الشــــــــــــرقيه ...
بيت ابو طـــــارق
كان كل واحد منشغل عن الثاني مرام مع خالد بالمجلس جالسين يسولفون
ويخططون لعرسهم الي حددوه بعد شهرين وهذا كان قرار ابو طارق
كفايه الهموم والاحزان الي عايشينها يبون الفرح يدخل بيتهم .........
غرام جالسه مع صديقتها امل و رولا جنى معهم ...
خلال الايام الماضيه صارت بينهم صداقه حلوه رغم ان جنى ماتتكلم ......
ام طارق بغرفة طارق ...من صحى ورجعوه البيت وحالته تعور القلب
الضحكه اختفت من حياتها ....مو هاين عليها بكرها بهذي الحاله عاجز عن الحركه ...
ذبلت زهره شبابه بين ليله وضحاها ......
مانطق ولا بحرف واحد وهو بحاله طبيعيه من صحى..
كانت نظراته وكأنه ميت مو كائن حي يتنفس وعايش ..
ينقلونه من مكان للثاني بالكرسي المتنقل هادئ ...
وان تكلم كان يصرخ ويعذب الي حوالينه ...
وهو مو مستوعب الوضع الجديد الي هو فيه حاليا...
حتى اكل ما ياكل وعايش على الادويه والفيتامينات وهذا الي متعب امه..
بالمجلــــــــــــس ...
مرام بخجل بعدت عنه وهي تحذره: خلودي بطل عااااااد ..
ترى اسيبك لحالك فالمجلس و اروح غرفتي
خالد بهيام وهو يبوس كفها : روح خلودي عيون خلودي ...ليش كل هذا الحيا انا زوجك ...
مرام ووجها صار طماطم : لا تفتح زي دي المواضيع الا لمن نتزوج
خالد بسخريه : اجل احنا جالسين مع بعض بصفتنا ايش ياروحي ؟؟؟ اخوان .....؟
"بجديه" مرام ياقلبي احنا متزوجين ومافيها شئ لو تكلمنا
عشان كل واحد يتعود على الثاني ويروح الحيا شوي شوي...!
ازداد احمرار خدودها ...جرئئ جدااا ...بشكل مو طبيعي
وهي خجوله بشكل مو طبيعي مي عارفه كيف تتعامل معاه
وهو بين كل كلمه والثانيه يحرجها ....هذا غير عن حركاته الي مايبطلها ...
قرب منها بحالميه وباس رقبتها بجرائه زي عادته ...
بعدت عنه باارتباك وخجل شوي تبكي وهي تتنفس بصعوبه : خلووود بس خلاص
راح تفضحني مع اهلي لا تسوي كدا ...حرام عليك تعرف اني استحي ...
خالد ضحك بخبث:هههههههههههه وانا مو مطير عقلي غير حياك ..تصدقين عاد !
مرات احس اني اسد متوحش وجوعان... وانتي ارنبه بيضاء وحلوه ...فريسه ماتتفوت ..
تمشي قدامي واغراء لا يقاوم ..
"عض شفايفه بمكر وهو ميت ضحك على شكلها البريئ المرعوب"
ماقدر اتركك بدون مااكلك ...
خافت من كلامه وبلعت ريقها :تاكلني ....
خالد وهو خلاص بيفطس ضحك : أي اكلك ..
"مسح على كتفها العاري ويده الثانيه لافها على خصرها " حتى جسمك لين
وبشرتك زي الزبده....
وقفت وهي تبلع ريقها رجعت شعرها ورى اذنها ولونها شحب فجأه
بعدت جهه الباب : اااا اناااا برووح اجيب الشاااهي..
وقف بسررعه ولحقها قبل تخرج وهو يضحك بصوت عالي من كل قلبه
حتى انقلب ضحكه لكحه قويه ..شرق من كثر مايضحك ...
