عبــــــــــدلله
خرج يجر اذيال الخيبه ...رنيم حكمت عليه بالتعاسه وعلى قلبه بالموت ...
ركب سيارته خارج من ضجه المكان ...مايقدر يضل بالمكان الي هي موجوده فيه بجفاها ..بصدودها ..بدموعها ..
مشى وهو مو عارف فين يروح بالضبط ....الشوارع مثل بعضها
كل شئ صار مسود في نظره بعدها ...بعد الرنيم هو مو حي ...
كان يسووق وتفكيره بكل حرف قالته ...دموعها وهي ترفض تسامحه ...
اجرامه بحقها ....وقسوتها عليه وعلى روحه المرتبطه فيها ....
دموعه تنزل على خده حاجبه عنه الرؤيه...حاسس بحرارتها ...
وحاسس بالضعف بسببها ...نزلت قدامها لكن ماحنت عليه ...
يحاول ينهر نفسه ...هو رجال والدموع للحريم مو للرجال ...
لكنه مو قادر ...تنسكب منه وكأنها شلال ......
من قال الرجال مايبكي ....الا يبكي ...ويحس وعنده قلب
مهما اتظاهر بالصلابه ...بداخله ينزف ويتوجع ويحس بالمراره
اااه من هذا القلب ...لو اقدر كان شلته وارتحت من عذاابه ...
طلع جواله من سياله الدقله اتصل على الرقم الي حافظه عن ظهر قلب ....
لكن مالقى منها أي رد ....ماتبي تسمع صوته او تكلمه
كتب رساله على السريع ... وارسلها ...
ابتسم دموعه تنزل ..ماحاول حتى يمسحها ....
احبك يارنيم ..وراح احبك لاخر يوم بعمري ...
حتى لو ماسامحتيني بضل احبك واضل انتظر اليوم الي تسامحيني فيه ...
سرح فيها وفي دموعها ...كانت تتكلم وتبكي ...
عارف انها تحبه ولازال هو حب حياتها مثل ماهي حب حياته ....
بس قسوه الزمن فرقتهم ...
ااه ياغربه زماني ..كيف انا اقدر بك اكون
ذبلت ازهاري واعاني ..في متاهات الظنون
الا قلبي مادرو به ..لو شكى هم وجروح
مالبس السعد ثوبه ومالقى لرضاه روح
رن جواله وكان ابوه المتصل ..نزل راسه بيشوف وهو يمسح عيونه ....
ماانتبه للاضواء الساطعه امامه .....
صرخ وهو يشوف الوايت فوجهه ..حاول يبعد لكن ماقدر .....
كان اخر شئ قاله ...رنيـــــــــــــــــــــــم
حتى صارت الرؤيه ســـــــــــــــــواد
احدى المقاااهي
جلس يشرب قهوه تركي وهو سرحان ..يفكر بكلام امه
وتهديدها الصريح له لو فكر يعصيها ... كره الريم
وكره الساعه الي صارت فيها بنت خالته
خطط خالته وعيالها المكشوفه له زادت من كرهه لهم ...
وامه لحد الان مخدوعه وواثقه بصفهم ضده وضد اخته ...
تنهد تنهيده طويله وهو يتحسب على خالته وولدها الحقير وبنتها المايعه
...تنهيده طالعه من قلب ..حسبي الله ونعم الوكيل فيك يالريم
انتي وامك واخوك وكل اهلك يابنت الكـ..... استغفر الله
صرت اقول كلام مايرضي بس من قهري والله عساكم ماتربحون دامكم بتخربون حياتي ..
الله يكفيني شركم ويبعدكم عن دربي وعن درب اهلي بدون شر
ماشفنا من وراكم الا الهم والمصايب ....
لازم استعجل اليله بااحجز لي ولابوي لازم يقتنع ونعجل
بكره نسافر ...قلبي ناغزني حاسس خالتي ماراح تسكت ..
وجيه زوجها هنا بتزيد الموضوع سوء دامه مو قادر يضب زوجته
ماراح اسمح لهم يسون الي يبون .....ماراح ارتاح الا لو كتبت كتابي على رغدي ..
ويرتاح بالي ..يارب سهلها لي ويسسر لي واجمعني معها بسعاده يارب ياكريم ...
ماحس الا على هز خالد على يده ...
تفاجأ ورجع للواقع مع اهتزاز يده ...:خالد ...!
جلس مقابل له : لي ساعه اهز فيك يارجال ...وينك سارح فيه
مسك راسه وهو مصدع ...مشتته افكاره : اااه ياخالد ...انا مشتت وضايع يااخوي
مدري متى برتاح بس
خالد بااهتمام : ليش خير ان شاء الله ..فضفض لي وانا اخوك
فارس بتعب : خالتي وبنتها ... بيجننوني ياخالد "بحقد" ودي اشيلهم
بـ شَيَوَلْ من بيتنا واقشهم ديرتهم ...
خالد مات ضحك:ههههههههههههههههههههههههههههه الله يروجك ياشيخ
لذي الدرجه ! ليش وش سوو غير سالفه تركي الي ربي فككم منها
فارس : اااه ياشيخ وزت امي علينا ..تباني بالغصيبه اتجوز بنتها الشينه ..
شهق خالد...: اوووف انت اكيد تمزح مره ماينفع اسلوبها تبى تلصقكم بعيالها بالقوه
يعني ايش التفكير التنح !
عض شفايفه بقهر : وانا ايش حارق دمي غير هذا الموضوع ..
تخيل امي تقول منت ولدي لو مااخذت الريم بنت خالتك ...
بكل برود تتبرى مني عشان سواد عيونها شينه الحلايا
والمصيبه كله بسبب ضغط وحنه خالتي حسبي الله عليها
شافت مافي امل من امل حولت عليا
انصـــــــدم خالد وهو يسمع ..لهذي الدرجه في بجاحه : بصراحه خالتك ذي ماتنعطى وجه
..لو خالتي يمكن اشوتها بره البيت ههههههههههه الله يعينك على بلواك طيب وش بتسوي
فارس تنهد : مادري ياخالد مادري ...زوج خالتي بيجي اليله ..
وانا تكلمت مع ابوي والحمدلله انو معارض ومايبيني اخذ الريم
طمني انو بيحلها مع امي...حسيتو فاهم تفكيرهم وواقف بصفي وهذا الي مريحني ..
خالد ارتشف من كوب القهوه الي معاه : طيب ذا شئ حلو ليش شايل هم
خلاص مادام عمي سعود معاك خلاص اعرف انو كل اموك محلوله بااذن واحد احد
فارس بنص ابتسامه : حتى فتحت معاه سالفه اني ناوي اخطب رغد
ووعدني نروح بااقرب وقت جده يخطبها لي من اخوها ...
خالد اتسعت ابتسامته : والله ...اخيــــــــرا تحركت مابغيت والله وايش قال ؟
اصلا كيف قلت له ؟؟؟
غمز له : ههههههههه دبرتها وانا فارس ولد ابو فارس ....
استغليت انو صار لنايف حادث وفقد الذاكره ..لعبت شوي عشان يصدق
خفت اقول له اني اعرف رغد وانها نفسها كانت منتحله شخصيه اخوها يقوم يرفض
لكن الحمدلله صدق وقال لي طيب ...لو هي اخت نايف مو معارض
ومستعد يجي يخطبها لي بعد ...
خالد بخبث : وانا عندي لك اخبار عن حبيبه القلب واخوها و بتثلج صدرك
..وش حلاوتي اول ؟
تحمس فارس دام السالفه فيها رغد : الي تبي يابو وليد قووول بس ....
خالد وهو مبتسم لحماسه : اول خبر ان رغد تقابلت مع عمها هي واخوها
عمي محمد راح لهم جده وتسامح منها والعلاقه رجعت طبيعيه بينهم
وهم بااحسن حال الحمدلله ..
فارس براحه : الحمدلله ..الله يطمنك وريحك مثل ماريحتني ااه يارغد وربي مشتاق لها
"بعشق" اعرفها حبيبتي مافي اطيب منها سامحتهم ماتعرف تحقد على احد ...
خالد :هههههه الله يجمعكم على خير ...لسه ماخلصت في الخبر الي بيطيرك فوووووووق فوووق ..."عض شفايفه وهو يشوف الحماس بينط من عيونه بترقب " حبيبه القلب
هنا ...فالشرقيه ومابينها وبينك غير شارع
شهق فارس : كذااااااااااااااااب
خالد حلف: ورب البيت انها هنا ...مرام كلمتني وانا فالطريق برجع جنى البيت
بعد ماجبرت لها الدكتور رجلها
فارس مو مصدق تمالك نفسه : اول شئ سلامات على اختك خير لي مستشفى ؟؟ ...
ثاني شئ خويلد لا تمقلبني الله يخليك تعرف اني ماحب المزح في شئ يخصها ...
