الجزء الخامس من الروايه ويتمضن من البارت 22 الين البارت 30
التفت للخلف أنا وسهام رايني وجدان ساقطة على الأرض مغشي عليها ؟!
سهام "خالد شوف مغمى عليها !
(كنت صامت وقتها لااود الحديث! سئمت من الحياة من الحب من جميع الأشخاص بحياتي !
لم يأتون لحياتي وأتعبهم مثل محمد و وجدان ! )
سهام "خالد تعال نروح لها ؟؟!
خالد " تبغي تروحي لها روحي ماااحد ماسكك !! اشوفك على خير سهوم ؟!
ذهبت وتركت سهام حائرة مابيني وبين وجدان ..!
عدت للبيت قد تنصدم سهام من برودي قد ترى وجدن وجهي الأخر عند الغضب
لكن لا اعلم أن كانت ستعيش بعد حدث اليوم ؟!
وقتها أغلقت غرفتي وافكر هل أخطأت مع تلك الفتاة !
هل حبها لي غلطة أنا لم أخطأ كنت أقسى للأجلها فقط ؟!
لكن من يشعر ؟!
احياننا نقسو للأجلهم.. للأجل قلبهم لكن لايفهمون !
غفيت ثم صحوت على نغمة الجوال ..!
المتصلة سهام " مساء الخير
خالد " مساء النور ..
سهام " خالد وجدان بالمستشفى ؟
خالد " يالطيف ايش فيها ؟!
سهام " ايش فيها ؟ انت ادرى
خالد " سهام انا ماسويت شيء لاتتعبيني انتي كمان مو ناقصك !
سهام " خالد حتى البنات يتكلمو عليك يقول انك قسيت عليها ومارحمتها حتى لما طاحت ماجيت عندها !!
خالد " البنات !! ايه سبحان الله وفجأة صاروا ملائكة ويحبو وجدان ! وخالد ظالم ..تتذكري كيف تعاملهم معها
كيف يتمسخرو عليها كيف يكسحو فيها وأنا عاملتها احسن منهم لكن مانفع !
سهام " بس أنت ..
خالد " لاتكملي ..اعرف نفسي انا ..بشري ايش فيها وجدان ؟!
سهام " تعبانة سوو لها تحاليل تطلع بعد ثلاثة أيام .!
خالد " اها لاتخافي ماتموت قطوة اووم سبعه ارواح !
سهام " استغفر الله انت متناقض تسأل عنها وتسب ؟! انت تحبها حتى لو اخفيت ؟!
خالد " انتي المتصلة ؟! ايه هذا اللي ناقص احبها ؟!
أغلقت "الجوال" ..لااريد من احد العتاب ..لااريد من احد اتصال ..
حقا تعبت ..متعب من كل شيء ..متعب من ماضي
متعب من حاضري ..آه آه أوجاع سكنت قلبي ..لااحد يشعر بآآهات خالد ..!
أن قسوت قليلا رموني بسهام الكلام ..الذي ينزف الآلام
حينما أشعل وميض أمل سرعان مايختفي بالم .!
أنا الدنيا قست بي ..حرمتني الآبتسامة ..سرقة طفولتي
دمرت أنوثتي ..اصبحت اتنكر من احزاني بااسم رجل ؟!
أصبحت آبكي آبكي بصوت يعلو ويعلو تكاد روحي تفيض من صرخات نطقت بها للتو ؟!
( تعبت تعبت خلاص مابقى شيء من حياتي مااحد معي مااحد يحس )
أذ باامي تدخل ..قلب الأم شعر بي وقتها ..دخلت بخوف أقتربت مني
ضمتني للصدرها أشفيك؟؟
..وببحة تعب تخرج الكلمات متقطعة والدموع متواصلة ؟!
( يمه يمه أنا تعبت ..خالد ولدك تعب ..خلود بنتك تعبت ..يمه ادعي ادعي اموت الليلة !! )
أمي " لا ياخلود ..شفيك مين بكاكي ؟
خالد " ولاشيء ابي اموت ابي ارتاح مااحد حاس فيني يمه أنا تعبانة!
أمي " تبين الراحة ياخلود انسي خالد ؟ واذكري خلود ..!
خالد " مااقدر يمه خالد ساكن روحي خالد فيني خالد معي بكل شيء يمه ورب الكون مااقدرر
( كانت الدموع حاضرة وصورة خالد لاتفارق بالي وأمي عاجزة معي لاتستطيع ان تنسيني خالد !! )
أمي " حاولي ياخلود ..خلود حرام عليك اثنى عشر سنة وانتي ناسية خلود وذاكره خالد !!
