[سعيد]

شكرا لك اخي جبرني الوقت على المرور

(في بيت بوراكان)

(مشاعل) من ورا باب الغرفه :بووووووووووو

كيفكم يالعرايس ؟؟؟

(عبير) اللي انفجعت ,, ووووجع الواحد يسلم قبل خرعتيني

يامفتريه,,,,بعدين مافي غيري عروس

(مشاعل) وهي ميته ضحك على شكل بنت عمها,,ابشري عمتي المره

الجااايه ...

(رهف) اللي طلعت من الحمام ,,بسم الله متى جيتي؟؟

(مشاعل) :توني ,, فاتك بعض الناس ههههههه

أقول بنااااات أمكم مسويه حالة استنفار تحت هههه..

(رهف)ههههههه الله يعدي هالليله على خير...

(عبير)من قلب اااااااااااااااامين......

دخلت مشاعل وفصخت عباتها وطلعت الفستان وفرشته على سرير

عبير,,,(مشاعل):وش رايكم؟؟

(رهف) وهي فاتحه فمها : وااااااااااااو,,,

جناااااان بتغطين علينا يالخايسه,,

(مشاعل): هههه ,,,, وطلعت اكسسواره الفخم...

(عبير) باعجاب :كفايه انه لزهير مراد..

الفستان كان أحمر ستان بحبال تبدى من تحت الصدر لفوق وتنربط على

الرقبه,,ضيق على الجسم مفتوح بفتحه وحده لين ركبها مذهب بشرايط

ناعمه .........

صرخت مشاعل فجأه..

(رهف) وهي مفجووووعه وش فيك بسم الله؟؟؟

(مشاعل) وشوي وتبكي شوووووفي وأشرت على أسفل الفستان ,, والله

اني كنت حاسه بس طنشت..

كان فيه شقه بسيطه بس كانت واضحه.....

(عبير) : مالك غير جودي خدامتنا لها في الخياطه..

دخلت فوزيه عليهم وقالت لرهف تروح للكوفيرات اللي دخلتهم فوزيه
الصاله وطلعوسوا ,,أما عبير كانت بتدخل تاخذ شور عشان تجهز...

(مشاعل) باستياء : وذا وش اسوي فيه ؟؟؟

(عبير) :وهي تاخذ ملابسها ,, روحي لجودي تحت وان شاء الله تصرفك .....
نزلت مشاعل بعد ماتأكدت ان البيت فاضي من العيال......

فستانها الأحمر بيدها وصلت لباب المطبخ دخلت مالقت أحد طلعت من بابه

الثاني اللي يودي للحديقه ومجالس الرجال الخارجيه ,, كانت تمشي

والهوى جناااااااااان وشعرها يتطاير على كتوفها ,, لقت زاوية ورد

مزروعه بطريقه ملفته للنظر فيها تناسق عجيب.....

جلست على ركبها قبال المنطقه المزروعه ,, وطلعت ااااه من قلبها كانت


محبوسه من زمان ,, تكلم الورد كانها طفله أم عشر سنوات ,,يمكن لأنها

تمنت بهالحظه ترجع لهاالعمروأمها تكون معها ويتغير قدرها .......

(مشاعل): يابختكن ..أحسدكن يالوردات أمكن معكن ترعاكن ,, نزلت على

خدها دمعه متمرده ..كانوا يظنونها نست بس لا هي مانست ,, كيف تنسى

وألمها كل يوم يزيد,, جرحها كل يوم ينزف ماله دوا ...باست ورده من

الوردات ومسحت وجهها بايدها الصغيره ولفتره نست الزواج وأهل الزواج

وكانت بعالمهااااااا الخاص... حاولت تتماسك لأن الليله ليلة عبووووووور

حبيبة قلبها ولفت وجهها وقامت بترجع......

مشاعل مفجوعه ,,حاولت تهرب ترجع مكان ماجات ,, واقف يناظرها

وكأنه مبنج ماتوقع أبد يشوفها معقوله سمع كلامها,,,

وصلت غرفة عبير دخلت بسرعه وصكت الباب وراها وتحمدت ربها ان

الغرفه فاضيه لالا..مستحيل سمعني بس مادري هو متى جا أصلا,, شاف

دموعي وضعفي ..أنا اللي طول عمري متماسكه,,ليش يااااااربي

,,مربخيالها كانه حلم وتذكرت انه شالها وهي مريضه,,كسرخاطرها بس

لا المفروض مايناظرني كذا انا مو من محارمه حمر وجهها يوم تذكرت

طريقته وهويناظرها حست برجفه تسري بكل جسمها شعور غريب ماقد

حست فيه الا مع هالآدمي..صرخت فجأه تذكرت انها نست الفستان ,, من

الفجعه تركته على الأرض رجعت وهي متردده بس لبست عبايتها

وطرحتها هالمره ,,طالعت يمين ... يسار... مالقت أحد ولالقت الفستان ,,

سمعت صوته ووقفت....


كان جالس على الكراسي الموجوده في الحديقه ..


(بندر): وهو يلعب بجواله ويأشر على الفستان اللي جنبه ,, تدورين على

ذا؟؟؟
(مشاعل):بارتبااااك ملحوظ ورجفه,, ايه لوسمحت شوي أباخذه ..

مد بندر ايده وشال الفستان اللي دخلت ريحة العوداللي فيه بخشمه وعيت

تطلع...
(بندر): ليه مشقوق من تحت ؟؟

(مشاعل): وش يبي ذا,,مسكت نفسها وردت بهدوء بس لسه مرتبكه,,لأن..

