السلام عليكم ورحمة الله في المنتدى بعد التحية كيف حالكم أعضاء منتدانا الغالي " شلونكم " ؟! في الماسنجر كيف حالك ؟ " شلونك " وينكم من زمان " حتى لو أمس الظهر شايفتها يعني مابطيت " بس لازم نسأل عن الأحوال والعوال في التليفون هلا والله شو أخباركِ كيف حالك " شلونك " اشتقت لكِ دووبة ليالي الخميس والجمع " الاجتماع العائلي المعهود " " شلونج " خالتي " شلونج " عمتي " شلونك " خالي هيك يعني ،،، فالسلام والسؤال عن الحال يكون بالترتيب لـ شخص شخص وشخصة شخصة للمتواجدين الآن نشوف استخدام الناس لهذه الكلمة الروتينية " شلونك " بعض الاشخاص لما تسألهم عن حالهم ما يفكرون بالجواب أو حتى ينتظرون يسمعونك على طوول يكملون الحديث بعده ويدخلون في ستين ألف سالفة يعني بدون رد ،، وبعضهم لالا ذرب ينتظر الجواب وبعدها يرد بكلمة مجاملة ويكمل حديثه عادي تبقى هذه الكلمة مهمة جدا بالنسبة لي وما أدري عن بقية الناس ,, جد مهمة وأحس بحلاوتها إذا كنت انتظرها من أشخاص اعتقد اني اهمهم وأمثّل ليهم شي " شلونك " هي كلمة وحدة بس لو تلاحظون تحمل معنى كبير أنا سألت عنك لاني اهتم لحالك ولأن لك مكانه في قلبي كلمة تدل على تبادل الاهتمام والمشاعر كلمة تشعرنا بالترابط بين البشر >> مو جاية ماادري هذا احساس زهرة او تفسيرها لهذه الكلمة ..! انتو وش احساسكم ؟؟ هل تشوفون كلمة شلونك فقدت اهميتها ؟ هل تشوفون بعض الناس أنانيين بإنهم ما يسألون لانهم مايبون يعرفون حال غيرهم ؟! أو لانهم ما يريدوا ان يدخلوا في أمور ما تخصهم وان كان هم عارفين بحالة المسؤول ..؟! جد نفسي اعرف ليش البعض مايهتم لهذي العبارات شلونكم وش آخر أخباركم عساكم سهرانين مثلي إن شاءالله الجميع بصحة وسلامة زهرة اللوتس