سحبها وجلسها بحضنه وشد عليها بالقوه ..اخذ كاسه المويه وشرب ..:ههههههههههههههههههههههههههههه كح كح ااه ههههههههههه
ااااااه "شرب مويه" من زمان ماضحكت كذا ههههههههههههههه
الله يخس ابليسك ياشيخه ههههههههههه خفتي اكلك هاااا "عض اذنها بشويه قوه"
لوت شفايفها وهي تتألم من عضته : اااااي يامتوحش بعد والا انادي لك بابا
ضمها من ورى وشفايفه تهمس بااذنها ووجهه فشعرها : يااااااااه ياروح بابا انتي ..
"همس وشفايفه تداعب اذنها " تدرين اني احبك...
مرام بحيا همست : وانا كمان احبك ...
لعب بخصلات شعرها وهو يلصقها فيه بقوه وتملك ...همس : مادامك تحبيني لا تقولين استحي ...مابى أي حاجز بيني وبينك ...
"لمها لحضنه اكثر " ابى اعرف كل شئ تحبينه وكل شئ تكرهينه كل شئ تتمنينه ..
كل شئ ابى اعرفه ....
"طبع بوسه على رقبتها و ابتسم بخبث وهو يحرجها " حتى وقت تجيك الـ ........
دفته ووبعدت عنه وهي تصرخ و مغطيه وجهها بكفوف يدها بحيا : خااااااااااااااااااااااالد
دمعت عينه من كثر الضحك :ههههههههههههههههههههههههههههههههههههههههههههه
ياحياااه خااااااااالد
لفت وجهها عنه وهي معصبه جلست على طرف الكنبه : انت ماتنطاق ليش تحب تحرجني ...
ادري اننا متزوجين شرعا وعادي ومو غلط... بس ..ااا ..اام ...يعني اااااا انت تعرف
ابتسم من قلبه وهو يشوف كيف تتكلم بحيا ومتلبكه وهي شابكه يدينها ...
رافع حواجبه بااستنكار ... ورحم حالها بيجننها اليوم بكلامه : طيب ياروحي ..
مادامك عارفه اننا متزوجين خلاص وعادي لو سوينا اكثرررر من مجرد الكلام والبوسات ..
.الي مستحيه منها ...كيف اخليك تقتنعين؟ ...ايش تنتظرين اكثر يصير ...
"سحبها من جديد وجلسها على رجله وهمس".. اشيلك غرفتي عشان اثبت لك .....
"غطت وجهها الي ضرب الوان" : خلاص استنى لما نسوي الحفله واجي ببيتك
وماراح اردك بشئ ..
شال يديها عن وجهها وهو يشوف احمرارها ...باس خدها ووهو يتأملها ...
عيونه تلمع بعشق لا محدود ...
بريق عينه اسرها وهي تتأمل وجهه ومشاعرها وعواطفها بحاله عاصفه ...
قدر خالد يملك قلبها بوقت قياسي ماقدرت الا تركز نظراتها بعينه ...
خالد بعشق : وانا راح استنى ذا اليوم على نار ..."مسح على خدها برقه"
متى يا مرام تنورين بيتي وحياتي ..متى اشوفك بالابيض ...
متى تنامين بحضني واصحى على صدى صوتك ...
"همس بهيام وهو ضام وجهها بين يديه " متى تصيرين ملكي بكل مافيك ياحبيبتي ..
دخلت وجهها بحضنه وهي تتخبى من سحر نظراته العاشقه
والي بتوصلها لحافه الغرق ...درجه حرارتها ارتفعت عن المألوف
من الاحراج والحب الي بدا يغلى بدمها ...
تنهد من قلب وهو ضامها : اااه متى ...قوليلي لمتى اصبر ...
همست وراسها بصدره : قريب خلودي ...شهرين بس ...
