مساء النور والنوير ..
تفضلوا أتمنى تعجبكم
لا تجرحيني .. جرحك العام ما طاب
داوي بحنانك ما مضى واجرحيني
ياللي حنانك نظرة بين الاهداب
ودي علي بعض العزا.. ناظريني
خافي على قلب يحبك إلي ذاب
ذاب الهوا فى خفقته.. والحنيني
لولاك ما زار القمر ليل الأحباب
ولا لوحت شمس المحبه جبيني
و لولاك .. ما يلفي على الدار غياب
ولا تبكي اللي فارق الدار عيني
فى غيبتك كل الملا عندي اغراب
ما أحد أبي قربه .. ولا أحد يبيني
لايا غلا كل القرابه و الأصحاب
ضاع العدل في الناس لو تظلميني
اتمنى تعجبكم