لأني طحت وماكنت منتبهه..

(بندر): انت دايما تطيحين ؟؟(كان يقصد طيحتها بالسوق)....

ردت بسرعه كان ردها جرئ بس طلع الكلام خلاص...

(مشاعل) : ايه بس هالمره شلت نفسي بنفسي..

(بندر) : بحاجب مرفوع ,, بس مو كل مره بتسلم الجره...

(مشاعل) وبغرووور زاد حلاتها بعينه: مو كل مره بتنكسر الجره,,( يعني

مو كل مره بتطيح وهو فيه)

بندر عجبه ردها وعرف انه ماراح يقدر يجاريها بالكلام.....

(بندر): طيب بتلبسينه كذا ؟؟؟

(مشاعل) : فتحت فمها متفاجئه........

كان يقصد الشق الموجود فيه ..
(مشاعل) : لابخلي الخدامه تخيطه لي....
(بندر) : عندي لك راي أفضل,, أباخذه لأقرب خياط وأجيبه لك ...

(مشاعل)......لا..لا.. مابكلف عليك نسويه هنا ,,

ووجهها رايح الواااااااااااااااان......بعدين أخاف

يتأخر......وانت ماودي اعطلك...

(بندر) : وعد مني الساعه 9/ يكون عندك وش تبين بعد ؟؟؟ وبعدين

الفستان غالي حرام يطيح بايد الخدامه...وبعدين تراني بندر بواجازه

ولاماقالولك.....؟

(مشاعل) : وتتمنى الأرض تنشق وتبلعها لأول مره تتمنى

هالأمنيه...عمرها ماتجرأت وكلمت واحد من عيال عمها كذا.... بس

الظروف أحيانا تحكم.....ضحكت على اسلوبه..

(مشاعل) :خلاص وش اقول بعد ؟؟ وقالت بعفويه بس لو ماجاني 9/

انتبهت لكلامها وسكتت باحراج واضح...

بندر عرف انها تكلمت بعفووويه تهبل عليهااااا,,

(بندر) : لوماجاك 9/ سوي فيني اللي تبينه حلالك..

مشاعل اللي ماهي شايفه قدامها من الأحراج ماردت........

(بندر) : عن أذنك,, ........ مشى من قدامها لين ماطلع من البوابه

الخارجيه وعينها عليه ,,يالله قد ايش وسيم وجنتل انتبهت لنفسها ودخلت مع

باب الصاله ولقت خلود وعيالها..........
/
/
/
/


(في الكويت)

جالسه على السريرفاتحه شعرها ومنثور على الفراش تناظربالشباك اللي

يطل على الشارع الرئيسي ,,الى متى بتظل متحمله هالوضع ,,كل شي

يخصها يتحكم فيه ,, ماتلبس الا على كيفه ماتكلم الاباذنه ,, ماتطلع مع

أهلها ولاتجي ولاترووح محبوسه معه بعذر انه يغير ويحبها ,, الى متى

بظل أضحك على نفسي ........

ضحكت بسخريه وتذكرت ذاك اليوم يوم ملكتها صح انها كانت جلفه معه

بس هو كان بيمووووت عليها كان بالحييييييل رومانسي سبحان اللي يغير

وما يتغير...........
/
/
/
/
/
(في بيت بوراكان)

الكوفيرات منقسمين على البنات من جهه وعبير من جهه ,, حتى فوزيه
خلوها تتعدل معهم ,,عبير كان مكياجها خليجي ثقيل يتدرج مابين الأسود
والعنابي غير من شكلها ,, رهف حطت شي بسيط يناسب فستانها الوردي

الناعم كان مكياجها وردي ممزوج باللولي ,, أما مشاعل اللي بينت

ملامحها بمكياجها السموك الأسود الممزوج بالذهبي بطريقه فنيه رائعه

وعينها اللي بينت مثل عيون البدويات بالكحل الأسود خصوصا ان لون

عيونها غريب شوي يجمع بين البني والعسلي,, شعرها كان مفتوح ملفوف

رولات كبار مع نفخه بسيطه من فوق زادت منظرها فخامه.........

بوسط هالزحمه انتبهت مشاعل للولد اللي يشد فستانها من تحت ....

(مشاعل): ها حمودي حبيبي اشتبي ؟؟

عطاها ورقه كان مكتوب فيها : مثل ماوعدتك الفستان وجاك على الوقت

..طالعت بالساعه في يدها وكانت ضبط 9/,,, كان كاتب ملاحظه اسفل

الورقه,,
كثير عيون مرتني ولاغيرك ملا هالعين...

ولاأذكر أحد قبلك لفتني وهزوجداني........

مشاعل خقت ياربي وش يبي ذا بيجنني الربكه باينه على وجهها حاولت

تكون طبيعيه قد ماتقدر شعور اجتاحها بذيك اللحظه أول مره

تحسه....................
/
/
/
/
بندر في حديقة الفيلا ,,, والله موبصاحي انا كيف كتبت كذا ؟؟ عمري

ماشفت مثل براءة هالبنت بس نفسها الصغيره حزينه مكسوره .. الألم باين

بعيونهااااا ,,

اااااااه منك وش سويتي فيني...؟؟

كمل طريقه للمجلس وهو متأكد من شي واحد بس..
/
/
/
/
/
/
/
الساعه 10/ والضيوف وصلوا وبيت بوراكان منور والمعازيم مالين

الفيلا....