خالد :يارب عديها بسرعه
اندق الباب فجأه بعدت عنه بسرعه ولونها انخطف
عدلت ازرار بلوزتها الي خربها خالد بشقاوته ..وهو عدل نفسه وهو مغتاظ
من التطفل الي قطع عليه الجو الشاعري الي كان عايش فيه مع حبيبته ....؟
اكيد هذا نواف مافي غيره يحب ينكد عليه ويستقعد له كالعاده ...
من يوم خطب مرام وهو ماينبلع .....كل مايجي يدخل يجلس عندهم ...
مايسعفه الا عمته نوره تدخل وتسحبه مع اذنه يوم يزودها ....
مسوي فيها اخو العروس الي يغار عليها..يجلس يراقب حراكتهم ...!
لكن خابت كل توقعاته اول ماشاف ابو طارق يدخل المجلس ..
وقف بسرعه وانقلب كاينه دفعه وحده .....قرب منه وسلم على راسه وهو مبتسم
وبقلبه نيه وكأن ابو طارق وصل بوقته ....
ابو طارق بااحراج وهو يشوف وجه مرام الاحمر: ان شاء الله ماااحرجتكم بجيتي ؟
غمز له خالد : لا ياعمي مافي أي احراج ..تفضل اجلس
جلس على الكنبه المقابله لهم وهو يسمي بالرحمن ...وقفت مرام وصبت له فنجال قهوه ..
مدتها له وهي مستحيه: تفضل يا الغالي
اخذ منها الفنجال وهو يشوف حبيبه قلبه كيف كبرت وصارت عروس
بان الحزن على ملامحه ....مو متخيل انها بعد شهرين بتتركهم وتروح بيت زوجها...
صعبانه عليه بس هذي سنه الحياه وهذا نصيبها ونصيب كل بنت عاجلا ام اجلا: زاد فضلك ياقلبي ......صبي لزوجك كمان ...
التفتت لخالد شافته مبتسم وهو يراقبها .. قربت منه وصبت له بفنجاله ..
مدت له الفنجال : تفضل ...
اخذه منها وضل ماسك يدها نزل الفنجال عالطاوله ...
رفع يدها وطبع قبله عليها وهمس : تسلم لي ذي اليد.... حبيبتي
سحبت يدها بحيا وهي تلمح ابتسامه ابوها ودها تعطيه كف ..
يحب يحرجها ماقالت شئ بس مو قدام ابوها عاد !
جلست على الكنبه المجاوره له وهي تنتقل ببصرها بينه وبين ابوها ...
بدا ابوها الكلام وعلى وجهه الوقار ...
ابو طارق : ها كيفك ياولدي ياخالد ...وكيفهم اهلك
خالد : الحمدلله كلهم بخير والوالد يسلم عليك كثير السلام ...
والحمدلله على السلامه متى رجعت من جده ؟
ابو طارق ارتشف من فنجاله : الله يسلمك ويسلمه من كل شر ...
ماكملت اسبوعين من جيت...زرت عيال اخوي وتطمنت عليهم
والحمدلله بااحسن حال لقيتهم ...
رفع حاجبه وهو يستوعب كلام ابو طارق ...كان بجده عند نايف واخته .....
توقع انه راح يشوف اشغال له بجده ...
خصوصا بعد مااخذ مكان طارق بالشركه ....
لكن ماجا بباله ابدا انه رايح يشوف رغد بعد الي صار بينهم ....
حس براحه من زمان ماحس فيها ....الامور كل مالها تتحسن ....
بااستثناء وضع طارق الي موجعهم كلهم ..لازم يطمن فارس بهذي الاخبار
اكيد راح يفرح ويستانس وهو الي جالس على نار من بعد اخر رساله رسلتها له رغد ...
ابو طارق : ماقلتولي ايش صار على تجهيزاتكم للزواج ..؟؟
خالد سوى نفسه ضعيف : اااه اخيرا جبت الموضوع كنت باافاتحك فيه من زمان ...
"اشر على مرام وهو منزل حواجبه ببراءه " شوف ياعمي بنتك الشريره
ماتباني ازورها برمضان قالت لي حدك ذي الاسبوعين بس ...
