[جنون المشاعر]

بغرفه طــــــــــارق

جلست جنبه وهي تتأمل نظراته الميته ...كان يطالع السقف والحياه ممسوحه من وجهه
وكأنه عايش بعالم ثاني ...لحيته طالعه بشكل مشعثر ومو مرتبه ابدا
والمصيبه مو راضي يقابل احد ...


رغم ان فارس وخالد وعبدلله حاولو يزورونه لكنه كان رافض يقابل احد غير امه وبس ...
حتى ابوه واخواته مايبيهم يزورونه ....
امه الوحيده الي يرتاح لها ومايحس الشماته والشفقه بنظراتها ...
نظراتها كلها حنان وخوف واهتمام فيه ....


ام طارق ودموعها تنزل على خدها : طارق حبيبي كل عشاني لو لقمه وحده ..
لا تعذبني ياقلب امك ...


لف وجهه بعيد عن يدها وهو رافض ياكل أي شئ ...
لكنها مايأست وضلت تحاول فيه برجاء : عشاني يانظر عيني ..بس لقمه وحده
مايصير تضل على الادويه جسمك محتاج اكل...


"مدت الملعقه الي فيها الشوربه لفمه وهي تلقمه مثل الطفل الصغير " يالله وحده
عشان امك افتح فمك ....


دف يدها بقوه وهو متنرفز منها ..طاحت الملعقه على الارض ويدها وجعتها من دفعته ..
.رغم ضعفه لكن لسه يده فيها قوه ...


تكلم بعصبيه وهو متنرفز : ماااابى اكل ماتفهميين اطلعي بررره


نزلت للارض تاخذ الملعقه وعيونها تدمع بوجع ..مو زعل منه ..
بل حزن على وضعه ...حالته مؤسفه وقلبها يتقطع كل ماشافت رجليه الممدده بدون حراك ...


اول مانزلت رمى صينيه الاكل على الارض ..تكسرت الصحون واصدرت صوت قوي
وكل الاكل صار بالارض ....


..تكلم بعصبيه وانهيار وهو مو متقبل وضعه : اطلللعي بررره مااااابى اشووف احددد برررررررررررره..


وقفت ومشت جنبه ضمته غصب عنه وهي تبكي : بس ياحبيبي هدي ..
خلاص ماتبى اكل ما راح اجبرك بس لا تعصب


دفها عنه بحده : بعدي عني ماابى شفقتك مابى عطفك ..


ام طارق بغصه : انا امك يا طارق ...امك ومابى الا مصلحتك ياحبيبي


صرخ بوجهها : مااااابى شفقتكم ..انتم تشمتووون فيني ..انا طااااااااااارق...
اطلعي برره قلت لك مابى أي احد عنـــدي لاااا انتـي ولاااا غيررك
ما تفهمين انتي غبيــــــــــــــه ..


ضلت متمسكه فيه وهي تتحمله وهو يدفها .....
هدت يده وماصر يدفعها عنه يوم شاف اصرارها ودموعها وهي تضمه بحب وحنان كبير
...هذا ولدها واول فرحتها ....


ضمها بااستسلام يدور حنانها وهو يدفن راسه بصدرها
وهو يبكي بنحيب يقطع نياط القلوب ... :يممه ماقدر امشي يمه انا صررت معوووق
اااه يمه بموت


مسحت على شعره وهي تتعذب مع كل كلمه يقولها وحاسه فيها : لا تبكي ياحبيبي لا تيأس
...بكره بتتعالج وبترجع تمشي زي اول واحسن ..انا وابوك ماراح نتركك ...


طارق باانهيار : انا مشلوووووول مشلووووول ومااقدر اتحرك الا بكرسي ..
ليييييش انا مااستاااهل ليييش انا بالذات يممه ليييش


ام طارق مسحت دمعتها بااسى: استغفر ربك ياطارق ..هذا قضاء الله وقدره
ارضى وادعي ربي يشافيك الطب تطور وان شاء الله تتعالج ...


طارق بااعتراض : ليييييش يااااارب ليييييش تسوي فيني كذاااا
انا اشسوويت لك لييييييييش


استغفرت الله وهي تسمع الي يقوله ...منهار ومايدري ايش جالس يقول
مو مستوعب انه مشلول ومايقدر يمشئ او يتزوج ويكمل حياته
مثل باقي الشباب بعمره ...مايقدر يلبس ملابسه بنفسه ...

حتى الحمام "اعز الله القارئ" مايقدر يروحه بنفسه بدون مساعده ...
والي زاد الطين بله ان ايمانه ضعيف ...وماهو راضي بقدره ...

