[|[..استفانوس..]|]

اقتباس المشكلة فيني أنو الكلمة الطيبه تجيب فيني العيد

ايه بصراحه واضـــح ...

اقتباس تصلحين تشتغلين في محل عطورات

وش قلولكـ الله يهداكـ أنا مأعرف أصبغ ولا أجامل كلمه الحق
والصراحه أقولها ....

اقتباس نرجع للأسئله

ايوه تفضل أسأل ...

اقتباس أيش الأكله اللي ما تحبينها مع انها تنحب

اممممممممممممممم ......
والله وااايد بس ماني ذاكره شئ ...
شوف أنا شئ من هاذي الخضروات البذنجان وطقتها
ما أحبهم ولا أقرب يمهم ...مع أن أشوف أطباق تباركـ الرحمان
جذابه بس ما أغامر ...في الأكلات هاذي ...
بس بالتحديد مافي بالي أكله معينه ...
إذا ذكرت بأقولكـ ...

اقتباس تعرفين تسبحين والا يمكن يوم من الأيام نسمع انو في وحدة غرقت في العجير ( بعيد الشر )

يعني مو ذاكـ الزود ..
أنا إذا جيت أسبح في بركه عمي أغرق ..
الله يسلمهم اللي يسبحون جنبي يطلعوني ...
ويقولون لي بلا زعاطه إذا ماتعرفين طلعي بره ...
وعاااااد أنا أعصب وسوي السالفه إعنااااد ...
أسبح يعني أسبح ...طيب غصب ...

اقتباس والا يمكن يوم من الأيام نسمع انو في وحدة غرقت في العجير

اسم الله علي ..
بس يمكن يجيكـ يوم أن في وحده أغرقت في البحر..
على طول أعرف أن أنا اللي غرقت ...هذا سهلنا عليكـ الطريق ..
يعني مايحتاج تسأل احد ...

بس الله لا يقولها ....

اقتباس أنا أحس انك تخافين من صوت الرعد ما أدري صحيح والا

لا أحساسكـ مو في محله ...
عاااادي بس إذا صرت غافله وجا الصوت فجأه أخترع ...
يعني إذا سمعتها وانا مو غافله عاادي بالعكس أطل من النافذه
أتأمل المنظر ...رااااائعه المناظر في تلكـ اللحظات ...

اقتباس هل تقومين بأي نشاط رياضي وأي الرياضات تفضلين

ايوه ....
أفضل أكثر شئ المشي ...
الله يسلم المدرسه ماقصرت فينا مذاكرتنا كله مشي ...
وأيام الأختبارات من نصلي ونخلص على طول مذاكره
وعليها نذاكر وحنا نمشي إلين صلاه الفجر ...( صل على محمد)
لأني إذا ذاكرت وأنا جالسه أول شئ بيجيلي النوم من التعب
وثاني شئ بجلس أسرح وأناظر في السما وطلع خواطر ...وكذا يعني ..
بس مايجي آخر يوم إلا رااايحين فيها لو طاقين لنا مشوار على
خط الخفجي كان وصلنا ....خخخخخخخخخخخ

اقتباس و ما بعد أخلص

الله يستر من الأسئله الجايه ...
أسأل لين تقول بس وأنا بجاوب أمري لله ...بعد إيش نسوي ...
الظاهر التهديد سوف ينفذ علي الحكب بالأعدام ....