[أحلى ملاك]

░░▒▓██ 哈وش فـــيــــه بـــــالــــك 哈 ░░▒▓██



وش فيه بالك بعيـد وجالـس تفكـر
بدري على الحزن توك في بدياتـك

لاتحسب الوقت الي فاتـك وتتذكـر
عمر الندم مايرد الوقت الي فاتـك

لاتترك الدمـع فـوق الخـد يتحـدر
حاسب ترا كل عمري فـوق وجناتـك

يانور عيني مادام العين بـك تنظـر
حـرام تبخـل علـى خلـك بنظراتـك

ماشفت كيف القمر عقب الظلام انور
بالظبط نفس الشعور ان شفت بسماتك

وان كان في خاطرك حاجه علي ابشر
والله لاسوق العمـر كلـه لمرضاتـك

ماتدري انك اذا تكدرت انا اتكدر
وافرح لجل فرحتك واشره لشرهاتـك

عودتني على السهر وامسيت ماتسهر
ماغير طيفـك يعوضنـي بسهراتـك

احلى سنيـن العمـر بلقيـاك تتعطـر
يادنيتي وابرك السااعـات ساعاتـك

يمر طيفك واضمك وارجـع استغفـر
وارد اشوفـك واقـول الله محلاتـك



للشاعر الشيخ : حمدان بن محمد آل مكتوم

فـــــزّاع *


تقبلوا تحياتي ..

أحلى ملاكـ