تبي تحرمني منها شهر كامل المفتريه ...
تمنت الارض تنشق وتبلعها ولا يفاتح ابوها بهذا الموضوع قدامها ..
ماراح تسلم من كلمه تفشلها ..."طالعته بوعيد" هين ياخويلد دواك عندي..
ابو طارق ضحك غصب عنه :ههههههههههههههههههههههه الله يروجك ياشيخ ..
احسب في شئ خطير صار ..طبيعي ماتشوفها قبل الجواز وفرحكم يوم 6 فالعيد كذا كل الناس
مرام باانتصار : ايوا قول له من صبح وانا افهمه بس مو راضي يفهم ....
خالد بقهر وهو يشوف نظراتها : ايوا انا ماافهم حرام عليك رمضان كله مااشوفك
اذا انتي قاسيه انا قلبي مايتحمل ابعد عنك ثلاثين يوم
غمز له ابو طارق:هههههههههه .. انت ناوي تفطر شكلك ...تفرغ لعبادتك وحاول ماتفكر
..لو قابلتها برمضان عز الله راح صيامك وانا ابو طارق ... كلها ثلاثين يوم تحملها...
تمنت ابوها مايفتح فمه بكلمه ...فاهمه قصده وهذا الي مخلي خالد مبسوط
وهو يشوفها تتلون وماتقدر تقول شئ ....
خالد بضعف: انا فاهمك ياعمي هو بنتك خلت فيني عقل ؟ والله شهر كثير
لو قالت العشره الاواخر يمكن اصبر بس مو كل رمضان ............
لا يكون عمتي سوت فيك كذا يوم تزوجتها ؟؟
ابو طارق وهو يرجع بذكرياته لايام زواجه : اااه زمان غير ياولدي ...
عمتك اخذتها بيوم ملكتنا ملكنا وتزوجنا وشلتها بيتي ...
خالد عجبته الفكره: والله زمانكم كان حلو وكل شئ بسهوله
تبى تتزوج دق الباب وخذ حرمتك ....
ابو طارق : كانت زمان حياتنا بسيطه مو زي دحين كل شئ تغير ...
صار في ملكه وشبكه وفرح ومو بالساهل الواحد يتزوج
خالد بجديه: أي والله وانت الصادق ياعمي صعبو علينا كل شئ
..."التفتت لمرام" ....ليش مانسوي زيهم ....
رفعت حواجبها : لا والله
ابو طارق:ههههههههههههههه شكلك مستعجل ياولد اركد
خالد من قلب : مرررررره مستعجل الله يصبرنا بس ...
ابو طارق بحب: الله يهنيكم ويسعدكم
خالد + مرام: امين يارب ...
وقف خالد وهو يشوف الساعه : يالله ياجماعه انا مضطر اخرج
عندي موعد مهم مع واحد من العملاء ...
مرام حبيبتي لا هنتي نادي لي جنى ابي انزلها البيت بطريقي...
مرام : ان شاء الله ......
التفت لابو طارق :يالله مع السلامه ياعمي اشوفك بخير
ابو طارق : مع السلامه ياولدي ...درب السلامه مرام وصلي زوجك للباب
خرج من الغرفه وخرجت توصله للباب على امر ابوها ..
ضل ابوها بالمجلس متقصد يبغاهم ياخذون راحتهم ......
قرب خالد منها وصافحها : مشكوره ياقلبي ..
"باس خدودها وضمها على خفيف همس لها بشويش" حتوحشيني
مرام همست بخجل وهي تشد على يده : وانتا كمان ...انتبه لنفسك
قرب منها خالد وهو يحوط وجهها بكفوفه : وانتي كمان انتبهي لنفسك
"باس شفايفها برقه وبعد " يالله في امان الله ياعمري
مرام بحيا ولسه متخدره من بوسته : مع السلامه حياتي
خرج وهو مبسوط ركب سيارته وشغل الراديو كانت اغنيه مزح ولعب
وكانت بصوت ماجد المهندس ....ابتسم وهو يدندن مع الاغنيه ينتظر جنى تنزل
ومافي بتفكيره ....الا مرام ....
