.. [ المـُعـجــــزهـ ] ..!
:
ما هي .. [ قصة حُب ] , وإلاَّ ذكريات
للـ مشاعر ( جيش ) .. وقلبي مَرْكِزَه
صرتي لي " خامس جهه " لأربع جهات !
وصورتك في وسط عيني [ مبرْوِزَه ]
كنَّ ربِّي .. ما خلق غيرك / بنات !!
إن طروا غيرك .. أحس بـ " نرْفزَه "
وكنِّك إنتي جامعه .. كل الصفات !
الحلا ..
والزين ..
وعين [ مطرِّزَه ] ...
جاك قلبٍي وصرت عاشق تضحيات
و [ الهَدَف ] من شان " عينك " أحْرِزَه
إن خلطتي الماي في " سكَّر نبات " ..
وقلتي : " حبي" إفرِزَه !!
راح أفرِزَه ...!!
في كلامك , يستلج فيني السكات
ومن جهل طبعك يظنِّك ( مخْرِزَه ) ..!!
واثق الخطوه .. وأمشي في ثبات
ويوم شفتك الخطاوي [ مهَزْهِزَه ] ..!
مو بـ كيفي هي كذا واللـه جات
قلبي كرسي " صعب " غيرك يحْجِزَه
عيشتي
دونك ..
يساويها ..
الممات !!
وإنتي عيشي .. في حياتي " معَزِّزَه "
يعني قبلك .. كنت أنا , كلِّي شتات
وصرت أجمعلك شتاتي .. و .. أكنِزَه ..!
وشي طبيعي .. لو يغارون البنات
للجمال [ أخبار ] .. وإنتي " مُوجزَه " ..
ومن يشوفك .. اللِّي يتكلَّم لغات
قام يخربط والـ ( إذا ) صارت ( إزَه ) ..!!
والثقيل اللي يسولف في سكات
من يشوفك عاش حالة / لعوَزَه ..!!
ولو
تبوسي
إنسان
له
أيَّام
مات
قام يركض !!
حَس قلبه ينْغِزَه ..!
وقلبي اللي نام في عز وسبات
غيرك إنتي .. ما أظن ( يفزِّزَه )
واللِّي قالوا لما جت : " الحلوه جات "
جنبك إنتي ..؟ صارت أكبر [ مَطْنَزَه ]
لا تغاري .. من كلام المعجبات
ماني مثل اللِّي .. يحب " الرَزْرِزَه "
ياما قالوا ( الحُب ) يصنع معجزات ..
وإنتي
[ حُبك ]..
في
حياتي
" مُعْجِزَه " ..
تعال الشوق دمَّرني حبيبي والصبر ذايب ..
______ حطبت الحُب من قوّة غيابك و إنكِسَر لي فاس !
تعال وقول يا ماخذ جميع أشيائي وش جايب ؟!
______ ترى ملّيييت من حبر القلم و معاند القرطاس !!
عيونك نامت بـ عيني وظنِّي للأسف / خايب !!
______ أظن ترجع وما ترجع أظن وما يجيني نعاس !
أنا ما قلت لك مخطي ولا هم قلت لك صايب
______ أبيك الحين ترجع في حياتي .. شمعة الجلاس !!
مريض وأرفض الراحه لأنك لو تجي طايب ..
______ علاجي بس لو أسمع من لسانك [ عسى لا باس ] !
أنا عقلي على درب الجروح فـ غيبتك سايب ..!
______ أنا فيني التعب عايش من رجولي إلين الراس !!
قوي قلبي ,, ولكني أحس / بـ غيبتك هايب !
______ تخيَّل كل ما أصبر على غيابك , تضيق أنفاس !!!
أتوب شلون عن حُبك وغلاك بداخلي شايب ..؟
______ أحبك كل يوم " أكثر " وفيني لك كثير إحساس !
حضورك كان في قلبي جميع الوقت يا غايب ..