خالد " يمه خلاص الموضوع قفلنا عليه خالد مايطلع من حياتي خالد روحي روحي افهمي ؟!
أمي " مااقدر لمتى كل ماكلمتك انا واختك سكتيني وعشتي حياتك غلط ؟!
خالد " حياتي غلط راضية فيها يمه ماحسيت بشعوري يوم ولا راح تحسي ؟!
أمي " أّذا رحيل خالد تعبك ..أنا أيش سوى لي لكن صابرة وساكتة للاجل ربي ! خلود حاسة فيك لكن ارضي بحياتك !
خالد " اسفة يمه تعبتك معي !
أمي " خلود من حقي كأم أشوفك بنت مثلك مثل باقي البنات ..من حقي أنا أمك اشوفك سعيدة
لمتى انا واخوانك نطاوعك ونناديك خالد لمتى نمثل دور انا خالد موجود في حياتنا وهو راح !
خالد "عجزت يمه أترك خالد يروح من حياتي ..عجزت أنساه ..نظرته مثل نظرتي ..ضحكته مثل ضحكتي
شعره ..لونه ..كل شيء يشبهني فيه كيف انساه ؟! كيف اصدق أنه مات وروحه فيني ؟!!!
( بكت امي لحظاتها أكثر من بكائي ..ذكرتها بخالد ..ليتني سكت ليتني ماتكلمت عن خالد
ليتني مانزلت دموع امي ..عذبت امي ومااستفدت شي ؟!
أمي *بنبرة حزن * " خلود بقولك شيء أنا خسرت خالد لاتخليني اخسر خلود مره ثانية !
أنا أم ومااتحمل صدمات ثانية خلود عشان امك ارجعي مثل اول واحسن ؟؟!
كانت كلمات أمي مؤلمة وعميقة الحزن والجرح ..كأنت كلماتها صادقة كأنها أمنية تريد
مني تحقيقها ؟! ..أسلوبها كان ترجي ..ترجو مني أن أفيق من غيبوبة خالد ؟
وترى خلود بصحتها ..لكن هل أنا قادرة أم عاجزة ؟!
مجنونة أنا بعد فقدك ياخالد ؟! ..خالد لو علمت بحالي هل ستفرح أم تحزن ؟!!
أبي حاول بي ولم أستجب لمحاولاته ..!
شيماء شتمت بحالي قست معي لعلي أخرج من دائرة خالد !
اصبحت الوحيدة تناديني خلود رغم أنها تعلم أن اسم خلود يضايقني
قالت أناديك بخلود لأنك خلود وراح تتغييري وتقوي وتنسي خالد ! سكت ولا اعلم أن كنت سآتغيير !
ابراهيم أخي الصغير ظهر بالدنيا ورأني آعامل وكأني ولد وباسم خالد تناديني أمي
وعاملني كخالد ..لأنه علم عمق حبي لخالد وكارثة فقده بالنسبة لي ؟!
هه أبي حائر معي تارة يناديني خلود وتارة أخرى خالد !
لربما الشبة الكبير بيننا ..كان وجوده سعاده بحياتي ولكن من يعيده لي !
خالد أحبك أحبك أحبك وأفقدتك وبشدة !
أشتقت لك بحجم ذكرياتنا ..بعدد ليال الضحك ..بعدد خوفنا على بعض
أحبــــــــــــــــــــــــــــــــك وكفى ياحزني الجميل !
سآخبركم بسر لايعلمه سوى أهلي ..كان لي أخ يدعى خالد وأنا خلود ..! ولدنا بنفس اليوم
وبنفس الساعة في رمضان قبل عشرون عام ..لم يكن الفارق سوى دقائق يكبرني بثلاثة دقائق فقط
نعم خالد وخلود توائم ؟! توائم كنا وجودنا بحياة أمي سعادة
كنا توائم بالشكل بالمشاغبة بالضحك بالشعور توائم بالروح حتى !
كانو الناس يحسدوننا كنا نقلد بعض كنت ارتدي مثل لبسه فاأنا أحبه كنت أقصر شعري نفس شعره
رغم رفض أمي لشكلي فأنا بنت وهو ولد لايصح أن أقلده بكل شيء ..كنت ابكي واصرخ حتى تشتري لي
مثل العابه شنطته المدرسية مثل جزمتة !! كنت لااخرج الى الشارع حتى ارتدي نفس ملبسه الرياضي !!
مجنونة به وحنون معي هو ..!
كانت امي ترضخ للآوامري و تقول للنساء "تكبر خلود وماتقلده ؟! "
وفي يوما ما ..كنا بعمر الثامنة بصف الثاني أبتدائي ..نذهب نلهو أمام بيتنا ؟!
