السلام عليكم
الاخ الديواني العزيز
سنعكس الأمر معكم في هذا الموضوع ....
انواع الشباب ...والمعذرة من الخطاب العامي الشعبي لاني لست متعودا عليه في كتاباتي ولهذا حصل التنبيه ...
الصنف الاول : شاب وسيم وقاص له قصة تقول ديچ هندي والثوب مختنق بجسمه تقول متدخله الا بفازلين ... والاكثر من هذا حاط له عطر من محلات ( كل شئ بعشرة ) لانه مفلس لكن يحب الفخفخة ...
الصنف الثاني : شاب طويل مثل الاهبل حالق لحيته وشنبه ومرجع نفسه زغينون ابوارباطعش سنة وعمره دق الثلاثين .. لا وحاف حجابه وحاط له شوية مكياج مبيض حتى يبيض السمرة شوية ... وافضل الاماكن المفضله له الاسواق والكورنيش ... يقول يتمشى ويشم هوى وماندري ويش هالهوى اللي يشمه في السوق ...
الصنف الثالث : شاب مطين في الدراسة وابوه عنده خير لكن مأذيه كل يوم يبي فلوس من شان البانزين والوجبات السريعة ... وحاط همه كله على احسن موديلات السيارات ... والدبابات وذاك فعل وذاك عنده سوى وهذا عنده وذاك ماعنده .... والوقت ضايع ببلاش ... وتالي يقول لابوه اذا جاب الشهادة راسب الله يغربل المدرس حاط راسي وراسي ورسبني ... ويدري ابوه مارايح يسال عنه وضايعه السالفة ...
الصنف الرابع : مخلص ثانوي وشابك في شركة اكل ونوم وانترنت وهيله ولعب ... كل احاديثه عن الشات والتعارف والمواقع الغربالية ..... تعرفون قصدي مايحتاج اغزر ...
الصنف الخامس : شاب ملتزم لكن معقد ومهلوس وموسوس وياخذ كل شئ بالجد وماعنده شئ اسمه مزح او لعب او تسلية ..واذا اراد يصلي الظهر والعصر مايخلص الا المغرب ...
السادس : شاب ملتزم ومتفهم ومتعقل مقسم وقته على كل واجبات الحياة ... وعاطي نفسه حقها من لذتها في غير محرم ومن واجبات دينية ....
السابع : شاب فري يمشي على كل الموجات ويشتغل على كل الترددات يوم وياك ويوم مع غيرك ومع الكل يمشي ويقولون عنه شعبي مع الخمار يمشي ومع الملتزم يمشي ....
الثامن : شاب متين وخفيف دم لكن مسكين متعقد من سمنته اذا سوى رجيم انحرم من الاكل واذا اكل زاد وزنه ... لا ويفكر في نفسه من اللي بتاخذه على هالمتن ...
التاسع : شاي متزوج لكن مسكين موعارف كيف ينسجم مع الحياة الجديدة وكل يوم الشباب ماخذينه وياهم ومايبون يطلعونه عن شلتهم وزوجته المسكينة تنتظره ... كلامه شوارعي وسوقي ومايعرف الرومانسية والكلام المعسول ومتعود على الخشونة ولشباگ ...
العاشر : شاب متزوج لكن مايلتقي مع زوجته الا على الغذاء وعند العشاء وعند النوم ...زوجها تاجر ومايجي الا اخر الليل بعد مايسكر الخزينة ... وزوجته موظفة بعد وكملت الحسبة ...
طبعا ممكن تجتمع الكثير من هالصفات في شخص واحد .... بس حبينا نطولها ونفرح البنات من باب ( رفقا بالقوارير ) ....
اقول ياخوي الديواني انا ماني متخصص في فن الخطاب الساخر لكن حبينا نتعلم منكم .....
القلب الدافئ