توحشني وانت بجنبي ...واشتاق لك لو تغيب
واحسد عليك حتى نفسي....واخشى يمسك غريب
واخجل اذا جات عيني... صدفه فعينك واصير
مربوك وحاير في امري... من فرحي ابغى اطير
من بعد مزح ولعب ...اهو صار حبك صحيح
اصبحت مغرم عيونك ...امسيت وقلبي طريح
والله يا اغلى عمري ..في عيوني مالك مثيل
تساوي الروح وتغلى ..وتكون عنها بديل
ترنم بصوت ماجد المهندس العذب ...ابتسم على المقطع الثاني
"واخجل اذا جات عيني صدفه فعينك " ...
حس بالضحكه تجيه لحظتها لانه ابعد مايكون عن الخجل وهو معها ...
بالعكس تكون هي بقمه خجلها وهوم بقمه الهيام والجنون ولا يحسب لتصرفاته ..
الحب يسيره وتهوره وعنفوان شبابه
حاسس انه وصل بحبه لدرجات الجنون ........
سكرت الباب وهي تشوفه ماشي لسيارته ... تذكرت جنى لوهله ....
نسيت انه طلب منها تنادي اخته ....هو اساسا مابقى فيها عقل ...
طلعت السلالم بخفه ...تخيلت كأنها شافت طيف قدامها ...لكن ماشافت شئ..
تعوذت من ابليس وكملت طريقها ....
سمعت اصوت ضحكات عاليه ومكتومه من الغرفه ورجه..... ابتسمت على خبالهم ...
تمنت انها معهم من زمان اكيد انبسطو مع بعض ......
من بعد سفر اصحابها عنها افتقدت المه والجمعه ...
اشواق لجزر المالديف ... ورنا لاسبانيا شهر العسل ...ورغد بجده ...
وافنان تكمل الدراسه بكندا وانقطعت عنهم نئائيا الله يسعدها بحياتها ..
وهديل وزوجها رجعو ايطاليا ومافي أي خبر عنهم ....
الكل رحل عنها تاركينها بنفس نقطه بدايتها ....
ضلت وحيده مالها انيس غير اهلها وخالد الي مالين حياتها عليها ...
ماتتمنى شئ غير كدا .... ربي يخليلها اهلها وخالد حبيبها ...
وانها تجتمع مع كل احبتها البعيدين ولو مره وحده بحياتها ....
قربت من الغرفه وفتحت الباب فجأه وعلى وجهها ابتسامه عريضه : هاااااااااي
يا احلللى صباياااااااا
التفتت لها غرام وهي مرتبكه رسمت اابتسامه عريضه مبتهجه على وجهها : هلاااااااااااا مراوي اقلطي اقلطي على قولت رولا خلينا نكمل فلتنا
مرام استغربت اشكالهم ...كانت وجوههم محمره من كثر الضحك : ههههههههههههههه
وش جالسين تسوون شايفه ضحككم لتحت واصل
رولا شهقت بحركه تمثيليه : وووااااي وخزيااااااه يافضيحتي عند العرب
صج زوجج سمع صوووتي ...
مسكت غرام فمها ماتباها تفضحهم ...: ههههه لا يكون ازعجناكم
امل تكمل معها : ياووويلي ...ترى انا ماتكلمت هاذي اختك ورولا
انا وجنون ساكتين ماسوينا شئ
ابتسمت جنى برقه ...مع انها ماتتكلم لكنهم ابد مو محسسينها بشئ
يلعبون ويسولفون وكأنها مثلهم تماما ...
مرام: هههههههههههه مرجوجين ..مدري ليش حاسه وراكم سالفه
بس ماعندي دليل على الجريمه ...
