[العنيد]

السلام عليكم ياعيال ديرتي الغيورين على بناتنا اللة يحفظهم ويستر عليهم ,,,الغيورين على ورود السعودية ,,ورودنا اللي قاعدة تعطر سمانا دايما بالعفة والحشمة اللي ميزتهم حتى عن بنات الخليج اللي هم جيرانا,,,هالمجموعة من البشر اللي اعطاهم الاسلام كامل حقوقهم بعد ما كان ابو جهل وربعة يدفنونهم احياء,,اشوفهم عندنا في مستشفانا واخص بكلامي الطبيبات ,,,اشوفهم فعلا مدفونين بس مو تحت التراب _الله يكرمكم_ لا تحت افكار مجتمعنا الغريب ,,,,يا ناس من خلال احصائية السنة هذي التقريبية ,,عندنا في مستشفانا ما مجموعة 58 طبيبة تقريبا ,,,اللي بس متزوجات منهم هم 15 طبيبة ,,,,ال 43 العوانس هذولا منهم تقريبا 20 تجاوزو ال30 من العمر ,,,,طبعا هذا على مستوى الطبيبات اذا ما استثنينا الموظفات الباقيات واللي تقريبا وصل عددهم الان ال250موظفة ,,,لا وهذا في مستشفى واحد _الحرس الوطني_ فما بالكم في بقية المستشفيات ,,,,على العموم ليش حنا ماخذين الفكرة الغريبة عن الطبيبات ,,,,وانهم مثلا دايما يختلطون مع الرجال ويحصل بينهم ضحك وميانة ,,,لا صدقوني المجتمع ماخذ فكرة غلط عن هالناحية ,,,,واذا انو واحد منكم شاف هالحاجة قدامة فالمغروض انة ما يعمم الفكرة ,,وصدقوني هذي حالة شاذة جدا وان الدكتورة اللي تسويها فعلا هي اساءت الى حشمة وادب زميلاتها من الطبيبات ,,,,ياناس لو شفتو حديث بين طبيب وطبيبة في مجال العمل المفروض انكم ترقون بتفكيركم وانكم ولا تسيؤن الظن ,,,مساكين فعلا حتى الان اللي يتقدم للطبيبات كلمهم ياخذونهم كزوجة ثانية _انا ما اعترض على الشرع اللي محلل اربع_ ياناس ياانتم يالرجال الحين انتم اذا جا _ترى الحين انا معصب وانا قاعد اكتب_اذا جا واحد منكم بحرمتة تبي تولد اللة يعزكم وجابولة طبيب يعيي ,,,اجل كيف بس تبيي هالدكتورة المسكينة تخدمك جوة المستشفى وبرى عند الناس قاعد تقطع فيها وتنتقدها وانت ماتخلي احد يولد زوجتك الا حرمة ,,,بالة ماهو هذا تناقض,,,,الظاهر اني كلامي واضح ,,,على العموم هذا موضوع انا الان اطرحة عليكم لاخذ ارائكم في هالقضية اللي متشعبة جدا ولسا الناس ما هم راضين حتى يخوضو في غمار هالموضوع ,,,ولا هم راضين ينصفون بناتنا اللي هم اختك واختي واخت الثاني والثالث,,والسلام .