بيت ابو طارق
وقف بتكاسل فتح الباب وكان بيتكلم ...
لكن ضاعت الكلمات اول ماطاحت عينه على الزائر ....................
: مافي تفضلي يامحمد .........................
ابو طارق بصدمه : كاتريــــــــــن .........!!!
كاترين انصــــــــــدمت هي الثانيه اول ماشافت الشكل الجديد لطليقها
ولزوجها سابقا متغير كثير عن اول حتى وجهه منور : أي ياا محمد كاتي حبيبتك رجعت ...
سكت وهو مو عارف ايش يقول بعد ماشافها نزل عينه وماتجرء يرفعها ...
صارت طليقته ومو حلال له يطالعها ..
ابتسمت وهي تتأمله ...طالع احلى وهو مربي الحيه
وباين عليه تارك التدخين والمعسل من وجهه الي صار مصتصح
حتى اسوداد شفايفه اختفى سبحان الله نور الايمان محليه من كل النواحي
صحته صارت احسن من قبل و حياته تغيرت 180 درجه ....
رغم انها ماتخيلته بلحيه ابداا .....
قربت منه وهو ما ابتعد خطوه وحده على ورى ومنزل نظره عنها
مايبى أي احتكاك بينه وبينها ...
كاترين رفعت حواجبها وهي مو عاجبها الوضع : ماراح تخليني فوت عــ بيتك
لك عيب عليك ياابو طارئ
ابو طارق بجديه ::..ام رامي ايش تبغين جايه بعد كل هالفتره ؟ .....
كاترين تكتفت : يعني راح ضلني واقفه على باب بيتك والا شو
بدك نحكي وانا واقفه هيك ؟
ابو طارق : مااقدر ادخلك الا اذا رضيت صاحبه البيت تدخلك ....
انقهرت من بروده ...توقعت انو يفرح بجيتها : يعني رجعت لمرتك الاولانيه ماا ..
لهيك مابدك ياني فوت وخرب عليكم
لك انا ماخليت مكان بجده مادورت عليكن فيه وتعبت لقدرت جيب عنوانكم هوون
ابو طارق بهدوء : اقصري الشر يا كاترين ...وارجعي من مكان ماجيتي
الي صار لي كفايه لا تزودينها ....
كاترين رفعت حواجبها: وانا شو دخلني بيلي صار معك
انت ظلمتني وظلمت حالك وفوق كل هاد عم تطردني
ابو طارق بعصبيه: مو انتي طلبتي الطلاق ..خلاص طلقتك ....!
روحي كملي حياتك زي ماتبين مع رجال بعمرك
كاترين صرت على اسنانها وبروده معاها قاتلها : بس انا بدي ارجع لك اساسا
كل الي بدي اياه اولادي يامحمد .....مو من حقك تبعدني عنهم
ابو طارق بسخريه : عيالك هههههههههه دوبك جايه تبي عيالك
تركتيهم وهم صغار بحاجتك ولا سالتي عنهم دحين افتكرتيهم وجايه تبينهم
كاترين بقوه : انا تركتهم بس مو باارادتي
ماكان معي مصاري لاصرف عليهم وربيهم لان حضرتك ماتركتلنا شئ
بس هلا انا بدي اياهم ومابيهمني لا مصاري ولا أي شئ ..بدي اولادي وبس
ابو طارق بفتتح عينه على الاخير وانفجربوجهها بقهر: دحيـــــن انا ماتركت لكم شــــــئ ؟؟؟
مو انا الي كنت طايح فالمشــــــــاكل ومديــــــــون ومحتاج احد بــــــس يوقف جنبي
وانتي هلكتيني مصــــــاريف ...ويوم خلصت فلوسي تخليـــــــــتي عني
لا وكمان اخــــــــــدتي كل شئ حتى نفقه طالبتيني بــــــها وانا بعز ازمــــتي
ورحتي لبيــــروت ؟طـــــاوعتي امك ومالتفتي لـــــــي...وتقولين انا ظلمتــــــــك !