رولا بخبث : احنا بريئين مانعرف شئ فديتنا ...مدري من المجرم هنا .....
لا وافلام هنديه بعد ....
غرام بخبث اكبر : الا افلام مكسيكيه وانتي الصاااادقه ....
رفعت حواجبها وهي مو فاهمه شئ : الا فين لجين مااشوفها معكم ؟؟
غرام: لجوون ماجات عندهم ضيوف وماقدرت جي
مرام : اهاا ...يالله خيرها بغيرها
تكتفت غرام بااستهبال : وانتي اخيرا اعتقك حبيب القلب .....
رولا غمزت : أي والله صج مابغى يفكج لكم اربع ساعات وايا بعض
صج مامليتوو ماخلصت سوالفكم ...
امل بمكر: لا دولا متزوجين ماتخلص سوالفهم لين بكره لو تبغين ...
"غمزت لمرام" ان شاء الله انبسطوو مع بعض بس ...
مرام بحيا والاحمرار رجع لوجنتها : عييب اموووله
امل :هههههههههههههه انا ماقلت شئ بس الي على راسه بطحه هع
رولا بخبث وهي تغمز للبنات : انا لاعت جبدي من الي جدامي يلعبون وانتي مامليتي منه
هب هب عليه وش مسوي فيج ..
فتحت مرام عينها بقوه : تف تف من عينك صلي على النبي
لا يصير فزوجي شئ بعد قلبي ...
رولا : ههههههههههههههههههه اللهم صلي وسلم عليه ..."خبطت كتفها وهي تغمز"
لذي الدرجه تحبينه ماخلاج حتى عند الباب الي مايستحي مسوي فلم مكسيكي للكبار فقط
امل بحسره: ارحموني... قلبي العزوبي الصغير لا يتحممممل
مرام ترقع : انتو وش تخرفون ..الظاهر العصير الي شربتوه فيه شئ منتو صاحيين ...!
.ايييييييي جنوون اخوك يستناك تحت قال لي اجي اناديك ...
امل :هههههههههههههههههههههه رقعي رقعي
غرام شهقت بقوه : مرااااااااااااااااااااااام ايش هذا على رقبتك !
ياويلي ويلااااااااااااااااااااااه وصل اجرامكم للرقبه
انتبهت لازرار بلوزتها كان مفتوح طااح وجهها طيحه اليييمه ....
حسبي الله عليك ياخالد فشلتني ...
طلعت بره الغرفه بسرررعه وهي شارده من تعليقاتهم الي ماراح تفكها
وهم انسدحوو ضحك على ردة فعلها ...مستحيه وطاحت بيت بنات مايستحون على وجوههم ....
رولا: هههههههههههههههههههههههههههههههههه ياقلبي انا استحت اختج
حرااام وايد احرجناها مسكينه
غرام مسحت دموعها الي نزلت من الضحك :هههههههههههه محد قال لها تصير مايعه كذاا
وين مرام الثثثقل اشوفها خقت مع خويلد
اشرت لها جنى بمعنى "حدك الا خلوودي"
غرام : عششششتو نسيت اخته المززه هنااا متأسفين جنون نمززح
بس اخوك الصرااحه جررررئ مرره شفتي بعينك وش سووى
ابتسمت جنى وخدودها حمرت .........
رولا :ههههههههههههه لا اوصيج لا رحتي البيت جننيه مثل ماسوينا بمرام
اشرت لها بمعنى "ابشري "
امل حطت يدها على خدها وهي تتأمل الجدار بحالميه وصورت فهد بمخيلتها: وااااااااااي
متى يصير معايا زيهاااااااا
دفتها غرام : اسسستحي يابنت وقدامنا كمان ؟؟
امل بجرءه : أي عادي قدامكم ووراكم كمان ...
رولا وهي تطالعهم بزريه : الي اختشوو ماتوو ....
امل رفهت حاجبها : ارحميناااا بس يا المؤدبه ...
ابتسمت جنى على خبالهم وطلعت ورقه ..كتبت فيها ...
"اليوم مرره انبسطت معاكم يابنات الله يسعدكم "
اخذت غرام منها الورقه وقرتها بصوت عالي وهي تبتسم ..
ضمت جنى بمحبه : ويسعدك ياحبيبتي انتي واحنا كمان مرره انبسطنا بوجودك معنا جنون
سلمو عليها البنات واتفقو يتجمعون قريب وماراح تكون اخر مره
ودعوها وهي خرجت بعبايتها من الغرفه بتروح لخالد ...........
نزلت الدرج بسرعه وهي تسكر ازرار عبايتها وطرحتها على اكتافها ...
الي تعرفه ان طارق مريض وبغرفته وابو طارق مثل ابوها ماتتغطى عنه
ونواف بره البيت كانت تنزل وهي مبسوطه وابتسامه عريضه مرسومه على وجهها ...
وصلت لاخر درجه وماانتبهت للمويه الي عليها ...بسبب حركتها السريعه زلقت رجلها
وطاحت على وجهها طيحه قويه ...
كان دوبه داخل البيت بعد رجوعه من بيت واحد من اصحابه
انصدم بالمشهد الي شافه اول ماطاحت جنى على الارض ...
ركض لها مفجوع وحاول يساعدها توقف حس بحزن عليها وعلى شكلها
كانت دموعها مغرقه وجهها ومالها صوت ابدا
يدها على جبهتها الي صارت حمراء الطيحه ماكانت سهله ...
سندها على يده لحد ماوقفت : بسم الله عليك ..في حاجه تعورك
هزت راسها بالنفي ودموعها تنزل بغزاره ....
نواف بقلق وهو يشوف وقفتها غير متوازنه : تقدرين توقفين ؟
عدلت وقفتها وهي تهز راسها ايجاب ...استغرب ليش ماتكلمت؟
اكيد مفتشله منه... حس على نفسه البنت تبكي ومنزله راسها وهو يطالع بدون حيا ...
غض بصره عنها حتى غطت شعرها وتحجبت....
سوت حركه بالاشاره بمعنى "شكرا"
لكنه مافهم عليها ..مايدري بحالتها وهذا الي حسته من نظراته ...
شافها تمشي بشويش تحاول ماتبين المها ثبتت طرحتها على راسها بدبوسها الي انفك
مشت خطوتين جهه الباب وهو يتأملها كيف تمشى ....
كانت ثقيله انلوت رجلها اليمين مع الطيحه الي طاحتها وتألمها لما تدعس عليها...
لحقها وسندها بدون مايتكلم ..مشى معها لحد ماخرجو من بوابه البيت ...
نواف : في بتروحين خليني اوصلك ..ماتقدرين تمشين كذا
اشرت على سياره خالد الواقفه عن بعد مسافه بسيطه ...
اول ماشاف السياره عرف خالد وخمن ..اكيد هذي اخته ...
سمع غرام وهي تتكلم مره وقالت عنده اخت ....
ساعدها لحد ماوصلت لباب السياره
شافهم خالد لما قربو نزل وهو مفجوع : نواف وش صاير ؟؟
نواف: كنت داخل البيت ولقيتها طايحه شكلها تزحلقت ..لا تخاف ماعتقد في شئ خطير
بس وديها المستشفى تتطمن اكتر
خالد شاف وجهها كيف منفوخ ومحمره جبهتها : ان شاء الله ...ماقصرت جزاك الله خير يانواف
نواف : واجبي يالنسيب يالله نسلم عليك
خالد : في امان الله وحفظه ...
تركهم ورجع للبيت بدون مايلتفت للواء ... ماينكر انها جميله يمكن اجمل بنت شافها فالواقع
لكن بنظراتها حزن الدنيا كلها ....تكدر خاطره على شكلها وهي تبكي
حس قلبه يفز ووده يمسح دمعتها ...
يـــــــــــــــــــــــتبع ....