[أحلى ملاك]

السلام عليكم ورحمة الله وبركاته
اللهم صل على محمد وآل محمد



ناقله لكم موضوع خفيف .. بس ممكن يكون مهم ..
وفيه نوع من رفع المعنويات ..
وإن شاء الله المعنويات تزداد أكثر .. ( مو تتحبط )

قلت نداء عاجل (( إلى الشباب ))

طبعاً اللي بجي وبيشاركنا حياه الله .. ويعترف لنا ..
ومثل ماقالوا (( الأعتراف بالحق فضيلة ))
واللي بجي زيارة هم .. حياه الله ..


تخيلوا خواتكم مو موجودين !! صدقوني راح تصير مشكله !!

لــيــه ؟ وتقولون لي بعد ليه ؟؟؟!!!!!!!

أنا أقول لكم ليه ؟؟

* منو اللي لي سهرت تروحلها وتترجاها .. تكفين جوووعان سويلي أي شي وتقوم وتسويلك
بيض وحليب ولا كورن فليكس وإلخ غير اختك ؟

*منو اللي لي سافرت تجيب لك هدايا اللي اهي من نوع (( )) وتشتري لك كم تي شيرت ... غيــر اختــك ؟


*منو اللي لمه يخلص مصروفك تروح لها وتقولها ماابي اخذ من امي وابوي عشان لا يقولون
ماتعرف اتحكم بمصروفك ومسكينه تصدق غير اختك؟!


*منو اللي اذا كنت مستعجل وراجع من صالة البلياااردو تدق عليها وتقولها تكفين طلعي
لي التي شيرت كذا والشورت كذا ولا تنسين كبوسي اللي كذا ..علشاني ترا الخدامه كل مره
اتعفس الشغل ما تعرف ... منو تضبطك غير اختك ؟

*منو اللي لاعاقبك ابوك اليوم مافي طلعه ....الامتحانات قربت ادرس تروح لها وتحن عليها روحي
قولي حق ابوي( حراام شكله مسكين ربعه يتصلون عليه ينتظرونه)وتروح تقنع الوالد وترجع تقولك
وتنقز وتقول والله انك راعيتها وبواسطتها طلعت واستانست منو هذي ؟؟ غير اختك !!

*منو اللي اذا ماحضرت حصة العربي تجيب دفتر صديقك ..
اذا ما عليك امر نقلي لي اياه انا عندي اشياء ثانيه بنقلها ..
.وتصدق وتنقل وتجي لغرفتك تعطيك الدفتر تلقاك جالس
على اللاب توب !! مين غير اختك !

*منو اللي تكتب لك تعابير العربي والانجليزي غير اختك ؟
*منو اللي لي ضاق خلقك ناديتها تلعب معاها كرة غير اختك ؟


ومنو ومنو ومنو ومنو غير أختك الغاااااااااااليه؟؟؟؟؟؟!

إلى هنا وينتهي ..




أحلى ملاك .. تحدثكم ..

هذه بعض من الأمور .. التي تحدث بين الأخ والأخت ..
ويوجد الكثير الكثير .. من الأمور .. جديدة في إطار التطور ..
أوفي إطار السرية .. فأرجو من الشباب .. الذي تم ندائهم ..

بأن يجلسون على الكرسي .. وقبل ذلك ..
يشربون الكابتشينو .. أو أي مشروب ( بارد .. ساخن )

ومن ثم يقرأون هذا الموضوع بكل هدوء ورواقه ..
وبعد ذلك .. يبدوأ بوضع أصابعهم على لوحة المفاتيح ..
ويبدوأ بالطقطقه على هذه اللوحه .. معبرين ومعترفين ..

بماذا يفعلوا ؟؟ وإن الكلام صحيح ..

رجاء ً الدخول هنا والخروج .. بكل هدوء ..
عدم التعصب وعدم النكران .. وعدم النصب
وإلا الويل .. الويل .. لكم يامعشر الشباب




وردة للحلوين
:floso:

أحلى ملاك