لو تكدر خاطري يوم .. وافكاري شهود
****** ماتركت النفس لحظه ولو في حالها
اعرف اطباعي واجازف.. وكن مالي قيود
****** بـ اعتبار النفس عقده وانا حلالها
شلتها ذنب وخطيه .. وهجران وصدود
****** ولـ اجفلت مني وشاحت ماهوب اشوالها
لـ اني اعشقها قويه .. اعلمها الصمود
****** ولـنها تحرق فؤادي ... اّبخر شالها
ماازكيها على الله .. ودمعاتي شهود
****** ولوها نفسي فـانا ابخص بـ كل افعالها
واثق بصبري ولكن.. لـ كتماني حدود
****** وكل نفس ٍ ماتجازى سوى بـ اعمالها
احشم افكاري واثمن.. وعودي والعهود
****** واحترم اعجاب انثى واّكن هبالها
وان رمتني بنت حواء.. بـ اوصاف اليهود
****** يكفي اني جيت لحظه ولو في بالها
ابتسم واقول عادي.. وانا كلي برود
****** لني واثق هالتصرف يزيد خبالها
علها تعرف وتفهم بـ أني في صعود
****** وكل كلمة نقص ترجع على من قالها
دامني واثق انا شـ عاد تنقص او تزود
****** كلمة ٍ ماهي بوجهي تروح بـ فالها
والغرور اللي عشقني .. وبعثرني وردود
****** ماتعدى كبّري اللي عشّق اغلالها
كنت مغرور بـ عنوداً ؟.. وجازتني بجحود
****** وكنت متكبر علـ الحب لجل اوصالها
العنود و لو تخلت مــ بدّلها بـ عنود
****** وان جزت عن عشّق قلبي عشقت عيالها
لبى مبسمها ولبى نحرها والخدود
****** ويل قلبي لـ طرى لي ... ...... ؟
دام لي مبدأ وقلبي معا ريم النفود
****** الوصل مني فريضه ولو لـ ظلالها
مع الجوري ..
الشاعر على الاحمد