[الديواني]

شوفو نوايا الريايل

1- إذا شفت الرجل يكشخ ويتزقرت على غير العاده اما انه وسيم أو انه على موعد غرامي .
2-إذا شفت الرجل يكثر من ذكر عيوب زوجته وانتي دبه او انتي ما عندك ذوق اما أنه صادق أو انه ناوي نيه قشره ويبي يسويها .
3-إذا شفت الرجل ساكت وهو قرقه ومزعج إما أنه تاب أو انه يبي يذكر شي مسويه يسود الوجه .
4-إذا شفت الرجل يلاطف زوجته ويسمعها كلام حلو اما انه رومانسي أو انه حاجز على سفره ويبي يلطف الجو قبل السفر .
5-إذا شفت الرجل يكثر من أكل الثوم اما انه يحب يحافظ على صحته أو انه يبي يغث ويكدر ويزهق زوجته . (يكفيها رائحة التدخين )
6-إذا شفت الرجل يمدح طبخ زوجته اما انه عنده ذوق أو انه خايف من النسره اللي عنده .
7-إذا شفت الرجل كثير الأسئله عن الأشياء في البيت اما انه حريص أو انه يدور الزله على زوجته .
8-إذا شفت الرجل مشتري هديه لزوجته بعيد ميلادها اما انه صاحب واجب أو انه يبي يحسس زوجته بعمرها الديناصوري .
9-إذا شفت الرجل طايح في الأغاني والشعر فتأكدي أن قلبه للحين خضر وعيونه زايغه .
10-اذا شفت الرجل سارح وباله مشغول اما انه يتامل أو انه قاعد يحسب تكاليف الزواج الثاني .
11-إذا شفت الرجل ما يرجع للبيت الا متاخر اما انه يحب السهر أو انه يبي ينتظر لما تنام البعبع اللي عنده .

إذا تحبون تشوفون نوايا الحريم الرجاء الضغط على الرابط :
http://altaraf.com/vb/showthread.php?s=&threadid=6421

منقول .. دون أي مسئولية على الناقل