجيب لكم كامل الاحداث
وكامل الفضائح بعد
!!
لي عودة
العنوان القادم
في البدايه
ماكان في بالي سفر اساسا
!!
راجعت اكثر من معهد لتدريس اللغه الانجليزية
لاني كنت ابغى التوفل
عشان اكمّل الماجستير
مالقيت اللي اطمح له
فبعدها قلت لنفسي طيب ليه ما اطلع ادرس برا
!!
قمت ابحث في النت
واراجع الوكالات حق السياحة والسفر
ولا كان ببالي نيوزلندا
لاني اساسا ما اعرفها
!!
كنت ناوي على بريطانيا
الى ان كثرت ترددي على مكاتب السياحة والسفر
خلّت واحد يحّن عليّ
ويقول لي ليه ماتروح نيوزلندا
؟؟
انا حقدت عليه
قلت اشفيه ؟؟ يبغى يزيد على البقر بقره
ماكنت اعرف عنها الاّ حليب انكور ودانو
<< تعيش الثقافه
شدني كلامه انه مافيها عنصريه وانها تابعة للحكم البريطاني
وشعبها بريطاني راقي
ووووووووو ... الخ
رحت البيت ذاك اليوم
وفاتحت اهلي بالموضوع وصارت قنبله
امي : تروح نيوزلندا !!
أيمن : ايوه امي ادرس .. الناس وصلوا سطح القمر وانا حدّي مزرعة محمد اخوي
امي : ماشاء الله ايش يتتعلم ؟؟ تتعلم تغسل ملابسك ؟؟ والا ترفعها وترتبّها والاّ تغسل صحون ؟؟
أيمن : << متحطّم ... امي الله يهديكِ ايش ذا الكلام ؟؟ اساسا الواحد اذا بعد عن اهله يستغني عن شغالتهم
امي : يعني ماراح تفقد الا الشغاله ؟
أيمن: لا يا امي .. بس راح افقدها لاني راح اعتمد على نفسي
امي : روح انثبر في غرفتك واترك عنك الكلام
مالكم بكثرة الكلام
سوسن أخت أيمن: تروح وتتركنا يأيمن !!
أيمن : << يقلد موسيقى حزينه ...
أيمن : كان على عيني .. والزمن فرئنا ولازم حنتآبل ياحبيبتي بس دلوأتي لازم اأول انتي طالئ
سوسن : انت تستهبل وانت شايفني ابكي ؟
أيمن : انا ادري عنك !! ابغاكِ تقنعي امي تقومي انتي تبكي !! عموما انا طالع طالع .. افهموها زيّ ماتبغوا
سوسن: انت شايف انك راح تستفيد وهذي رغبتك ؟
أيمن : ايوه وانا اعرف انك رجاله وراح تجيبي حقي
سوسن : خلاص ابشر ولو ان الموضوع صعب
أيمن : لك يسلمو هالديّات ياحء ( ياحق ) ولو اني سامع بكائها من بعيد
رحت على النت وفتحت موقع نيوزلندا
واخترت احدى المدن
christchurch
وجلشت اتصفّحها
واتصفّح صورها وجوّها
<< الموقع >>
حبيّت المدينه من قبل اروحها
اهلي رضخوا للامر الواقع لانهم شافوا اصراري
رغم الم البعاد لي ولهم
طبعا انا كنت اعاني من المرتفعات
لذلك كنت متخوّف من الرحله الى نيوزلندا
22 ساعة سفر
لذلك راجعت المستشفى قبل السفر بكم يوم
واخذت كيس ادوية ومهدئات
عشان الارتفاعات
والضغط اللي يجيني
*****************
قبل السفر اتفقت أنا وصديقي ماجد على السفر الى نيوزلندا
لكن الله ماكتب اننا نطير سوا
لكن تقابلنا في سنغافوره
الى الحلقه القادمه ان شاء 
الله