[تألق]

مـن كــل حــرف , وكــل شـهــوة صـبـابــه
اسـتـغـفــر الله واتـعــوذ مـــن ابـلــيــس


اعـــوذ بــالــي آوى عــبـــد وســرابـــه
لاجـي نـهـار الـحـشـر خـلـف امـرئ الـقـيـس


يـــارب , يـــارب الــكــرم والـمــهــابــه
يــالــي لـــك اعـــلام الأوادم مـنـاكــيــس


جـردنــي مــن الـنـابــيــه والـسـبــابــه
ولـبـسـنــي مــن دروع هـديــك مـتـاريــس


تـعـبـت مـن مـســك الـقـلــم والـكـتـابــه
والـشـعــر , وفـتــن الـنـســا والأبـالـيــس


والـمــدح فــي عــزوة وشــيــخ وقــرابــه
والـلاء .. لـدعــوات الـرضـيـيــن والـلـيــس


والـحــب ومــا حـولــه ومــالــه وهــابــه
والـدمــع لاهـبــت عــلــي الـنـسـانــيــن


والـشــوق وغـفــال الـعــقــل وانـغــلابــه
والـلـيـل وخـطـط الـدهــا .. والـجـواسـيــس


والـشـهــرة وحـكــي الـعــرب والـلـبـابــه
وزمـلــوق شــف مـاتـعـســه عـواســيــس


وحـصـر اسـمـي فـشـاعـر فـسـاحـه غـرابــه
شـعـارهــا فـيـهــم رخـــوم ومـلاحــيــس


وانــــا لــعــطـــاس الأوادم ســحــابـــه
ومـن خـلـقـتـي مـاقـد وطـيـت الـدنـافـيــس


تـاكــي عـلــى ارث الأســـم بـالـنـيــابــه
واقـطـف خـلاصـه مـا اغـرســوه الـغـواريــس


احـسـبـنــي فـايــز بـالـرضــا والــذرابــه
واثـري مـثـل مـن يـحـصـر الـنـور فـي كـيـس


اقـفــي مــن الله والامـــل والــرضــا بـــه
واروح ادور مــن ورا ابـلــيــس احـاســيــس


اسـهـر عـلــى فــن الـكـلــم والـخـطـابــه
واصـبـح ولـيـن الـي جـمـعـتـه حـمـالـيــس


قــلــبــي لـــعـــزاف الأوادم ربـــابـــه
وراسـي لـخـطــوات الـشـطـانــه دواعـيــس


تـقـودنــي نـفـســي ولا اشــعــر ولا آبـــه
مـالـت عـلـيـهـا عـاصـيــات الـهـواجـيــس


مـن عـنــده ان كــل الـشـعــور يـتـشـابــه
روس مــع الــي فــي الـدحــادر مــراويــس


الاثـم مـاحـاكــه فــي خـفــوق وخـفــا بــه
والـخـيـر مــا شـاعـتــه روس الـنـوامـيــس


كــم شــي صـــار وصـــار مـايـنــدرابــه
وكــم نــومــه مـاكـدرتــهــا كـوابــيــس


تــرى مـااحــد لــه فــي رقـبـتــي طـلابــه
بــس الـصـراحــه مــن شــم الـفـواعـيــس


والـرجــل اذا مـايـعـتـبــر فــي شـبــابــه
يـعـيـب قـبـل يـشـيـب ويـشـيـب ويـخـيـس


يـا راجــي ارجــى الــي مـايـنـصــك بـابــه
لاتـرجـي الـوهـبـات مـن هـيـس ابـن هـيــس


اسـتــغــفــر الله واتــتــقــى عـــذابـــه
الـي فـرقـنــي عــن حـيــاه الـمـتـاعـيــس


مـن قـبــل لا ارعــف الـهــدى واعـنــا بــه
انــــا وهــمـــي والــحـــزن face to face


والـحـيــن لـلــه .. الـفــضــل والإنــابــه
مـتـعـافـي .. ويـمـشـي عـلـى زنـدي الـتـيـس


هــادي .. يـشـوشـنــي طـزيــز الـذبــابــه
لا عـــدت لايـــام الـغـبــيَــه ولا أقــيــس


شـريــت عـقـلــي فــي ســـؤال وإجــابــه
انــا أعـبــدالله .. ولا أعـبــد الـوســاويــس ؟


لــذة خـفــوقــي وانـجــلابــه ضـبــابــه
سـجـدات لـيــلِ ظـالـمـيـنــه مـنـاعـيــس


فـاجــواء مــكــه والــحــرم والـرحــابــه
لا يـابــعــد رومـــا ولــنــدن وبــاريــس


هــذي ديــار الـمـصـطـفــى والـصـحــابــه
وهـذيــك دار ابـلـيــس وعـويــل ابـلــيــس