ضحك من قلب :هههههههههههههههههه والله مو مقلب قالت لي لما خرجت بشوي
اختي طاحت من الدرج وتعورت بس بسيطه الحمدلله
اتصلت علي مرام قبل شوي فرحانه قالت لي رغد ونايف جو عندهم من شوي
ومعهم شنط واغراض شكلهم بيجلسون كم يوم بعد ببيت عمهم
فارس وكأن احد قال له انت من اهل الجنه صرخ بفرحه وضم خالد : ياااااللله
الله يبشررررك بالجنه يابو وليد وربي احلى خبر سمعته ...رغد هنا
جنبي ...هنا بالدمام ....انا بحلم والا بعلم ...
خالد:ههههههههه لا بعلم وانا اخوك افرح ربي بيفرجها لك ان شاء الله
فارس : الحمدلله الحمدلله ..."طلع جواله بيتصل عليها ..مو قادر يتحمل
اتفاجأ لما شاف مسج منها ...الطيب عند ذكره"
"هلا ياروح رغد وسعدها اشتقت لك اكثر من الشوق نفسه ..
وانا ماتحمل فرقاك نار يافارس ..نار شوقي لك تحرقني ..
حبيبي بيني وبينك خطوات بس.. نتنفس نفس الهوا .. انا ببيت عمي ابو طارق
بجلس عنده كم يوم..... ابشرك تصالحنا ..."
ابتسم وهو يقدر كل كلمه ..وكأنه يشوفها ويسمعها بصوتها ...
همس وهو في حاله الا وعي : لا بالله انك صدقت ياخويلد ....
خالد:هههههههههه سبحان الله ماكملت الهرجه الا حبيبه القلب مرسله
ضم الجووال لصدره وهو مهتم لاي احد ضحك عليه خالد
وهو يقول له حالتك صعبه يافويرس ياولد سعود ...
رسل رساله وهو يتخيل شكلها اول ماتقراها .....
" الحمدلله مانسيتي فارس ... يارغد ....
شوقي وحبي وعشقي لك يسبق الريح ..توي حسيت بالهوا واملت رئتي بااكسجينها
مادام رغدي تتنفس هواا الدمام باانفاسها
ادري فيك ياعيون فارسك مافي ابيض واطهر من قلبك الي مايعرف للحقد باب
ومن زود شوقي مابيمر يومين الا وانتي على ذمتي ...
انتظريني يافتاه القمر "
رسل بعدها رساله وسائط ..كانت اغنيه رابح صقر
حشا لولا عشر خصك بها ربي عن الباقين
أبد ماكان من شافك تطيح الناس من عينك
دلع ولين وشقار وخف دم ومخمليه عين
خجل ملح وجمال وصدق هنا للي تحبينه
ظلمتي من يجي بعدك يجون وكنهم مقفين
قهرتي من يجي قبلك لو أنه شمس تخفينه
يغاير كوكب الأرض السما الدنيا متى تمشين
يقول أنه حظيظ اللي تواضعتي تدوسينه
ولو الله زوج الشمس القمر ثم انجبوا نجمين
حشا ماجابو اللي يشبهك نوره ولا زينه
بنفسج نرجس ونوار خزامى سوسن ويسمين
ربيع ينبت بثغرك ترى لو ماتبلينه
وآنا عني خلقت آسجد لربي والتزم بالدين
وآفكر كيف أسوي شي في دنياى ترضينه
أحبك وأعشقك وأحيا بحبك لين أقول آمين
وليف بالوفا والحب أنا اول من تعدينه
وعل الكون الحرام أنه من اول خلقته للحين
أبد مازاره اللي يحاليك بموازينه
وحشا لولا حلاك اللي رفع قدرك عن الباقين
أبد ماكان من شافك يشوف الجنة بعينه
وصله مسج منها وكانت كاتبه كلمات قليله لكنها طيرته فالهوا ...
"رغد لا يمكن تنسى فارسها ..حتى لو نساها ...انتظرك وكلي شوق
لا تتأخر علي ..طال الفراق ابي اودع سنينه ...ههه وعلى فكره
خقيت مع الاغنيه صرت احب رابح مع انو مايعجبني "
ضحك بقوه وهو يقراا رفع خالد راسه بيشوف وهو عنده فضول
قفل الجوال وحطه بجيبه : بلا لقفه
خالد بااستمتاع : خليني اقرى غراميتك مع عروس المستقبل
لك اكثر من عشر دقايق وانت سايح مع الجوال تضحك وتسكت وكأنك خبل
فارس دخل الجوال بجيبه : مستحيل ...ماتقرى ...كلام محارمنا احم احم
تعرف مقبلين على زواج ولازم اتشاور معها "بااستهبال"
كنت بضيفها فالواتس اب اسهل وارخص بس مابيها تزعل خلينا
زي ايام زمان عالمسجات هههههههه ...