______ أنا من وين ما أطالع , أشوفك إنت كل الناس !!
يمـّه ابي ابكـي و آهـد الغلايـق
آزريــت حتى الجـــو
ما آقـــدر اشمـه
{ تكفين لميني } ترى الموت سايـق
يســوق روحــي
بين همـي وهمـه
يمـّه ابي فرقا عيـون الخلايـق
اللـــي تبـــارينيـي
علـى كـل يــمـه
طفله واخاف اليوم ظلم الحقايق
.......... اخاف يسقيني الزمن مر سمـه
يمه بموت من الهجر والشفايـق
.......... دام الهوى المطعون فالعين زمه
يمه أنا مابحت لأدنى الرفايـق
........... والله ما قويت عرقـي بدمـه
يمه انطعنت وجرحي اليوم فايق
.......... في ذمتي لاشق ثوبـي وكمـه
يمه ابي اعرف اذا الموت بايق
........... هو باق خلي من عيـونٍ تهمـه
علمه لا لافني من دروب و طرايق
............ قولي ترى حيلي فقد كل عزمه
ياليتني ما اقفيت بالـود رايـق
.......... يومٍ إن عينه تبتسم لـي ببسمـه
يقول ما غيرك لذا العمر لايـق
.......... العمر راح اليوم دونـه مذمـه
راح و تركني ما تحرى الوثايق
........... الموت ضمه قبل صدري يضمه
تدري وش " يقتل " غيابك ؟!
يقتل إحساسي وعمري !
وين رايح عن عيوني ؟
ليه ؟
تو الناس !
بدري !
إدفن أسراري معاي ..
ما أبي أي شخص يدري
لا تسولف من وراي !
خل يكون الحب " عذري " ..!
وإن سأل عني قليبك ؟!
لا تفكِّر في الجواب !
قول [ أحتاجك ] حبيبك ..
وإنت لاهي بـ الغياب !
من يحبك ..
وش مصيره ؟!
- " يحترق " قلبه أكيد!
تنهي أحلامه الكبيرهـ ..
وتبدي في حبٍ جديد !
ولا يهمك قلب حبّك !
وضحَّى في عمره / عشانك ..
المهم يرتاح قلبك ..
وتلقى في الدنيا / مكانك !
صرت أبعد من منامي !
وكنت أقرب من ثيابك !!
أختصر باقي كلامي ؟!
حيل يقتلني غيابك
قالوا ( بلادك ) قلت قلبه : بلادي
يعني أحبه ومن دواعي سروري
قالوا الركاده قلت مجنون : غادي
عقلي يحبه , ورايكم مو ضروري
قالو تبيه ..؟ وقلت حتَّى : فؤادي
طاريه دهن العود .. وطيفه بخوري
آنا بـ وادي وهـ الخلايق بـ وادي
أغيب عن هـ الناس أخفي حضوري
جيتك .. رغم طبعي وكل المبادي
عنِّك نهيت القلب ما طاع شوري !!
فينـي سجنتك .. والسجن إنفرادي
وغيرك عجز ويَّاي يرضي غروري
يا مزعج أفكاري ترى البال هادي
طوَّلت لك بالي .. ورتَّبت أموري
إنتَ الوحيد اللي , خضع له عنادي
من كثر ما أحبك وفت لك سطوري
وينك ..؟ تعال الحين .. ملِّيت أنادي
إن ما سمعت الصوت إسمَع شعوري
كل الأصايد في عيونك .. [ تمادي ]
إهداء منِّي بـ صوت : مروان خوري
أسأل متى بتروح وأقول : عادي
وإنتَ وجودك في حياتي ضروري !
أنـا ما بيك تسمعني وتجبر خاطر المكسور
ولكن كنت أبي تبقى معي في كل حـالاتي
تبي ترحل عن أيامي ويجي غيري يعيش الدور
الاياصاحبي صعبة تعيش بغيرلحظـاتــي
من إلي يشبه دموعي وقلبه في سنينك نور
ومن مثلي أنا قلبي نقش بالصبر أهــاتي
حبيبي من العبث أحلم وابني للغرام قصور
وتجي في واقعك لحظة وتهدم كل غاياتي
تحريتك وعمري راح وكل الي بقالي شعور
أحاسيس وتتعبني تسولف عن حكاياتــي
بقالك حب في صدري ولوكان الوفى مهجور
فضحني حزني البائس وما غـير قنـاعـتي
مسافة بيني وبينك عواذل وألف باب وسور
وشباك من الماضي أدوره في مــتـاهاتي
أنا ماعاند ظروفي واقول الغايب المعــذور
ولكن طاري الفرقـــى يزيد في معاناتـي
تفرقنا وتباعدنا وغدى فينا الزمان يجـــور
حكايا مالها آخــر وحلــمي كل غـلطـاتي
سألت الكذب عن عذرك وأكيد إنه شهدلك زور
عذرتك كان تجرحــني بشكـوى تشبه سكاتي
أنا ما بيك تسمعني وتجبر خاطري المكسور
لكــن كنت ابيك تبقـى مــعـي بكل حـالاتي
: