[زهرة اللوتس]

وعليكم السلام ورحمة الله

هلا بيش عيني عطر يوسف

جبت لش حاجتين خوش شي ..

الأولى ,, خلطة طبيعية

جربتها وحدة كان شعرها قصير وبعد شهرين تقريبا صار شعرها ذيل حصان >

المهم أنا سويت الخلطة وجاري استخدامها خلال هالفترة

هذي المكونات :

غرشة زيت زيتون الوزير ..

بيالة مسمار ( قرنفل ) مطحون ..

بيالة ثوم مطحون ،، أنا استخدمت ثوم حساوي / كملت صح




المهم ضيفي بيالة المسمار وبيالة الثوم لزيت الوزير واتركيها يومين علشان تمتزج المكونات صح

واستخدميها بعدين ،، راح تلاحظي لون الزيت يتغير يوم عن يوم .. يغمق

أنا سويت الخلطة قبل شهر تقريبا .. شوفي الزيت بالصورة لونه كيف صار ..

طبعا الخلطة .. تلبب الشعر وتطوّله ويستوي شحلوه والمسمار يخلي الشعر يميل للبني ، تقريبا مثل تأثير الحنا

بس هذا الأثر يظهر على حسب كثرة الاستخدام للخلطة

هذي بالنسبة للخلطة الطبيعية


الثانية ,, الزيت الثاني الموجود بالصورة .. ( زيت النارجيل أو زيت جوز الهند )

زيت معروف ومشهور وينباع عند العطارين ويمكن تلقيه في أسواق هجر وتوابعها


هذا الزيت وحدة بوحدة يطول وينعم ويكثف وريحته مسكتة ما يحتاج بعد

الماركة الأصلية هي ( C B C ) وسعره زهيد


هذي اللي عندي هسه استخدمي أي واحد وخبرينا بالنتيجة