خالد:ههههههههههههههههههههههههه ياواد يامتطور انتا انا شكلي
برجع للحمام الزاجل ورسايل الورق احسها رومنسيه اكثر
فارس :ههههههههههههههه اما حمام زاجل رسايلك بتوصل بعد سنه ...
ههههههههه عاد اذا مصر انتبه على حمامتك اشك ماترفع راسها بتطير
الا بالي يقنصها وعاد بتصير عشاء وراحت رسالتك يارومنسي
مات خالد ضحك :هههههههههههههه الله يروج عدوك ...طيب اسمع خذها مني
ضيفها بعد الملكه افضل واريح لك ولها انا اكلم مرام عالبي بي
ماحب الواتس اب مدري ليش ينرفزني وووع
فارس بنص عين : البي بي حق البزران والمراهقين ياالشيبه
خذ لك ايفون قال بي بي قال ...
خالد :ههههههههههههه خليت الايفون لك ولحبيبة القلب هههههههه
ماقول الا الله يسعدكم
فارس من قلب : امين يارب ويسعدك يالغالي ...اسمع ابي منك خدمه ضروريه
واتمنى ماتخيبني ياخالد
خبط على صدره : وانا ولد ابوي ..الي تامر فيه ولو على قطع رقبتي
ابتسم فارس : اليله بكلم ابوي يتصل على نايف او ابو طارق
وياخذ موعد منهم بااقرب وقت ..ابيك تكون معاي بروح اخطبها رسمي
ابتسم خالد براحه : وخير البرعاجله على بركه الله انا معك ...
فارس : تسلم يااخوي ....
كمل جلسته مع خالد وماخلو شئ ماتناقشو فيه كان بيرتب لكل شئ وبااسرع وقت
راح يتزوجها ويحطهم امام الامر الواقع .....
ومع الوقت امه بترضى والاهم ابوه وعده ماراح يصير الا الي يبيه ....
كنــــــــــــدا ....
جالسه فالقاعه تسمع لشرح الدكتور وهي تتثاوب بكسل ....
الجامعه بدون رنيم ماتسوى شئ في نظرها ...
جلست تشخبط فالكتاب لحد ماانتهت المحاضره الطويله والممله ...
خرجت وجلست مع وحده من البنات الي تعرفت عليهم ...
كانت بنت حبوبه واخلاقها عسل تصادقت معها ومع رنيم
.اسمها دنيا ....
كانت لبنانيه الاصل عايشه في كندا ...جميله شقراء وملفته للانظار ...
انصدمو البنات لما عرفو انها كانت مسيحيه قبل ...
حكت لهم عن قصتها وانها اسلمت على يد عماد ...
شاب سعودي يدرس معها فالجامعه ...
حبته وعشقتو من كل قلبها ...وهو بالمقابل حبها وعشقها
وكان حب من اول نظره ..تطور مع الايام ...وبفضله طبعا بعد الله
اسلمت لانه صارحها انه لا يمكن يستمر معها ...الا لو اسلمت
وهو ماراح يجبرها .....و عن قناعه راحت له بنفسها
وطلبت منه يعلمها الاسلام بعد ماشافت اخلاق المسلمين وتعاملهم ....
غيرت اسمها من ايميليا ..لدنيا ....كان عماد يقولها دايم انتي دنيا ...
دنيا عماد ....دنيتي وانا دنيتك ♥
من اسلمت تجرأ وتقدم لها ...خطبها من خالها الي ماعارض
بس مااسلم رغم محاولات بنت اخته الي كانت تحكيه عن الاسلام
وكيف انها لقت في جواب كل الاسئله الي تدور عليها ...
حست انو الدين الصح بالنسبه لها الدين الحق ...لكن انك لا تهدي من احببت ...
...والي قربها منهم انها متحجبه مثلهم ....
دنيا : يالله ياا افنان شوبكي ..من لما اجيتي ماحكيتي ولا حرف ..
متخانقه مع خييك شئ ؟؟
تنهدت : لا ...بس افتقدت رنيم ...احس الجامعه مظلمه بغيابها ...
