قصيدة وداع خالد الفيصل عندما نقلوه الى مكه
--------------------------------------------------------------------------------
روحي تودع دايم السيف بأهـات=وتودعه في شوق أبهـا البهيـة
تودعـه غيمـة بونّـة وعبـرات=يا ما سقاها الشوق صبح وعشية
أشوف سودتنا بكت حزن بسكـات=حتى بكت معها (جبـال ألمعيـة)
حتى سحاب أبها تعدى المسافـات=ورحل معك لبـلاد خيـر البريـة
الليل توه يعرف (أمر المعانـاة )=حس بوداع (اللي فراقـه خطيّـه)
والنجم يسري تايه في المسارات=كنّـه خـوي ذاق فرقـا خوّيـة
والشمس يشرق نورها فيه غصات=فقد حبيب يرسـم شعـاع ضيّـه
جبال أبهـا والطـرق والممـرات=تبكيك مع روض الـورود النديّـة
هذا جبل أخضر بيروي حكايـات=وش كانت أبها في سنيـن خليـة
كانت قرى من طين في ماض فات=واليوم صارت من مـدن عالميـة
ذيك الهجر عجت بكثـر البنايـات=مع روعة التنسيق وجهود حيّـة
البحر جانا في الجبـال المنيفـات=واصبح لمن يشرب ميـاه نقيّـة
في كل مرفـق للتطـور علامـات=واحلامنـا باتـت لنـا واقعـيّـة
الفضل لله ثم لـك أنـت بالـذات=يا معلّـم التفكيـر معنـى رقيّـة
لكن عزانا نسل راعي الطويـلات=فيصل ولد خالـد حبيـب الرعيـة
وأنك غديت لفوق لأغلى لمقامات=راعي لبيـت الله ومربـى نبيّـة
قدرك كبيـر ولا توفيـك الأبيـات=تفديـك أرواح ببعـدك شقـيّـة
وأقبل مع التقدير أزكى التحيـات=من شاعر يرجـع لأرض ألمعيّـة
عاشق الذيب