بنت المملكه
مــن يفـتـش فــي مقايـيـس الـكـمـال
يسـتـبـيـن الـفــرق واضــــح بالـدلـيـل
بـيــن بـنــت المـمـلـكـه بــعــز ودلال
وبين باقي الناس مشوار(ن) طويـل
حـيـث ربــي زانـهـا بأجـمـل خـصـال
من أصـول(ن) طيبـه ومعـدن أصــيـل
والشـمـوخ الـلـي لـهـا يحـنـو جــلال
بـيــن ايـاديـهـا وتـرمــي بـــه ذلــــيــل
والـوفــا والــصــدق أروع مـايـقــال
فــي ثنـايـا طبـعـهـا الـشـهـم النـبـيـل
والـغـدر فــي طبعـهـا مـالــه مـجــال
والــردى والـشـيـن فـيـهـا يستـحــيـل
والجمـال اللـي سلـب عقـل الـرجـال
واسـتـمـال قـلــوب تـأبــى تسـتــمـيـل
خـذ مـن البسـمـه وضحكتـهـا مـثـال
مـروى للضمـيـان ومشـفـى للعلـيـل
والـشـفــاة مـلـّونــه بــــدم الــغــزال
فـي طعـم يحــلـو علـى الشـهـد بقلـيـل
والـســواد بعيـنـهـا سـحــر وجـمــال
والكـحـل فــي حسنـهـا مـالـه مـثـيـل
والشـعـر كالـمـوج يـلـطـم بانـهـمـال
فــي ثــرى شــلال يـرمــي مايـشـيـل
والخصر قوسين فـي عكـس امتثـال
مع ردوف(ن) نابيه بشكل(ن) جميل
ومـاألـوم القـلـب يــوم القـلـب مـــال
في هوى مدعوجـة الطــــرف الكحيـل
واشهـد ان اوصافـهـا مـاهـي خـيـال
هــي مـزايـــا مـــن لـــدن رب جـلـيـل
وياسـعـد مــن فــاز فـيـهـا بـالـحـلال
يهـتـنـي بـالـعـز وعـمــره يسـتـطـيـل
والختـم صـلـوا عـلـى زيــن الفـعـال
حامـي الأشهـاد مـن نــار (ن)تهـيـل
وســــــــــلامــــــــــتـــــــــــكـــــــــــم
الشاعر ... واصل بن محمد الشريط
هذه القصيده نشرت بملحق الاحساء بجريدة اليوم السعوديه بتاريخ 15_7_1427 وقد القيتها في بعض الاحتفالات للتشجيع على الزواج الحلال من احدى بنات مجتمعنا الغالي والذي يتساوين فيه غالبا في معضم صفاتهن ويجتمعن في اصولهن الطيبه وانسابهن الكريمه.كما اتمنى هنا ان تحوز هذه القصيده المتواضعه على رضاكم وان تصل اى مستوى ذائقتكم الشعريه .وتقبلوا تحياتي