الي صار له مصيبه وابتلاء عظيم ...لو صبر عليه بيكون اجره كبير
لكن ردة فعله ماكانت صبر ابداا ...طوال المده الي فاتت وهو ساكت
وفي حاله عدم استيعاب ولما حس انه خلاص انتهى ..
صابه انهيار عصبي حاد ..


صار يتكلم ويشتكي ...صار يبكي مثل الطفل الي اخذو لعبته ...
بس هذي المره طفل انأخذت عافيته بسبب لعبه بااشياء خطيره ...
وماصار يقدر يلعب مثل باقي الاطفال ...

ضلت امه تهديه وتمسح على راسه وهي تدعي من كل قلبها ربي يهون عليه مصيبته
ويهون وعليها ...قلبها مايتحمل يشوفه بهذي الحاله ....


تكلم وتكلم حتى انهكه التعب ونام بحضن امه وكأنه رضيع ....
عدلت سدحته وغطته باللحاف وهي تمسح عبرتها ...
من بعد خروجه من المستشفى وهي مايمر يوم الا وتنزل فيه دمعتها
يا ليل يانهار كل ماشافته تبكي حزن على حاله ...
حاسه باالمه ومافي بيدها الا تدعي له ...


خرجت وسكرت الباب ..شافت زوجها واقف قدام الباب ..
كان بيسألها عن حالة طارق اليوم لكن من شاف وجهها ودموعها
مااحتاج يسألها عن شئ وصله الجواب ....


نزلت دموعها وهي تشوف زوجها ...سحبها لحضنه بهدوء
وهي مااعترضت حسها محتاجه لحضن تفرغ فيه كل الي حاسته ...
كابته كثير بقلبها وهو الوحيد الي يفهمها من عيونها ...


مشى معها لغرفتها بعيد عن عيون الاولاد ..دخل وسكر الباب عليهم
الفت لها ورجع ضمها من جديد ....


ام طارق حطت راسها على صدره بكت اكثر وهي تفرغ كل الي بقلبها:ااااه يا محمد
قلبي تعبااااان ولدي بيروح من يدي وماقدر اسوي له شئ ....


صار يمسح على ظهرها ويقرا عليها ...: ادعي له ربي يشافيه ويعافيه
انتي مؤمنه بقضاء الله وقدره لا تضعفين ...


ام طارق باانهيار: مااقدر يامحمد ..مااقدر اتحمل اكثر من كذا خلااص تعببت من كل الي يصير
...ابي ارتااح ..ابي اشوف عيالي حوالي كلهم مرتاحين ومبسوطين


ابو طارق بحكمه : هدي اعصابك ياقلبي لا تحسسين عيالك بضعفك
غرام ومرام ونواف محتاجين لك وحتى طارق اذا انتي ضعفتي من فين بيستمدون قوتهم هم
..انتي الكل بالكل وبيدك تكونين قويه وانا جنبك وماراح اتركك


ضل معاها يهديها بكلامه ويهدي نفسه معاها ...
عارف الايام الي فاتت ماكانت سهله لا عليه ولا عليها طارق
من جهه واختفاء طلال من جهه ورغد ونايف من جهه ثانيه ...
حتى كاترين بعد القضيه الي رفعها عليها ....بسبب وقوف نادر معاها فالمحكمه تشتت...
ولسه ماحكمو فالقضيه لمين تكون الحضانه
مبدأيا العيال عنده لكن تزورهم كل يومين ....ولسه في جلسه قريب ...


سمعو صوت غرام من بره ...كانت تنادي عليهم ..خرجو مفزوعين على صوتها
كانت بالدور الاسفل نزلو بسرعه وكل واحد يقول بقلبه الله يستر
وكانت الصدمه الي جمدتهم ...


























بيت ابو فــــــــــــــــــارس


جالسه تتقهوى وتحلي مع اختها ام تركي..... الي تسمم افكارها
وتحرضها على بنتها وزوجها مثل العاده ...الريم بدهاء كل ماتكلمت امها
تحاول تكون الملاك البريئ وتطلع اعذار لتصرفات امل وابو فارس ...
تبى تكبر بعين خالتها ...
راسمه على فارس ولو تبي الولد لازم ترضي الام ...


اليله بيوصل ابو تركي الدمام وفايزه محد قدها زوجها ...
بيجلس بيت ابو فارس مثل ما فرضت عليه قرارها
وهو بضعف شخصيته منصاع لها ولعيالها .... كل الي تبيه يصير

مافي شئ قاهرها الا وجود تركي بالسجن لكن بدهائها راح يخرج ....
بتجلس بهذا البيت زي الشوكه فالبلعوم ...ماراح تضيع كل شئ من يدها ..


دايما كانت تفكر اختها باايش احسن منها متزوجه واحد مبسوط
بيت ومال واسره سعيده وعيال يرفعون الراس ....
وهي نصيبها كان نحس زوج بدون شخصيه دايما مسافر
وعيال مافي افشل منهم ...الحسد والحقد اعماها ..


قررت ونفذت بتجيب زوجها عالبيت وبتشبك فارس بالريم وامل بتركي ....
بس بالاول لازم يخرج من السجن ..
راح تضغط على زوج اختها واختها عشان يطلع من السجن بااي وسيله ....



ام فارس بسذاجه تنفذ كل كلمه تقولها اختها ...وعاجبتها الريم
وكأنهم ساحرينها وقالبينها على بيتها وعيالها ....
الريم تتميلح وكل يوم متقصده تلبس وتتشيك بشكل ملفت ...
كل هذا لاغراء الفارس بااي طريقه تبيه لها ....
ماتدري ان قلبه معلق بجده ومو حول احد ...ولا شايف انثى بحياته غير رغد...


ام فارس خافت : لا مو معقوله ابو فارس مايسويها ..


ام تركي : ليش مايسويها كل الرياجيل مثل بعضهم وانا شايفته هاليومين مايجلس معنا بالبيت
اكيد وراه سالفه ...وقلبي يقول لي انه متزوج عليج


ام فارس نفضت الفكره من بالها : فايزه هذا سعود ..عشرتي معاه 28 سنه
لا يمكن يتزوج علي بعد كل هالعمر هو مشغول بالشركه
هاليومين صايره عندهم شويه مشاكل ...


ام تركي بمكر : اكيد بيقول لك مشاكل تبينه يقول انا متزوج عليج ؟؟
وهذا سبب غيبتي وكثرة طلعاتي ...اصحي على نفسج ياغبيه ...زوجج بيطير من يدج
وانتي ساكته تحركي سوي شئ ...


ام فارس: لا لا مستحيل ..مو معقول ابو فارس مايسويها


ام تركي بكذب: انا سمعته قبل كم يوم يتكلم بالتليفون وبصوت خافت ...
وبصراحه شكيت ويوم دخلت الصاله سكر وحسيته متغير


ام فارس"بخوف" : ياويلي طيب شسوي يااام تركي تهقين متزوج علي صدق ؟
والله بديت اخاف ..


ام تركي بخبث : ياحبيبتي كل هذا احتمال لسه ماتأكدنا بس انتي حاولي تهلكينه بطلباتج
وعانديه وشوفي وش يسوي ...شوفيني انا مثال جدامج
ابو تركي مايقدر يفتح فمه بكلمه وحده وانا موجوده مخليته خاتم بااصبعي ....
انتي سعود حتى بزواج بنتج يتحكم عارف ان تركي مايسوي هالحركات
ولد اختج ولحمج ودمج ...وكنه ماصدق وقال الزواج انتهى قبل يبدأ
انتي لازم يكون لج شخصيتج وتحسسينه بوجودج ومثل ماقراراته ينفذها
انتي بعد ماتتنازلين وتمشين رايتج على الكل ...



ام فارس : بس سعود عصبي ولو ماصار الي يبيه ينسف الي قدامه ...
اخاف يطلقني يافايزه ...


ام تركي : لا تخافين ياقلبي ماراح يطلقج لا تنسين عندج عيال وهو ماراح يتسرع
ويهدم البيت الي عمرتوه 28 سنه ...


بدت ام فارس تقتنع بكلام اختها الي مارتاحت الا وهي تهدم حياة اختها ولسه ماارتاحت ..


دخلت الريم بعد ماسوت عصير برتقال وحطته بالكاسات باشرتهم
باست جبين الثنتين بتميلح : هاااااي خالتو هااي مامي ...


ام فارس : هلا بزينه البنات ...


ام تركي بحب : هلاااا بحبيبتي تعالي اجلسي جنبي وجنب خالتج ...


جلست جنبهم وابتسامه حقيره مرسومه على وجهها الجميل : ها ماقلتو لي ...
وش رايكم بصبغه شعري ..


ام فارس بااعجاب : طالعه روعه لايقه عليك ياحبيبتي ....


سوت نفسها مستحيه ...فجأه دخل فارس الصاله ضل واقف على الباب ومنزل راسه
وهو يتحمحم : احم احم ..الســـــــــلام عليــــــكم اقدر ادخل ؟


ام فارس وقف بفرح تهلي وترحب : وعليــــــــــكم الســــــــلاام
ياااااااااا هـــــــلاااا بحبيب قلبي ..تعال ياعيوني مافي الا خالتك وبنت خالتك
تعال لي يومين مو شايفتك ياحبيبي ...


ابتسمت ام تركي وهي تغمز لبنتها الي تعدلت ورسمت ابتسامه
بعد ما نزلت خصلتين على وجهها ...


دخل الغرفه وماانتبه للريم راح لامه الي واقفه تنتظره باس جبينها وهو مشتاق لها ولريحتها
الايام الي فاتت كان مشغول وماجلس معها ...


ضمها بشوق وهو يدلع عليها : وحشششتيني ياست الكل


ام فارس : وانت وحشتني اكثر ياعمري الشغل والشركه اخذتك مني


فارس باس يدها بااحترام وحب : ولو ياام فارس مافي شئ بالدنيا يبعدني عنك
انتي عندي فوق كل شئ بس انتي عارفه الظروف


تكلمت ام تركي يوم شافته مو معطيها ومعطي بنتها وجه : شكلك مااشتقت لخالتك يافارس


التفت وهو متفاجأ ...توقع بعد سجن تركي ينقلعون بيتهم لكن باين انهم مطولين القعده ..
حس داخله بضيق من تواجدهم ...


ابتسم مجامله وباس راس ام تركي : هلا والله بـ خالتي ام تركي سامحيني يالغاليه
ماانتبهت لك "بدقه" ماكنت ادري انك بالبيت على بالي رجعتي الاحساء شلونك ؟


ام تركي ماعجبها كلامه : انا بخير ياولد اختي..لا مارجعت ..
ماقدر ارجع وتركي بالسجن بس شكل وجودنا ببيتكم مضايقك ..


طالعت فيه امه بنظره حاده فهم مغزاها ...


فارس قرب من خالته والكلام مو من قلبه : لا افا ياخاله البيت بيتك
انتي الداخله واحنا الخارجين افا عليك ..لا تزعلين مني تدرين مو قصدي
بس مع الضغط الي انا فيه وهذا راسك ابوسه ...كم ام تركي عندنا


ابتسمت ام فارس وخرجت من الصاله بعد ماسمعت صوت صياح رعد ...
ضلت ام تركي والريم مع فارس لحالهم ...


فارس : ها ياخاله راضيه والا زعلانه مني ...؟؟


ابتسمت ام تركي باانتصار : الله يرضى عليك ياولدي..مابتسلم على الريم ؟


هز راسه وهو منغث منها ..تبيه يسلم على بنتها كمان

"الله يصبرني على بلواي
انا ايش مدخلني الصاله كان رحت لامي بغرفتها ....اووف بس اووف
متى يطلعون من بيتنا ونرتاح متى .."



التفت مكان مااشرت له ام تركي بالكنبه طاحت عينه على الريم
انننصدم بشكلها ورخى بصره وهو مفتشل وجهه صار مثل الطماطم ....


جالسه لا احم ولا دستور حاطه رجل على رجل وتمضغ لبانه
حتى ماحطت طرحه على شعرها ...
مصبغه وجهها احمر وازرق ولا كأنها الا بعرس !


ابتسمت اول ماطالعها وهي تخزه بقوه عين ...! وقحــه وقليله تربيه ...
عمره ماشاف وقاحه بهذا الشكل الا من وحده بايعه نفسها .....
بس مو من عائلته ...ومن بنت خالته !

لابسه برموده جينزضيقه عليها ومحدده جسمها بشكل فاضح
وبلوزه خفيفه ربع كم حتى اول زرارين مفتوحه ومباين جزء من نحرها ...
ولا كأنه رجال مو محرم لها داخل ...


تكلم وهو مايطالعها ووده يرميها من الشباك : كيفك يابنت الخاله ..


الريم وقفت ومدت يدها بدلع : بخير انت كيفك ياولد خالتي ...


فارس ماصافحها وهو حاسس بقرف : دوم يارب تزين احوالك يابنت خالتي ..
انا بخير


الريم نزلت يدها وهي مفتشله بس مع كذا مااستسلمت
"دواك عندي يافويرس تفشلني انا " تكلمت بمصاخه ودلع مو بمكانه
وهي تضغ علك : واياك ياررب ... وينك يافاررس ماتسأل
ولا اسمع اخباررك الا من خالتي ..ماكأن لك بنت خاله ماتسأل عنها اذا ماسألنا يعني!
"وهي قاصده تدقه بالكلام"


فارس ضاق من وقفته معاها وهو يحاول مايطالعها "وينك يمه تفكيني "
: والله اسأل الوالده عن احوالكم كلكم خالتي وزوجها وتركي وانتي من ظمنهم بعد ....
بس مااخص احد بسؤالي.... والي شايفه انك بخير يابنت خالتي
اذا قاصرك شئ او محتاجه خدمه قولي ورقبتي سداده...


الريم مثلت وجه البراءه : لا شوكررن مو محتاجه شئ ماتقصر يافاارس
"بعتب" تذكر يافارس ....واحنا صغار كنا نلعب انا وانت وتركي وقلووبنا على بعض
كل واحد يحس فالثاني ويحبه ويسانده
بس انت تغيرت وايد وين ولد خالتي الي يسأل ويجلس معاي ..
كنت تزورنا وكنت لما نيي تجلس معنا ..."طالعت امها "مو جذي يمه ...


ام تركي تأيد بنتها : وهي الصاجه يا فارس ماقمت تسأل ولا تجلس معنا


فارس بغى يشرق بدون مويه من كذبها الي ماينبلع .....
من متى كان يشوفهم عشان يلعب معها ؟؟...كان حتى لو شافهم مضاربات بسبه اخوها
ومصايب بسبب طواله لسانها على امل ....؟؟؟
لا وامها تأيدها ....مافي حيا ابداا ....


ماحب يفشل ام تركي وحاول يكون مضيف لطيف ...
مهما كان يضلون ضيوف ببيته : احنا تناقشنا بهالموضوع قبل لو اني بااجازه من عيوني
بس انتو شايفين الوضع ......حتى امي واختي مااجلس معهم الا فين وفين
الشركه والشغل متعبيني وماخذين وقتي ...
وماصرت افضى من البيت للشغل للاستراحه وايا الربع ...


ام تركي بعبط : بس خمس دقايق تطل وتسأل ماتضرك...
"بمكر" هذا واحنا بنصير نسايب وبتتزوج الريم وانت جذي تعاملنا ..
شلون بعد الزواج !


نزلت الريم راسها بخجل وهي تمثل الحيا ....


حاول يكتم غيظه وهو مو طايق الثنتين ..

جمد وهو يسمع كلمتها ...
هذي وش قاعده تخرف ! هذي تبي تبليه ببنتها ...؟
مستحيل...اكيد جنت .... ماراح ياخذ الا رغد حبيبته ..
وخليها تحلم هي وبنتها على قدهم ...قال اخذ الريم ....
مابقى والله الا اخذ هذي ....استغفر الله


تكلم وهو يسكر عليها السالفه : السموحه ياخاله حقك على راسي وماراح اقطع
وراح ازوركم وانا مااظن اتزوج قريب الله يكتب للريم نصيب احسن مني
واحضر عرسها ان ربي كتب نصيب يالله استأذن عندي شغل ..


خرج قبل تفتح فمها بكلمه ...
مو صاحيه هذي ...وتقولها علني بعد
تبي تدبسه ببنتها الي مايدانيها بعيشه الله ..
ماراح تتركه بحاله مادامها قدرت تشبك امل بتركي ايامها
اكيد ناويه عليه تبيه لبنتها ...بس والله حلم ابليس بالجنه


خرج وهو يتنهد واعصابه ثايره شاف امه بالطريق ماشيه وشايله رعد الي نايم ..
وقفها واخذه منها :هاتيه عنك اوديه غرفته


ام فارس : خذه ...تعبني سم الله عليه تهاوش مع ولد خديجه ولقيته يبكي
ماهدى الا وهو نايم على كتفي .. ماعاد صغير كبر ياقلبي عليه ..
وجسمي مايتحمل وزنه ...الصلاه على النبي


فارس مسح على شعره وهو حاضنه : بس لسه عقله صغير ...الله يهديه
اعطيته الايباد يلعب وقلت له لا تخرج الحديقه بس مايسمع الكلام


ام فارس : الله هديه صغير ويبى يلعب مع البزران بعمره ...
يالله انا برجع لخالتك وبنتها ...


وقفها مره ثانيه وهو يحاول يتمالك اعصابه : لحظه ....يمه بودي رعد بجي لا تتحركين ....


ام فارس : طيب ...


طلع بسرعه الدرج دخل غرفه اخوه وسدحه على فراشه ...
نزل بسرعه البرق وشافها لسه واقفه تنتظره تنهد بتعب : اسف تأخرت عليك ...


ام فارس ابتسمت : لا عادي قول وش عندك حبيبي ...تبي شئ ؟


فارس باارتباك وهو خايف تعصب منه : بااسالك سؤال..امممم بس الله يخليك يمه
لا تعصبين ...


ام فارس استغربت : اسأل ؟ ...


فارس بتردد: يمه وش سالفه الريم وامها ...مايبون يرجعون بيتهم
صار لهم اكثر من شهرين ..يمكن 4 شهور بعد وهم عندنا تاركين ابو تركي لحاله ...
مو ناويين يردون ديرتهم ..؟


ام فارس بحده : تبيني اطردهم ...البيت بيتهم متى مابغو اكيد بيروحون وابو تركي اليله جاي عندنا "بتحذير" لا تبين له انك متضايق ترى الي يزعل اختي يزعلني يافارس ...