حدث بذلك اليوم الحزين ..حدثين ..سآذكر آحدهم وأخفي الآخر حتى آتجرأ أن ابوح لكم به !!!!!
فالآخر أخجل عن ذكره أنه يقتلني يتعبني حتى أمي لاتعلم ..شيماء أختي لم أتجرأ وأخبرها !!
شيئا قتل خلود !!! في الحقيقة لااود ذكره فهو متعب متعب لي أود نسيانه لكن عجزت وكسرت ؟!
لآكمل سطور الماضي ..في ذلك اليوم مات خالد ..مات توأمي ..نعم مات بحادث !
مات من كنت أضحك معه ..العب معه ..أكل معه ..من أنا معه ..
أن تكوني طفلة ولاتدركين الموت ..ترين الجميع يبكي ..ترين أبوكي يقف كالمجنون بالشارع
دم أخيكك ملطخ به ثوب أبيك ..تخرج أمك للشارع تصرخ وتصرخ بااسمه تريد منه جواب
وهو قد فقد النطق والروح ودفن تحت التراب ..!
آه آه وثم آه حتى أموت !
في ذلك اليوم وبعده بأيام كنت صامته لاانطق بشيء حتى خالد لم أسأل عنه !
يبدؤ أنه رحل ولم يخبرني الى اين رحل ..!
طفلة اصبحت أخشى الشارع ..أسمع أنه مات في منتصف الشارع ..سامحني ياخالد
سامحني ياأخي ..سامحني ياتوأمي جعلتك تموت جعلتك تضحي بروحك
لم آكن معك كنت تحاول أن تنقذني ؟؟
ركضت الى بيتنا وقبل أن تصل وتنقذني مت مت من أجل أختك المسكينة !!
أختك التي جبرتك أن تذهب الى طريق الذي وقعت فيه هي وماتت
خالد أن قتلت مرتين بيوم أنت مت به مره ؟؟!
خالد أنت تعلم ماحدث لي ذلك اليوم ..تعلم من قتل خلود أمام عينك ..تعلم من دمر برأتها
من آستغل قلبها وبسمتها حتى سلب الحياة منها وهي صامتة !!
لا آنساك ولن آنسى قاتلي المسافر خارج حدود بلادي !!
لنصمت فالحديث عن الماضي يطول ..!
قضيت تلك الليلة بعد كلمات امي صامتة افكر بما قالته ؟!
وفي الغد الخميس بدأت آذاكر وأفكر بوجدان احياننا لا اعلم أن كانت باقية بالمشفى !
آتى يوم السبت ..اختبرت سهام و وجدان أختبارهم الأربعاء ..!
طيلة الأسبوع أريد أن ارى وجدان سمعت أنها خرجت من المشفى ومتعبة !
كانت تحادث سهام ..سهام أخبرتها لم غضب خالد ؟ أخبرتها أن تصرفاتها لاتعجبني ابدا ..!
وسكتت لم تتحدث ..؟! ربما وجدان سئمت أن تغير خالد وفضلت البعد بيننا ؟!
آتت وجدان يوم الأربعاء اختبرنا وبعد الاختبار خرجت للساحة ؟!
كانت صامتة مبتعده عني متعبة ...!
رآيتها من بعيد كانت جالسة على الدرج منكسره ..! لااحد معها ..!
لا اعلم ماللذي حصل بي لربما افتقدت وجودها طيلة الاسبواع ..لربما أشتقت لها !!
حينما رآيتها مشيت لها وباابتسامة ؟
خالد " سلامات وجدان !! طمنيني عنك ؟
(وجدان كانت منصدمة لم تتوقع مني أن اقترب منها وأسال عنها ؟!
وجدان " الحمدالله بخير ؟
خالد " بالله وجدان ايش فيك ايش طلع معك !!
وجدان " عادي دوخة بسيطة !
خالد "احلفي ؟!
وجدان " والله ..
خالد " الحمدالله ؟!
عدت للمكاني وجلست كنت آفكر بها ؟ آتت سهام جلست بجواري لم تكن تعلم بااني ذهبت للوجدان قبل دقائق !!
سهام " خالد مسكينة وجدان !
خالد " ليه ؟
سهام " طلع تقريرها امس أنو معها تليف بالكبد !!
خالد " ايش ؟
سهام " هي لها خمس ايام تستفرغ دم وامس طلعت النتيجة تليف بالكبد !!
خالد " ماقالت لي ؟
سهام " انت كلمتها ؟!
خالد " ايه قبل شوي وقالت دوخه !
