[زكي مبارك]

السلام عليكم ورحمة الله وبركاته،،،

الصراحة موضوع حلو وتمام و .. وراح أتكلم اليوم اشوي بالعامية :

أول مافيه وسائل جذب ولا حاجة والكل يسبح، ام الشبيبي ما قصرت ما بقى واحد ما سبح فيها .. وبرك النخيل وقت السقيّة هَمْ جيدة حق السباحة .. حتى النظافة أول يمكن أحسن من أحين .. الخشف إذا نزل على بدن الواحد ما يسمّي والوضع عادي .. وليفة الشيشيّة تخلي بدنك اشحلوه إذا استخدمتها لا صابون دوف ولا تنقع في مقطس .. واليلَق يروح بسرعة.
بس فعلاً كانت حياة جخة .. أحين الماي متوفر والكبار ما يسبحون .. لأنهم يحتاجون إلى وسائل إغراء وحركات دلع ..

بس لازم فعلاً نراعي الزمن اللي احنا فيه .. وسائل الجذب صارت شبه ضرورية .. ولكن هناك أساليب يازينها لو استخدمناها مع البزارين .. :D

وتقبلوا تحيات (زكي مبارك)...