ههههههه
الله عليك يا المحلل .. والله على السم الهاري محبوبي قصدي مشروبي
تصدق عاد ... خيرني بين القوطي والغرشة فالنتيجة واحد صفر للقوطي
أموت فيه .. وإلى الآن ما أعرف وش هالغراااام هذا مع السم الهاري
بين فترة وفترة .. أدندن بطور ((أم البنين الحرة لباسم )) وأقول
بيبسي وأشربه بسرعة
فمية ينفتح له اشوسعه
من عز حياتك يالبيبسي
من عز حياتك
سويت نفسي مقاطع للبيبسي يوم من الأيام .. واستمريت شهر ..
بعدها قاطعت المقاطعة وقلت آبوها مقاطعة .. ورديت للسم الهاري
تدري ليش الكوكا كولا متغلب على البيبسي في البرودة؟؟
لأن قليل اللي يحبه وقليل اللي يطيجه عشان كذا هو بارد
في عز الصيف إذا كنت خارج البيت ..
وحبيبت أشرب بيبسي تشوفني أدوّر على بقالة في الفريج وأتحاشى المراكز الكبيرة ...
لأني أعرف أن البيبسي عند المراكز حاااااااااار
سيارات البيبسي مازالت عندنا في الطرف ومازالت أمي تطلب منا استبدال الصناديق
وهيهات للصناديق العشر أن تستمر مليانة لمدة أسبوع هيهات
بالنسبة للعلامات اللي تحت ..
كنت أحرص على اختيار المستطيل لأنه علامة الملك .. الدائرة علامة الحرامي ..
أما المربع مدري وش هوله
وما أنس بعد المغاطي ..
كنا نحطهم على ظهرهم ونقلبهم وحدة وحدة بلمسة واحدة سريعة ونشوف من اللي يغلب