سهام " لا والله تخيل امها خبرتني انها ماتآكل بس تستفرغ دم !
خالد " يالله ليش تكذب علي ليش تحلف انها بخير !! لهدرجة خالد غريب !!
سهام " يمكن ماتبغى تضايقك بمرضها ؟! تخيل الدكتور يقول يبغالله سنة ونصف تمشي على الحبوب حتى تطيب !
خالد " شكله يتعب ياربي اشفيها حزنت عليها !
سهام " وأنا بس تبكي ومقفلة على نفسها بالغرفة امها خبرتني وتسألني من ضايقها ؟ لانها
تقول مافيني شيء !!
خالد " انا السبب انا الغلط مني انا جرحتها كثير ياربي ليش أنا اعذب انسانة تحبني
انسانة ماقد ضرتني انسانه تخاف علي ؟؟ انا مااستاهل شي طيب ..
سهام " مدري انت قسيت عليها وهي حساسة !
خالد "والله مدري كيف اتصرف معها ..احس البنت فيها صدمة عاطفية مني ؟!
سهام " انا احترت بينكم قربكم مشاكل وبعدكم تعب !
عدت للوجدان اقتربت منها جسلت بجوارها ؟!
خالد "وجدان ..!
وجدان " نعم ..
خالد " وجدان ليش تقولي بخير وانتي مريضة !
وجدان "انا مافيني شيء بخير !
خالد " وجدان قلبي ليش تخبي علي أنتي صديقتي أختي دنيتي !!
وجدان "مدري ي خا .....!
( حتى اسمي لم تكن تجرأ على نطقه ..تخفي مرضها لكي لا اتضايق منها !)
خالد " طيب التليف بالكبد يوجع !
وجدان " مدري بس قلبي وجعه اكثر !
خالد " وجدان تكفين اذا مو عشاني عشان اهلك اكلي حبوبك اهتمي بصحتك ؟!
وجدان " مدري مافي شيء همني بالحياة ..نهايتنا نموت ليش احزن واتضايق
خالد انا بخير وراح اضحك وابعد عن حياتك واريحك مني !!!
بعد تلك القرارت الشجاعة من وجدان سكت ورحلت !!
قالت ابعد عن حياتك ..وداخلي يقول ( مين بقى بحياتي أنا ! حتى خلود راحت ومثلت دور خالد !! )
لااحد يعلم أن بداخل تلك البوية شيئا لايحكى ! شيئا كسر أنثاها وجعلها تتجرد منها
في الجامعة نظرات تلقى لي فتاة تريد أعجاب مني تريد أن أبادلها الحب وأشبع عاطفتها !
وأخرى تسخر من شكلي وتقول بصوت خافت " مصدق نفسه ابو الشباب !!
وأخريات أن تحدثت عنهم سااخسر وقتي دون فائدة !!
في البيت ذهبت للآختي شيماء منذ أيام لم نتحدث كلنا آنشغلنا !
خالد " شيومم أخبارك ؟
شيماء " خايفة
خالد " ليه ؟
شيماء " زواجي بعد أسبوع ولاناسية ؟!
خالد " لا والله ناسي عقلي الله يخلفه علية من المشاكل والاختبارات بح !
شيماء " مشاكل السوواق ؟؟
خالد " بنت ثانية حبتني ورفضت حبها ومرضت !
شيماء "تقبلي حبها طيب !
خالد " حبها مو عادي حبها جنوني ! طفشتني اتصالات وحركات ولم وقفتها مرضت تليف بالكبد !
شيماء "طيب حاولي فيها هي مراهقة !
خالد " احاول !! حاولت مانفع الا ابادلها الحب المنحرف ! مراهقة وارهقتني معه !
شيماء "غريب والله جامعتكم قلبت حب واعجاب !
خالد " تقول للسهام زمان.. انا لما اشوف خالد استحي مااقدر احط عيني بعينه بطيح قدامه !
شيماء " الله يعينك اقلبي بنت صدقيني ماتبعد عنكك !
خالد " لايكثر بس قال بنت ! شيوم اشتري لي حذيان واطية مااعندي الا فستان للزواجك هههه
شيماء " والله انك راح تفشيلي ياخلود قدام صديقاتي ..ماتعرفيني للشياكه !
خالد " يااخي مو بيدي ..شرايك البس ثوب واحضر مع الرجال الزواج هههه
شيماء " خلود برا غرفتي بكرامتك يالله ! رفعتي ضغطي ببرودك !
خالد " طرد وتقولي كرامة ..طيب ياعروسة !
خرجت للغرفتي ..أذا بسهام تتصل بي ؟
سهام " سلام يالحنون !
