[خادمكم]

بسم الله الرحمن الرحيم
السلام عليكم ورحمة الله وبركاته .
حقيقة ودي أناقش قضية صارت ومابرحت تصير في البلد وهي( وعذرا قبل أكتب الموضوع لا أحد يفهمني خطأ)
ليش يا اخواني اذا صارت عندنا أي مناسبة دينية سواءا كانت ولادة أو وفاة يقوم بعض الشباب باستدعاء رواديد من الخارج ليش ماننمي المواهب الموجودة في البلد ليش ما نعطيهم الحرية في الروددة انتم جربوا المواهب الموجودة ونموها وانا اقول اذا في احد برد وبقول ما في أحد من الموهوبين فأنا أقوله أنت غلطان عذرا بس في ناس موهوبين في الروددة وأحسن من الرواديد اللي في الخارج وأنا عذرا ما أمتنع من استدعاء الرواديد بالعكس بس أهل البلد أولى وأيضا اتمنى من المشرفين على المناسبات الدينية ان لا تكون هناك واسطة بين الرواديد أو بين الموهوبين وأنا بضرب مثال عشان تكون هذه النقطه واضحة مثلا : يعني عندنا رادود اسمه (س) وهذا رادود ما شاء الله مقتدر وعارف للرودده وصوته حلو وتفاعله مع الجمهور حلو و........... إلخ
مو شرط ان في اي مناسبة لازم هذا الرادود(س) يقرأ في كل المناسبات لا هذا خطأ وحقيقة هذا اللي صاير عندنا المفروض جرب واحد ثاني وثالث ورابع وشوف المواهب يمكن يكون أفضل من الرادود(س) وأحسن منه في التفاعل وفي كل شي أنت جرب أول وبعدين أحكم
لان انا اعرف واحد من الشباب صارت له نفس القضية كل مابروح يقول حق المسؤول عندي قصيدة يقول له المسؤول انت صوتك مو حلو ولا انت ما تعرف تتفاعل مع الجمهور ولا .........إلخ وأنا لا أعني
شخصا محدد ولكن هذا للمسؤولين عامة وانتوا جربوا المواهب وبتشوفون ان شاء الله اللي يرضيكم وبعدين تقولون قال بلا رحمة واخيرا عذرا على الإطالة بس حقيقة نبي حل مقنع يرضي الجميع ملحوظة * اتمنى مايحذف هذا الموضوع *