دنيا بدهاء : بس رنيم الي فائدتيها ...انتي بتعرفي انها مابتداوم اساسا بهاليوم
عندها off قولي مشتائه للمسافرين عـ جده مو بس رنيم
حمرت خدودها وهي فاهمه تلميحات دنيا : دنيا بلا كلام فاضي اكيد مشتاقه لرنيم
وبسس لا تنسين انها حتى لو ماجات تتصل علينا
دنيا بمكر: لكان ليش ماتتصلي عليها اعتبري انا ماسافرت ...
يالله ليك اتصلي عليها
قامت وهي معصبه : اوووف خلاص اتصل عليها بعدين ...
يالله منك يادنيا ...مستفرزه انا بروح اجيب لي موكا وارجع ..
ضحكت دنيا بااعلى صوتها ..:ههههههههههههههههههههههههههههههههه
مشت عنها وهي مستحيه ... تحس الدم تصاعد لوجهها ...
هي مشتاقه لرنيم ..ومفتقدتها بس ....يالله يادنيا تحب ترفع ضغطها ...
تعبت من تلميحاتها هي ورنيم الي من بعد الحادثه الي صارت
وهم يعلقون عليها وعلى بندر ..كل كلمه تقولها عنه يفسرونها على كيفهم .....
هي ماتنكر انها تستلطفه ...ويمكن معجبه فيه .....
ويمكن تحسه شئ مهم كفايه انه انقذها وانقذ شرفها .......
سكتت وهي تفكر داخلها ......
"انا اشفيني عصبت ...خليهم يقولون الي يقولونه ...ماهموني ....
يالله احسني صرت موسوسه الله يخس ابليسك يارنيم انتي ودنيا ...
معقوله اكون حبيته ...بهالسرعه ..! "
صارت تناقض نفسها ....من ذاك الموقف قبل شهرين وبندر ماينزل عينه عنها ..
.كانت نظراته لها تنبض اعجاب ...واهتمام ...ويمكن استلطاف
"معقوله يستلطفني واعجبو زي ماانا مستلطفتو ...ليش لا ...
الي بيننا اعجاب انا ماحب الا نايف ...اي بس نايف ...."
بقراره نفسها " انتي عارفه نايف راح وماراح يرجع الميت مايرجع وان رجع مايحبك
لين متى بتقفلين على قلبك ......لين متى ياافنان ...اصحي "
نفضت راسها من الافكار واشترت اثنين موكا لها ولدنيا ...
رجعت لقت خطيبها عندها ...حست بخجل سلمت عليه بااحراج
وهو رد السلام ومشى عشان تاخذ راحتها ....
بدت تشرب الموكا حقها واعطت مروه حقها : لا يكون قاطعتك انتي وخطيبك عن شئ
دنيا : لا حبيبتي كان بدو يوصل لي الكتاب يالي طلبتو منو بس ...
"شربت شوي وهي رافعه حاجبها " أي احكيلي ...حاكيني رنيم
افنان : لا ماكلمتها ...تصدقين اشتقت لصديقاتي فالمملكه من شهرين ماكلمتهم
وحشوني مره
دنيا ♥بــ حنين♥ : وانا متلك امس حاكيت ميرال رفئتي ..
طيب حاولي تدبري ارقامهم يمكن بتقدري ؟؟
افنان بخيبه : حاولت لكن ماقدرت الجوال ضاع بذيك اليله الله لا يعيدها
وفيه الشريحه وكل الارقام فيها ...مافي حل الا اني اسافر لهم
وفهد مايقدر يرجعنا قبل الاجازه دراسته وشغله ولو رحت ماعرف وين مستقرين
...مالي الا ادعي انهم يكونون بخير وبيوم من الايام اكيد راح نتلتقي
واليوم ذا قريب مو بعيد ان شاء الله ...
دنيا من قلب : ان شاء الله ...متل مائلتي الاهم بيكونو بخير وصحه ...
والباقي بيهون
سكتت وهي تشوف شاب ماشئ اشرت عليه وهي تكلم دنيا : دنيا بالله مو يشبه بندرر
دا الولد
التفتت دنيا بسرعه وهي تشوف ...كان في شبه فعلا بينهم
ابتسمت بمكر وهي ترفع حاجبها : وبتؤلي انه بس اعجااب ياستي
انتي غرقانه لشوشتك صرتي بتشوفيه بوجوه العالم من كتر ماعم تفكري فيه ...!
يــــــــــــــــــــــــــــــــتبع 