خالد " ههههه وعليكم السلام ليه حنون ؟
سهام " يااخي داقة فيني هرجة ماارتاح لين اقولها هههه!
خالد " قولي ارتاحي ؟!
سهام " انت حنون طالع اليوم والله شكلك وانت جالس جنب وجدان لطيف مرا !
خالد " وجع سهام لاتدققي بتصرفاتي !
سهام " ههههه قسم بالله ماكأنك قبل اسبوع متضارب معه أنت عسل صافي !
خالد " طيب يالبن صافي ! البنت تعبانة عيب لازم اسأل عنها
سهام " ههههه آكثر كلمة تقولها عيب !
خالد " سهام ودي اجيكك ببيتكم طفشان من بيتنا جوه مخيس !
سهام " حياكك بكره انتظرك
خالد "يازينك مرحبة فيني اربع وعشرين ساعه ههههه
سهام " خالد صح عندي موضوع مهم فرصة اقولك بكره !
خالد " مهم ؟!
سهام " والله مهم قسم بالله ماراح تصدق الخبر اللي بقوله !
خالد " طيب قولي اللحين ؟
سهام " مااقدر لازم وجهه لوجهه !
خالد " الله يستر طيب أوكك
غدا سآذهب للسهام ..وأسمع ذلك الخبر المهم
الذي لايقال عبر الهاتف !!
في صباح الخميس آستيقضت الصباح والفضول للآمر سهام وخبرها
قد جرى بدمي مجرى الدم !
آرتديت ملبسي كان آسود اللون أحب هذا اللون يعبر عما بداخلي أكثر !
آخير ا بعد انتهاء الآختبارات سأقابل سهام وأخرج كيفما أردت ..
رغم أن النتائج لم تظهر لكن فرحة الأجازة وحده كافية للآسعادنا !
آتى العصر ذهبت للسهام بكل شوق !
سهام " هلا والله بخالد ..
خالد " هلافيك سهوم تصدقي جاهز من الصبح واستنى العصر ههههه
سهام " جد كان جيت الظهر صاحية أنا !
خالد " تخيلي الظهر شتقول امك ههههه بعدين مافي وقت تسوي حلى العصر جاهزة انتي ياحلوة !
سهام " قول عشان بطنك متاخر ههههه
خالد " بطني وهرجة امس ولانسيتي ؟!
سهام " لا بس بجيب الأكل واجي ..
خالد " طيب !
اتت سهام وجلست بجواري ..
سهام " حياك تفضل اكل اشرب !
خالد " اكيد مايحتاج بس قولي الخبر!
خالد " سهام انتي مسوية الكنافة !
سهام " لا امي
خالد "طحتي من عيني حتى الكنافة امك تسويها وانتي جالسة هههه
سهام "انت اخر من يتكلم عن الطبخ أجل شاهي بالملح وع كل مااتذكره اتقرف !
خالد " يااخي لازم تكسحي فيني والملح والسكر كلهم ابيض وناعمين ! كيف اعرف انا !
سهام " ههههه خلاص بسكت !
خالد " لا قولي خبرك الخطير !
سهام " امم خالد تعرف اخوي فهد !؟
خالد " ايه اللي وقت الاختبارت يوصلك ؟!
سهام " كلمني عنكك امس ؟!
خالد"احس بغصه لحظة ببلع ؟!
سهام "طيب
خالد " ليه كلمك عني ؟
سهام " يقول صاحبه معجب فيك وبيخطبك اذا انتي موافقة ؟!
خالد " سهام مقلب صح يااخي متى تبطلي كذب علي !
سهام " ههههه لا والله اكلمك جد.. ياخلود بما انك قريب وتنخطبي !
خالد " الله طيب ليه خوي اخوك مايخطبك انتي ..انتي اولى بالمعروف اخت فهد انتي !
سهام " لأنه يحبك ومعجب فيك ؟!
خالد " سهام ! وقليل وانجن انا اللي يشوف يقول اكلم شباب ! اصلا ايش يعرف الولد فيني !!
سهام " طيب راح توافقي ؟!
خالد " مستحيل يحلم !! وانتي تعرفيني ..بس هو كيف عرفني لايكون اخوك ارسله لي !!
سهام " لا انتي تعرفية ؟
خالد " مين من متى اعرف اصحاب اخوك انا ؟
سهام " محمد السواق !
خالد " محمد !!
سهام " هو كان يدرس مع اخوي فهد الثانويه وبنفس الفصل حتى وتوني دارية انه بينه وبين فهد صداقة ؟!
خالد "اجل معه ثانوي ؟! غريبة انه صديق اخوك ؟
سهام " والله باين انه جاد ..بس ترى امه مصرية وابوه سعودي عشان كذا ظروفه صعب ؟!