تأففف بداخله من هذي الخاله الزقه : افا يمه مااسويها انا تربيتك ...
"بطفش" بس صدق هم طولو وانا ماعرف اخذ راحتي بالبيت والريم موجوده
ياليت يردون بيتهم بسرعه ...


ام فارس بعصبيه : فاااارس ...


فارس ماقدر يخبي رده فعله وهو مقهور : يمممه لا تزعلين مو قصدي وانتي تدرين اني احب خالتي ....والله ماقدر اسكت ...ابي ارجع البيت وانا متطمن كل الي بالبيت محارمي .....
"تذكر كلام ام تركي وعقد حواجبه " أي صح ذكرتيني ....
بعدين وش قصه زواجي الي مادري عنه ...!
اليوم خالتي رمت كلام مافهمت منه شئ .....تقول زواجك من الريم ونسيبنا ومدري شنو ...
هذي من قال لها اني ابي بنتها اصلا ...؟؟ ترمي كلام من عندها والا ايش ؟؟


ام فارس بهدوء : لا انا كلمتها اني ابي الريم لك ...واني بخطبها لك
لو هي موافقه والريم موافقه وماعندها مانع ...
وفرصه لو جا اليله ابو تركي نعلن الخطوبه رسمي ...


بحلق عينه فيها وهو مو مستوعب : خطــــــبت لي الريــــــــــــم !


ام فارس ببرود: أي وش فيها ...؟ انت كبرت وبتصك الثلاثين ولازم ازوجوك
ومافي احسن ولا بتلاقي بنت تناسبك ومن مقامك اكثرمن الريم بنتنا
ونعرفها ونعرف تربيتها ....


فارس بعصبيه : يمممه انتي وش تقووولين ...شلووووووووون تخطبينها قبل تشاوريني ...شلوون ...؟؟؟ من قال لك اني ابي بنت اختك انا ماابيها ولا اطيقها
ليش تتصرفين بدون ماتخبريني


عصبت ام فارس : ولييش ان شاء الله ماتبيها ...وش فيها بنت اختي؟؟
جمال ومال وحسب ونسب وبنت خالتك لحمك ودمك ...وش ناقصها ماتبيها ؟؟
والا عاجبك تظل لاعب بذيلك لا وراك لا بيت ولا ومسؤليه
كل ماقلت لك بزوجك تحججت لي بالشغل ...


فارس وبدا صوته يعلى : يمــه انتي تدرين اني مصلي مو راعي خرابيط ...
انا ماعندي مشكله اتزوووج بس مو تخطبين لي من وراي ...
انا لي حق اختار البنت الي تعجبني ...


ام فارس : وترفع صوتك علي يافارس ...تعارضني وانا امك


فارس وهو يتنهد ويطول باله : يمه مو قصدي ارفع صوتي عليك ...
ولا اعارضك بس انتي تدمرين حياتي كذاا خليني اعيش حياتي مثل ماابي
واتزوج البنت الي ابي لا تصرين عليا الله يخليك ...


ام تركي بعنااد : وانا مو عاجبتني الا الريم ومابتاخذ غيرها ياولد بطني ...
وبعدين على ايش شايف نفسك عليها ....كلكم نفس الشئ مابتلقى احسن منها


فارس عصب : بس انا ماابيـــــــــــها مااحبها ماابلعهاااااااااااا
لو كانت اخر بنت ماراح اتزوجهـــا
لو بغيت اتزوج انا بختار شريكه حياتي ...ام سالفه انك تجبريني لا
انا الرجال وانا الي بتزوج ...


ام فارس عاندت اكثر وكلام اختها يرن بااذنها : وانا قلت بتاخذهـــــــــا غصـــبن عليك
والا لاني امك ولا انت ولدي سمــــــــــعت ...واليله بتكلم ابوها وتملك رسمي


مشت من قدامه وهي معصبه دخلت الصاله عند اختها الي اكيد سمعت كل شئ
لان اصواتهم عاليه ...






















بالممر ..

وقف وهو ضايع ومو عارف وش يسوي امه ذبحته بكلامها ...
تتحكم بحياته وبسعادته ...وعلشان من ...بنت اختها شينه الحلايا ..
واختها الخبيثه ...وولد اختها الحقير ....


