شاعر غني عن التعريف ,, شاعر يجبرك الوقوف امام أبياته يجبرك ان تقف مبهوراً بحبه الذي يملأه الشموخ والكبرياء,,
نعم حامد زيد العازمي.......شاعر بمعنى الكلمه,,
اسمحوا لي ان انقل لكم قصيده من قصائده وحتما ستعجبكم ان كنتم
ممن يتذوق الشعر،،،،،،،
وهذه القصيده وضعتها بايديكم واحكموا بما تراه ذائقتكم الشعريه،،،
اسمعي والكل منـــا لــه هــواه ولــه مـيولــه
لاتمسين بكـلامـك شــعـرة بـــروس القــرايـب
ان حكيتـــي ماوفيتـــي وان تحديتـي عجولـه
تحسبين ان كل فعــل تفعلــه يمنــاك صايـب
تحسبين انك خذيتــي بالحشـاء صولة وجولـه
تحسبين اني ذكرتــك مـع نسانيـس الهبايـب
والله انك لو ذبحتــي خافقــي لالقــاك حولــه
عاشقه تشقى بقلب من طريـق العشق هايـب
كم رضيت اسكت عليك من القهر وانتي زعوله
خايف اضحك واستفزك واهجرك واعيش ذايب
ادعيت انك خجوله وادري ان منتـي خجولــه
وادري انك تخجلين الشمس من فوق السحايب
ما يحببنــي بقلبـــك يالهــنـوف الا فضـــولــه عاشقه جيتـي ورحتـي يالحبيبـه ياالعذولـه
مابنيتـــي لـي طمـــوح ولاتركتيهــا خــرايـب
تسـتبيحـيـن القلـــوب وتستحقـيـن البطـولـــه
واستحـــق بعـــدك تايـــب وامـــــوت تـــايـب
ياكثر ماشال قلبي شـيء اكبـر مـن حمولـه
واعفيتـــي عـن غــلاه ولابخـلـك بالوهــــايـب
كنه ارحم من همـــال المـزن للزهــر بذبولـه
وانتي اقسى من سموم القيض وكفوف اللهايب
وانتي ادرى في غلاك بداخلي شاللـي يزولـه
وادخلي دخله على الله واحفظي ذيك السبايـب
ماخـبرت اللحظه اللـي حللـت قــربـك تحولـــه
ولاهقيت اني بشـدد للجفـــا قلـب وركــايـب
ماهقيت انك تحسبيـن الزلـل وانتـي جفولـه
وماهقيتــك تكرهينــــي كثـر حبــك للطلايـب
كـن قلبـي في وصالـك وابـل لحظــه نزولـه
وفي فراقك مثل دمعه تنحدر من عيـن شايـب
كنت ابي وقفه حبيبه تنهـض القلـب بخمولـه
طافح بالعشق وانتـي عايبـه والحــظ عايـب
كنت غصـن كل كـف غيـر كفــك مايطولــه
كنت درب ودمعـتين وقـلب وجـروح عطايـب
كنت ابيع العمر كله وارخصه عـرضه وطولـه
للعيون اللي هدبهـا ثامـن السبـع العجايـب
بس ابرضيلك غرورك واكسر القلب بذهولـه
وقتها ماكنت افكـــر صـايـب او كنـت خايـب
والرجــل لـو ماعلـى بالشــهامـه والرجــولـه
صدقيني صعب يقدر يملـك قلـــوب الحبايـب
صدقينـي مايوالـف خافـــق البنـت بسهولـه
بالهوى يابنت حــواء غيـر طــلاب النشايـب
والسهر والعشق الاول والهوى واللـي ينولـه
شيء اقسى من همومك وألعنه حاظر وغايـب
والهموم اللي دعتني من بعـد سـن الطفولـه
كلها من تحت رأس العشق ملعون الصلايـب
صحيح طويله بس جدا رائعه
اتمنى أن أكون أحسنت الإ ختيار وتقبلوها من هدية لجميع الأعضاء هنا ,,
تحياتي......ولد الشماليه.......الوليف