خالد " وانا اقول البياض والجمال مو سعودي ؟!
سهام " يحول خلود رحت للجمال ونسيتي الخطوبة .. راح توافقي عليه برد على اخوي ؟!
خالد " ههههههه لا مستحيل ومن سابع المستحيلات اتزوج ؟!
سهام " ليه ؟ ليه التعقيد ..مهما كان انتي بنت ضروري تتزوجي ؟!
خالد " سهام مستحيل رجاء لاتناقشيني عندي الف سبب ارفضه وارفض غيره !
سهام " طيب براحتك ؟!
مضى الوقت وفي آخر الليل ..رحت افكر بمحمد بحبه وبصدقة ..الامر كان صدمة
لم اتوقعها ابدا ..ظننت ان محمد بعد مكالمتنا الأخيرة خرج من حياتي ولكن بقى !
لن آخبر أمي ولا احد سآرفض دون علمهم ..فاأنا لااستحق أن أعيش الحب !
لا استحق أنا أكون فتاة وزوجة ؟!
أنا استحق الوحدة والموت ..!
ولكن الحمدالله على كل شيء ..بعد أيام زفاف أختي شيماء ..!
وأنا لم آقتنع أن أرتدي فستان !! ..جبرت نفسي لكن لااحب أن آكون فتاة !!
ذهبت للشيماء للآقتعها أنني لااريد الفستان ولااريد آرتداها ؟! كي لاتنصدم يوم زفافه !!
خالد " شيماء زواجك قرب صح !
شيماء " ادري
خالد " شيووم وربي مو قادر البس الفستان مره ثانية ماارتحت احس اني مو انا !!
شيماء " خلود لاتجننيني رجعنا لسالفة لبسك يوم الزواج !
خالد " شيماء اسف بس انا كذا ماارتحت وبروح المول اليوم وادور على بنطلون سهرةوجاكيت آسود!
شيماء " اسود اسود وجاكيت ! الناس عاري وقصير وانتي بنطلون جاكيت ؟
خالد " يااخي كذا ذوقي آحترمية !!
شيماء " أنا غاسلة يدي منك كيفك !
ذهبت للمول وآخيرا حصلت مااريده جاكيت جلد أسود ..وبنطلون جلد أسود وبلوزة بيضاء سادة !
عجبني وأشتريته ..عدت للبيت وكل ثقة بذوقي !!
رغم أن شيماء وسهام معترضات أن ارتدي بنطال بيوم زفاف لكن هكذا رغبتي !
عنيد خالد كم قالت سهام !!
دعوت سهام وايضا وجدان ..! صديقاتي المقربات !
مضى الاسبوع سريعا استيقظت الساعة العاشرا صباحا ..
ستذهب شيماء بعد ساعات للصالون وأنا سآبقى بالبيت ..آتت الي شيماء ودخلت غرفتي
رآتني جالسة وبيدي جوال آحادث سهام ثم آغلقت !
شيماء " خلود روحي معي الصالون سوي مكياج واستشوار ! أنتي أخت العروسة !
خالد *بنظرات تعجب وبرفعة حاجب * " أنا !!
شيماء " نظراتك مو عاجبك كلامي ايه انت تكفين خلود لاتفشلين روحي الصالون حجزت لك !
خالد " ههههه شيماء أنت عروسة لاتخربي مزاجك معي أنا قلت لا يعني لا ..!
شيماء " حسبي الله ربي بلاني باأخت باردة ماتحس ولاتستحي ؟!
خالد " ونعم الوكيل توكلي على الله شوفي أنا كلمت سهام تجي تتغدا معي !
وبعدها نسولف وبعدها نلبس ونحضر زواجك !
شيماء " ماشاء الله برود برود مافي احساس ؟! أنا بروح قبل ماانجلط !
خالد " هههههه بحفظ الله يامزة فيصل !!
ذهبت شيماء وأمي قد حاولو معي حتى تعبو دون جدوى !
بعد ساعة آتت سهام للبيت ..كان البيت خاليا ..دخلت غرفتي ..
سهام " كيف العروسة ؟
خالد " معصبة هههه !
سهام " ليه؟ أنت السبب أكيد ..
خالد "ايه تقول مرة أخت عروسة ماتلبس فستان ولاتروح صالون ووتضبط !
سهام " صادقة بس انت عنيد ولايهمك أنا جبت معي شنطة مكياج أضبطك وأضبط نفسي !
خالد " شسوي الله بلاها فيني ..مكياج قوية سهوم !