كيف تفضلهم على عيالها ...لهذي الدرجه شخصيه امه ضعيفه ...
بس مستحيل يمشئ الوضع كذا ...حلفت عليه تتبرا منه لو عارضها ...
مايقدر يسوي شئ بدون رضاها ...بتضل امه جنته وناره ...
ماله الا ابوه يطلعه من هالمصيبه


مشى يدور ابوه وهو حاسم امره ...ماراح ينتظر اكثر لو مهما صار
ماراح ياخذ الا رغد وهو تأخر ...كان لازم من البدايه يكلم ابوه ....
ويقنعه وبسبب انتظاره طلعت له هالمصيبه ...


حسبي الله عليك ونعم الوكيل


نادى باارجاء البيت وهو يحترق ...شاف باب المكتب مفتوح دخل بدون مايدق الباب
شاف ابوه جالس ولابس نظارته ...كان يقرا و مبين عليه منسجم بالشئ الي يقرأه ...


رفع راسه على صوت اغلاق الباب ...شاف فارس واقف امامه
ومبين عليه في مصيبه صايره ....


فصخ نظارته وعدل جلسته وهو ينتظر يسمع بالكارثه الي صارت ...


فارس برجاء : يبه الحقني ....


ابو فارس حس بشئ بقلبه : خير يافارس ؟؟ وش صايررر ؟؟؟


قرب ووقف قريب من ابوه وهو مو عارف كيف يبدا : يبه امي حلفت ...
تبي تجبرني على الزوااج


تنهد براحه اول ماسمع ...خاف يكون في شئ خطير
حس كأنه مويه بارده انكبت عليه وطفت نار الخوف الي اشعلها فارس بدخوله : فجعتني ياولدي حرام عليك كنت اظن احد مات ...وش فيها عمرك مناسب للزواج ؟


عض على شفايفه بغيظ : يبه انا ماقلت مابي زواج ابي اتزوج بس بالبنت الي انا اختارها ..
انا الي راح ارتبط فيها واعيش معها العمر كله ...
بس امي تبي تجبرني على الريم بنت خالتي ..وانا ماابيها


تنهد ابو فارس بضيق ...: انا لله وانا اليه راجعون ..امك هذي بتجنني
الحين مو وقتها ابدا مالنا فتره مخلصين من سالفه تركي وامل
تبي تفشلني مع الجماعه هذي والا ايش ...


فارس حس بالضياع : يبه انا ماابيها مااطيقها...
امي هددتني لو ماتزوجتها هي بالذات بتتبرا مني ...


شهق ابو فارس ...ماتوقع توصل لهذي المواصيل ..
اكيد هنادي صار لعقلها شئ تتبرا من ولدها عشان بنت اختها !


فارس "برجاء" :يبه تكفى سوي شئ وخلصني من الورطه هذي ..
كلمها شوف لي حل ...الريم ما تناسبني ...


ضرب المكتب وهو متضايق : وانا مابيك تاخذها البنت ماتصلح لك ...
استغفر الله ...امك متغيره واجد .. اعرفها واعرف تفكيرها من جات اختها
حسبي الله عليها وهي متغيره كانت تبي امل لتركي
ويوم شافت ماصار الي تبيه حولت عليك وعلى الريم .....


فارس : بس مو معقوله اخذ بنت مغصوب عليها ..انا رجال مو بنيه ...


ابو فارس : المشكله ماقدر اكلم امك وارد عليها بشئ او اعارض ..
معها حق انت لازم تتزوج بتصك الثلاثين والي بعمرك عندهم عيال ....
حجتها اقوى مني يافارس ...



فارس قرر يتكلم ويفتح سالفه خطبته : يبه انا ابي اتزوج ...وعشان كذا جيت لك اليوم
وكنت بفاتحك بالموضوع قريب بس امي فاجأتني بكلامها ..


ابو فارس بااهتمام: أي موضوع ؟؟


بلع ريقه وهو مرتبك ..: يبه انا ابي اخطب اخت نايف صاحبي ...
واتزوجها على سنه الله ورسوله ......بس صارت عندهم ظروف
عشان كذا اجلت الموضوع وكنت ابي اكلمك تخطبلي اياها ...


ابو فارس تفاجأ : نايف ماغيره الي يشتغل بالشركه ؟


فارس بخوف: أي يبه ...نايف بندر الـ..... ....
هو ماصار يشتغل بالشركه الحين .." باارتباك وهو يحاول يزبط الكذبه "
صار له حادث وفقد الذاكره ...سافر جده مع اخته يبي يتعالج ...


