[|[..استفانوس..]|]

أعذرنــي ** كيــــف ** على التأخير ..


يــلا نبتدي نجاوب ..



هل تحبين أن تجلسين وتخالطين كبار السن ( العواجيز )؟؟
أيــوه أحب أجلس معهم بالخصوص إذا كانت سواليفهم خرابيط وعاااد
أنا ماأبقاه إلا من الله أخورها وأمورها معهم في خرابيطهم ..
بس حاليــا ً لايوجد لدينا (كبائر السن) علشان كذا فقدتهم حيييييل ..

لما تصادفك بنت من زمان تحاولين التهرب منها لأن دمها ثقيل كيف تصرفينها ؟؟
انا مو من طبعي إني أتهرب من حدا حتى لو كان دمها ثقيل يعني من باب
المجامله ((مع أني ماأحب أجامل حدا)) بس أتحمل اللي بيجيني منها.
(عامل الناس كما تحب أن يعاملوكـ ) أعاملها بالطيب لأنوه بيجي يوم مثل
ماتهربت منها راح يتهربون مني ..
طبعــا ً ماتنطبق علي صفات تخليهم يتهربون مني حتى لو حسيت مجرد حركه
أو همس أروح بكرامتي أحسن ( كل شئ عندي يهون إلا الكرامه )
يقتلوني بس كرامتي مأسمح لأي أحد يمسها ..

في فاكهه معينه تحبينها ؟
مو من النوع اللي يهتم بالفواكه كثير حتى لو شفتها قدامي مأكلها
متى ماخطر ببالي أكلت فاكهه ..
بس أفضل أكثر شئ ** الرمان ...المانجو ..الموز**

تخافين السفر بالطيارة ؟؟
خل يحصل لي أسافر بالطياره على أساس أخاف .
شخصيــا ً ماخاف ,, بس إنشاء الله رايحه مع أخوي إيران ..

هل انت من يحبون ان يتميزون في المناسبات وترك ذكرى لهم ؟؟
طبـــعــا ً لا ..
موهيكـ أنا ولا من طبعي أصــلا ً ذا الصفه ..
(( الزين زين لاجلس من النوم والشين شين لاغسل وجه)) صح ولا مو صح ..
تمر علي مناسبات كثيره بس ماأكشخ ذاكـ الزووود إلا كني رايحه في منافسه
على ملكات الجمال ..مو لدرجه أني أطلع مميزه من بينهم ..
أشوف ناس كل وحده تبغى تطفر الثانيه يعني تبغى تطلع مميزه عن غيره
بس أنا أتحمد واتشكر عليهم ..
( الجمال جمال الروح )
بس أشوف أن التميز يكون في الأخلاق والمعامله الطيبه ..
أتوقع أن هذوله الصفات ماراح ينسونها طول حياتهم ..

ما هو المثل اللي تأثرتي فيه وتكررينه ؟؟
( اللي نساكـ أنساه.. واللي هواكـ أهواه.. واللي قدر فرقاكـ تقدر على فرقاه)
طبعا ً هذا مو مثل هذا مقطع لعبدالله رويشد ..
دااايم أكررها ..
( الذكرى ناقوس يدق عالم النسيان)
( أواه ٍ من فقد الأحبه أشتكي ..... إن الأحبه فقدهم لا يحمد ُ )

ماهي الحاجة الي ودك يخترعونها ؟
هو ظل شئ ماخترعوه مل شئ ماأتوقع يخترعونه
أتفاجئ من أختراعه ..بس ماعندي شئ محدد

تذكرين مشهد في التلفزيون رسخ في مخيلتك فترة طويله ؟؟
بالنسبه للمسلسلات أتأثر لحظه وقوع الحادثه وتتم الحادثه أتذكرها أيام وبعدين
خــلاص ..( بالنهايه هو تمثيل )
وفي تمثيلات تكون هي صايره حقيقه أتأثر بالحيييييل ..
أما صج الأفلام اللي تأثر فيني الأفلام الهنديه نعيش وياهم لحظه بلحظه
وإذا فاتني مقطع كأنوه ماشفت شئ ..

انت تحبين تكتبين على الأرض والا على الطاولة ؟؟
اللي يحصل ...؟ ؟ ؟
في أيام المدارس أكتب على الطاوله من الطفش ..
بس أكثر شئ على الأرض على أساس أكتب كلام طووووويل لين أقول بس ..
وأهم شئ يكون جنب البحر الواحد يكتب شعر ولا يحس بنفسه ..

أي الصابون تفضلين لغسيل إيدك الســائل والا القطعه ؟؟
أفضل السائل أكثر ..
إذا ماحصل أضطر أغسل بالصابون القطعه ..
أهم شئ يكون الصابون السائل على ( تفــــاح )

اقتباس أشوفك على خير وأسئله أخرى

حيــاكـ الله في كل وقت ..
كاني جالسه على الكرسي ..


يعطيكـ العافيه ..
موفقين ..