بعد الكلام والضحك والغدا ..قررت سهام أن نستعد للزواج بعد ساعات سياتي الليل !
سهام " خالد أنا آستشورت شعري أمس بس شوي بعيد الاستشوار !
خالد " حلو ..طيب البسي الفستان !
سهام " لا أول شيء آستشور شعرك واحط مكياج لك وبعدين أنا !
خالد " هههه أنا شعري ثلاثة سانتي قصير كيف تستشوريه ! مكياج لا مااحب ؟
سهام " تكفي خالد سلمني نفسك ساعتين بس والله اغيرك !
خالد " لا انا جمالي رباني مايحتاج هههه ! هالخرابيط
سهام " صدق والله آمس وجدان تقول لي خالد جميل جميل فتنة ؟!
خالد " ايوا وش قللتو من وراي !
سهام " قالت خالد عيونه كبار وحاده نظراته تحسي بهيبة وهو ينظر لك ! وحواجبة مرسومة سبحان مايحتاج
تنميص ولاتشقير ! وفمه صغير أذا تكلمت بس تأملي بشفايفه ! وأنفه طويل كذا تحسي بغروره
لونه برونزي جميل وموحد وضحكته آه ماقد ضحك بس يبتسم الضحك عنده ابتسامة
اذوب أنا أذا ابتسم كيف لو ضحكك فتنة غير
أنا حبيت ملامحه الحاده صدق عيونة فيها لمعة حزن
ورغم أن بملامحه حزن الا أنه جميل !
خالد " شفتي أنا جميل بشهادة وجدان هههه ! مايحتاج ميك آب ؟!
سهام " لا بحط لك خفيف !
خالد " اوكك اشتغلي فيني بس ياويلك تخربين شكلي ؟!
أخذت سهام الآسشوار تحاول أن تطيل خصلاتي القصيرة جدا !
سهام " خالد ماشاء الله شعرك حرير مرا مايحتاج استشور !
خالد " ايه ادري لاتستشوري !
بدأت سهام بوضع الكريم الاساس والبودرة الخفيفة ! واحمر الخدود البسيط !
سهام " خالد شوف مر خفيف حتى ترضى عليه !
خالد " بس كثير احسه امسحي ؟!
سهام " وربي يروح لما نوصل القاعة !
خالد " ظل مافي فاهمه !
سهام " طيب بس برسم لك بالكحل رسمة فرنسيا جديدة طالعة ومايحتاج ظل معه !
خالد "كحل !! آخر عمري كحل !
سهام " جرب وشوف والله الرسمة خطيرة وحلوه على عيونك !
خالد " نجرب يالله بدعي ياآنسة ؟!
رسمت العين بالكحل رسمة فرنسية هادئة اي الكحل من الاعلى ومنتهي بذيل في طرف العين ؟!
رسمة آوضحت جمال خلود !
سهام " يالله شوف الكحل عاجبك !
خالد " انا اعرف يااخي مااعرف والله للمكياج لو تشخبطي بعيني يقولو حلو اقول حلو ههههه ..!
سهام "طيب اسكت وخلني اشتغل كلمة لا ماابغا اسمعها ؟!
خالد " وش بقى ؟
سهام " روج بنفسجي غامق مرا لايق على بشرتك !
خالد " يالله امري للربي كملي ؟!
وآخير انتهت سهام تزيين خالد !!
نظرا خالد الى المراءه وبصوت مرتفع " سهوم أنا أروح كذا ؟! مرا قوي المكياج ؟!
سهام "شوف خالد لي ساعة اقنعك وساعة اسوي لك والله لو تمسحها والله للزعل واقاطعك !!
خالد " طيب احس مو راكب علي ؟!
سهام" لانك اول مره تحط روج ومكياج يااخي انت تشوفه غريب وغيرك يشوفه عادي !
خالد "طيب شعري قصير مايجي بغسل وججهي !
سهام " لا لا يجي ..قسم بالله روعة روعة ملكة جمال انتي انتي عيونك خلقة جميل ومع الكحل اجمل !
خالد " طيب بروح البس البنطلون والجاكيت انتي ماشفتيه علي !
سهام "ايه طيب بحط مكياج لي على ماتخلص ؟!
ومضى ساعتان ..سهام آنتهت من تجهيز نفسها وارتد فستانها الاورنج ..
وخالد مازال يتآمل في نفسه أمام المرآءه ..!
سهام " والله انك جميل قسم بالله توقعت البنطلون والجاكيت يطلع عليك شين ..!بس والله
عليك زين ياحلو انت ههههه ..
خالد " يالله بس قسم اني مهرج ..!