انصـــــدم ابو فارس بالخبر : فقد الذاكره ...انا لله وانا اليه راجعون ...
الله يشافيه ويعافيه اخر مره شفته كان بخير كيفه الحين عسى ماتأذى..؟


فارس: لا تخاف هو بخير الحمدلله .... بس مو متذكر شئ وحاليا مسافر جده.....
تعرف هو من اهل جده اصلا وهناك يمكن لما يشوف اشياء عن ماضيه
يسترجع ولو جزء من ذاكرته ....وانا ماتركته ...
كنت معه بس الاوضاع مع طارق اشغلتني شوي


هز ابو فارس راسه وهو يفكر ويحاول يتذكر: بس اتذكر ماعنده اخوات ؟


فارس تلبك : الا عنده اخت وحده بس ....كانت عايشه معه....
ماكلمنا عنها بس يوم تطورت علاقتنا عرفت عنها وشفتها بالصدفه وعجبتني ...


ابو فارس احتار وهو يسمع كلامه ...وماعرف ايش يرد ..هو يعجبه نايف ....
ومايفضل زواجه الريم ابدا ..: طيب مالهم اقارب ... حتى لو من بعيد ؟.


فارس وهو يفجر القنبله : الا لهم ...واحنا نعرفهم بعد وناس طيبين ...
طارق محمد الـ........ يصير ولد عم نايف ...


فتح عينه عالاخير : محمد الـ ........ يصير عم نايف ..وش الصدفه هذي ؟


فارس : وانا زيك اتفاجأت اول مادريت ..علاقتهم مع بعض رسميه شوي
نايف مو مثلهم ومااتفق معم ....عشان كذا ماحب يتكلم عنهم


ابو فارس ارتاح للموضوع : والله مادري ايش اقولك يافارس ....
نايف ولد ناس واجودي ومافي منه ...يكفي موقفه معاي الي مستحيل انساه
ومادام تبي اخته انا ماعندي مانع ومستعد اروح جده و اخطبها لك ...


ابتسم بفرح: صدق يبه ...بتخطبها لي ...؟؟؟


ابتسم ابو فارس وهو يشوف لمعه الفرحه بعين ولده ...
من زمان ماشافه يبتسم من قلب : أي صدق وين بنلقى زي اخت نايف ...
تسلم يد الي رباه والله لو يقبل اني ازوجه بنتي ....


نقز يبووس راس ابوه : مشكووور يبه ...ريحتني والله بس امي ..اا


ابو فارس قاطعه : خلي امك علي ...ماراح اخليها تعارضني ....
والبنت الي تبيها تاخذها مو عيالي الي ينغصبون على شئ ..
"بندم" كنت بااغصب امل وندمت ماراح اكرر غلطتي فيك ...


ابتسم فارس بفرحه وهو لحد الان مو مصدق ...
راح يتزوج رغد اخيرا ...راح يعيش مع حبيبته ببيت واحد ...
حلمه راح يتحقق ويشوف السعاده ...


فارس وهو طااير من الفرحه : يبه متى ننزل جده ...


ابو فارس :هههههههههههه لا تستعجل ...بدري خلي اول اكلم امك
وبعدها نتصل وناخذ منهم موعد عشاتن نخطبها ...


فارس وهو يشتعل : بس لا تطول يبه كلمها ..
"بحب" كفايه الايام الي فاتت ضيعتها وانا انتظر ..مابي اضيع وقت
ابي اخطبها واتزوجها


ابتسم ابوه وهو مبسوط ...فارس اليوم غير عن أي يوم لاول مره يصر على شئ
وهو متحمس ومستعجل كذا ...لاول مره يحجس فعلا انو في شئ متمسك فيه ....
حس بفرحه وسعاده ...

فهم الكلام الي بعين فارس ...لمعه الحب الي يشوفها بعين ولده ...
ولده عااشق وغرقاان بالحب للنخاع...طيحته اخت نايف ..
ومحد سمى عليه...


خرج من مكتب ابوه وهو وده يصرخ من الفرحه ...مشى خارج من البيت
لمح الريم الي واقفه عند الدرج تطالعه ...
طنشها ومشئ خارج من البيت وابتسامه عريضه على وجهه طلع جواله من جيبه ...
دور بين الارقام على رقم الرغد ...حبيبته ...

كان يبي يبشرها ويقول لها ماقدر يصبر
اكثر لكن خاب امله لما ماشاف رد منها ..


كتب رساله " رغدي ..اشتقت لك ياروح فارسك ...ماعدت اتحمل الانتظار ...
انا كلمت اهلي وراح اجي جده قريب اخطبك من اخوك ..."



تم الارسال ....كان متحمس ينتظر ردها ..
اتصل على خالد اقرب صديق له من بعد رغد يبي يبشره ...ويشاركه فرحته ...
خصوصا انه راح يتزوج بنت عم زوجته ...






ماعاد بدري ..قلت لي وش تحرى
ذابت نجوم اليل من جمر الاهات
ماعاد بدري تدري العمر مره
سرقت سنينه مننا كيف لحظات


















يتـــــــــــــــــــــــبع