يعطيك العافيه على الموضوع
سؤالي ما الداعي لدفع هذه المبالغ الخرافية من أجل رقم أو حرف ؟
الجواب غير محصور في شي واحد يمكن تحدي لاحد من ربعه او احد زملائه.... ويمكن لانه احد اصدقائه لايحته مميزه وقام يقلده.....ويمكن لان السياؤه جديده لازم تكون اللايحه بعد جديده ومميزه....ويمكن يحب يكون غير عن الناس..يعني يا ناس شوفوني انا غير عنكم.....تتعد الاسباب
وهل أن الأموال لاتهم دافعيها ؟
ما اظن ان في احد بيشتري هاللوايح بهالقيمه الان انه مليونير او ابوه ملياردير والله منعم عليه لكن.....مو عارف قيمه هالنعمه.
يعني ثلاث ملايين وثمان مئه خلنا نقول اربعه ملايين.... انت لما تشتري هاللايحه شنو بتجني الله بيغضب عليك لان ترمي فلوسك في مكان ماله داعي.. صحيح الناس بشوفون اللايحه ويمكن يحسدونك لكن...شنو بقولون من وراك؟؟>>>هذا مجنون رمى فلوسه على شي ما يستاهل والبعض يتسلف عشان يشتري هاللايحه تصور كيف يتسلف يا جماعه
لكن تخيل هالاربعة ملايين متصدق ابهم على فقير بيته في الشتاء يخر ماي... بشنو الله بجازيك؟؟؟
والا ام متوفي زوجها وعندها عيال بحاجه للريال مو للمليون والله بحاجه للريال بشنو الله بجازيك
والا برجال شيبه يدف عربيه في السوق وياخذ من هذا خمسه وهذا عشره في عز الحر في الشمس والحين في عز البرد تشوف جسمه ينتفظ من الالم عشان يأكل زوجته وعياله...بشنو الله بجازيك؟؟؟
والا بناس ما عندهم بيت مثل اطفال فلسطين!!! لما تستر عليهم وعلى امهاتهم ... بشنو الله الله بجازيك؟
والا بفقيره تجلس على باب المسجد وكل ما مر طفل داس على رجلها وهي صابره ومتحمله عشان تحصل هالريال والا هالريالين عشان منو؟؟؟ عشان مو تأكل؟ عشان تعيش هالي عندها الاطفال او تعيش نفسها... بشنو الله بجازيك؟؟؟
لما طفل مريض ومصاب بمرض حاد(ابعد الله عنا وعنكم الامراض) وبموت لو ما تعالج ...انت لما تعالجه ومن بعد الله تحييه ....شنو الله بجازيك؟؟
شقول وشخلي؟ اخوي حامل المسك موضوعك ابكاني...او يمكن ردي ابكى نفسي....اتمنى تتقبل مروري