موضوووووع حلو بقوووة والمواقف أحلى وأحلى أول مرة عرفت فيها الماسنجر ،، الله يسلمكم أول مادخلت عالم النت ثاني يوم على طوول تعرفت على وحدة من المنتديات فقلت لأختي ،، هذي وحدة تقول تبيني أضيفها في الماسنجر وش هذا ماسنجر ؟ ضافتها أختي عندها وصارت تكلمها ليل نهار ،، و أنا كنت استغرب منها الله الله شلوون يعني تكلمها طبيعي وكأنه العيد وش هالاختراع هذا ؟ في يوم كانت أختي تكلمها وأنا جالسة عندها أختي طلبوها تليفون قالت لي كلمي البنت مو إهي صديقتش ،، دقايق وجاية في هاللحظة تحسفت قد شعر راسي إني قلت لها جلست أطالع وش تكتب هذي ؟ وانا مستحيــــــــــــــة بقوووة ومتوهقة ياربي وش أرد على المرأة ؟ وذيك تكتب الو الو ألو يافلانة في النهاية جد جد قمت اصيح حيــــــــــــــــل جاتني أختي يؤؤؤ وش صار وش فيش قلت لها ماادري بس ماأعرف أتكلم بس عاد اللحين بس أذكر الموقف أموووت ظحك على نفسي أطيب تحية لأحلى ملوكة