حضرنا للقاعة وكان في الاستقبال آنسانة تنظر الينا ..وسهام قد ماتت من الضحك ؟!
سهام " ههههههه شوف خالد وجدان تستقبلنا ؟! المفروض انت تستقبلها مو هيا ههههه
خالد " ايه اضحكي قسم متفشل من شكلي قدام وجدان والناس !
سهام " ياعيني خلك واثق وامشي بهيبة ياجميل ؟!
خالد " طيب سهام وقفي ضحك تربكيني كذا ..؟! خلينا نسلم على الناس بعدين موتي من الضحك !
بعد السلام ..آتت وجدان وهي مبتسمة !
وجدان " واو خالد بذاته ؟!
خالد " لا خالد بنفسه !
وجدان " جميل جميل صراحة احلى واحد في الحفلة ..
خالد " عيونك الحلوه !
جلسنا بطاولة أنا و سهام و وجدان ..
سهام " خالد ارقص ؟!
خالد " لا ارقصي انتي !
سهام " تكفى لنا ساعتين جالسين والناس ترقص ؟!
وجدان " خالد ارقص ؟!
خالد " لا لا لا ..!
سهام " طلبت المطربة تغني" تقول الله يطعني واقول الله يسبقني جنوبيا.......!ارقص رقصة خطوة تكفى
مثل اهل الجنوب رقص رجالهم خطوة ؟!
وجدان " عادي اوقف بس زواج اختك عيب افرح وارقص !
خالد " والله انكم ماترتاحو لين ارقص ! قدام ياسهام يالله ؟!
رقصنا على تلك الأغنية كانت رقصة مريحة بدون كلفة آحستت أني رجل ؟!
بيدي بيد سهام وخطوة امام وخطوة للخلف !
وكانت انظار الحاضرين جميعها حولي أنا وطريقة رقصي وشكلي الملفت للنظر ؟!
الآن وقت الزفة زفت أختي شيماء كانت بصدق جميلة بفستانها الأبيض ومسكتها المميزة
شعرت وقتها أنا الدمع بعيني أختي الوحيدة في ليلة العمر ستذهب للحياة أخرى وبيت آخر
آنتهى الزواج على خير .. حفل مميز ..عدت للمنزل
أغلقت غرفتي ورحت آبكي وحيدة حزينة لأن شيماء ذهبت له وآصبحت ملكه
سافتقد آوامرها !! سافتقد عصبيتها .. سافتقد خدماتها لي ؟!
سافقد صوتها ؟!
نمت ومضت ثلاثة أيام على زواج شيماء سمعت أنها تقضي شهر العسل بتركيا ..!
اتصلت على أمي وسألت عني لكن كنت نائمة !
خالد " يمه صح شيماء دقت عليك !
امي " ايه وهي بخير وتسأل عنك ؟
خالد " والله فقدتها واشتقت لها
امي " حتى ابوكي اشتاق لها ؟
خالد " متى ترجع ماقالت ؟
امي " للحين ؟
خالد " شيوم حركات تركيا مهند ولميس وأنا هنا امي وابراهيم هههههه
امي " ههههه يجيك نصيبك وتتسافري للعالم كله ؟!
خالد " هههه لا نصيب وزواج لا .. ماستر ايه في بريطانيا رياضيات ؟!
امي " الله يوفقك ونشوفك دكتورة وعروسة ..
خالد " ربنا يسمع منك في الاولى والثانية لا ههههههه !
مضى أسبوع وو جدان تحاول أن تكون علاقتنا صداقة والعشق تبتعد عنه
أصبحت أسال عنها وعن صحتها ..! أصبحت تهتم بالعلاج للآجلي ..
محمد آقتنع أن النصيب لن يجمعنا آيقن أن خلود مغرورة كما قال للفهد ؟!
(خلود لاترضى بااي شخص ولاتقدر الحب يافهد )
آخبرتني بذلك سهام "
آه آشعر الامور أصبحت للصالحي الآن نجحت أنا وسهام وصديقتنا وجدان
حياتي مستقرة وهادئة كما كنت أود ؟
لكن يبدؤ أن ذلك الهدوء الذي يسبق العاصفة ثم يدمر السكون
ويبعث الجنون بي ؟!
آتت ذلك اليوم المشؤؤم كم آراه ..!
آتت ذلك اليوم الذي لا اتمناه وآدعو الله أن لايآتي به ؟!
آتت ذلك اليوم الذي منذ سبع سنوات آتمنى آن اموت قبل آصادفه ؟!
كنت آتجاهل ذلك الآمر المخيف بالنسبة لي
كان ذلك الموضوع بالنسبة لي عذاب نفسيا وفكريا ؟!