محاورة شعرية بين الشاعرين MRتوني بلير وMRبوش بن بوش
حيث جاء بلير الى امريكا
لحضور المؤتمر الثنائي مع بوش ، وعندما دخل صالة الاجتماعات بدأ بالمحاورة
التاليه ورد عليه بوش فورا ...تعالوا الى المحاورة
بلير:
الله لايجزاك بالخير يابوش ،،،، ورطتنا في حرب صدام ورطة
عزمتني وتقول بترول وقروش ،،،، بس الحقيقة كلها هالحرب غلطة
بوش:خلووووهههههههههــــــــــــــا
يابلير خذ العلم من بوش بن بوش ،،، الله خلقنا للمقاريد سلطة
وأبوي عنده للرجاجيل دنبوش ،،، كم واحد شلنا فلوسه ونفطه
بلير:
أبوك والنعمين مير انت مربوش ،،، تموت بالبترول وتحب شفطه
صحيح عندك مال وسلاح وجيوش ،،، مير أتوقع لك تدهور وسقطه
بوش:
يابلير كنك خفت يوم إحتمى الهوش ،،، حرام ماتاخذ من النفط نقطة
قبلك ترى شيراك قد راح مكروش ،،، طالع يصرح كل يوم بمحطة
بلير:
وراك ماتعطي لشيراك عرموش ،،، تراه مشغلنا بشيله وحطه
وليا انتهى موضوعنا نرسل إطروش ،،، ونجمع المبلغ من الربع قطة
بوش:
شيراك هذا عنده المخ مرشوش ،،، فرط علي في مجلس الامن فرطة
يسمع كلام الروس مسكين مغشوش،،، ومجهز الفيتو لتحقيق شرطه
بلير:
يابوش انا مرهق وخايف ومدهوش،،، وانت تقول الحرب خدعة وخطة
أسراي وأسراك إمتلأ منهم الحوش ،،،عزالله انه صابني منك جلطة
بوش:
ماقلت لك انت فيه اذاعات ودشوش،،، لاتكشف المعني وناأقول غطه
وإن قالوا إناإعلوج وأصحابناإجحوش،،، ماهمنا الصحاف واللي يحطه
وسلامتكم
منقول