يا صاحبي .. كل الحبايب مساكين !
............... .... ماعندهم غير الدفاتر والأقلام
هذا أنا .. عاشق بكل الموازين
.................. شفني كذا عايش على بعض الأحلام
كم صار لي .. وآنا آتصدد عن العين !
.................. خايف .. يشوفوني هلي .. وإنت تنلام
أدري نسيت وصرت .. ماتذكرن زين
................ حتى الجسد صار ايتنكر للعظـــــام .
ياصاحبي .. آخر خطانا على وين ؟
................. يوم إتفقنــا نفترق .. من قبل عـــام
قمت وتصافحنــا .. على إنــا مقفين
.................. وقلوبنــا عيت ترافق للأجســــام
إلمس يدي .. شف كيف ترجف الى الحين
.................. اتصدق ان الحال هذا .. من العام ؟
حسيت .. كن آخر لقانا من سنين
................. مع إني أحضن صورتك .. كل ما أنام