اي ظلم هذا الي تقولين عنــــه... لو وقفتي جنبي وقتــــها ماكنت راح اجحدك ياكاترين
مهما كان انتي كنتي زوجتي بغض النظر انك التانيه
بس انتي ولا حتى التفتي لعيااااااااالك ......... جايه بااي حق تقولين عيـــالي هااااا
نزلت دموعها وكانت صادقه وهي تعترف : انا غبــــــــيه ..انا هبــــــــله بعرف
بس شو اعمـــــل ماكنت بعرف شو ســـــاوي امي عم تضغط عليي
وانا مابقدر مابسمـــع كلمــــتها
لف وجهه عنها : مو عــــــذر ....
تمسكت فيه ودموعها تملى عينها بندم وصدق : انا اسفه يامحمد ببوس ايدك
وببوس رجلك بس سامحني ...بعرف اني غلطت بحقك وكنت هبله
وانا مااجيت لهون لخرب عيشتك انا بس بدي شوف اولادي ....
ابو طارق بقسوه : مالك عيال عندنا ارجــــــعي من مكان ماجيتي ...
تمسكت برجله قبل يدخل ونزلت على ركبها وهي تبكي من قلب : لااااااااااه محمد
كرمـــال الله لاا تعمل فيــــني هيك لا تحرمـــــني منهم بترجـــــاك
طنشها ودخل وكان حيقفل الباب بس وقفو صوت ام طارق : استـنى ....
التفت مصدوم وهو يشوفها واقفه على الدرجه
ومعاها رامي بحضنها .............حس انو انبكم ...
اصواتهم كانت عاليه وسمعتهم ....
نزلت بهدوء وهي لسه بمسفع الصلاه ..
ام طارق بقوه حضنت رامي وهو تمسك فيها : انتي ليش جيتي ...؟
ايش تبغين منا بعد كل دي الشهور ؟
قربت منها كاترين وهي تبكي : مابدي أي شئ منكن
بس بدي شوف اولادي لا تحرموني منهن
ابو طارق عصب منها وسحبها من عبايتها : قلت لك اخرجي برررره
مالك عيال عندناااا انسيهم
وقفته ام طارق وهي تفك كاترين من بين يديه : سيبها ...خليني اسمعها
ابو طارق : بس يا نوره انتي ا.....
قاطعته وتكلمت وقلبها يتقطع وهي تشوف رامي متعلق فيها ومايبى يبعد : مهما كانت المشاكل بينكم ...انا مااطرد احد من بيتي بدون سبب
دخلت كاترين ووقفت قدام ام طارق ودموعها تنزل بغزاره : انا اجيت بدي اولادي ياام طارئ ...
انتي ام والكيد بتعرفي شو يعني ام ...
ام طارق دمعت عينها :وانتي مووو ام لهم ...مادامك تبينهم ليش تركتيهم ؟؟؟
ليش تخليتي عنهم ؟؟
كاترين : كنت جدبا وغبيه ومابفهم هلا حسيت بغلطي ...
بترجاكي خليه يرجعلي اولادي والله مابقى لي أي شئ بالدنيا غيرهم
ابو طارق بحقد : لو تموتين ماراح ارجعهم ...
مكان ماجيتي ارجعي عيالي مايتربون مع وحده زيك
كاترين صرخت بوجهه : ليش هيك انا بعترف اني غلطت
ليش بدكن تحرموني من اولادي حرام عليكم مابتخافو من الله ...
"التفتت لام طارق وسحبت منها رامي " : وانتي شمتانه فيني مااا
يا بترجعولي اولادي يابااشتكيكن عالمحكمه
بكى رامي بحضنها وهو يحاول يفلت ..
سحبه منها ابو طارق ورجعه لزوجته الي باين عليها كاتمه بقلبها .....
ابو طاارق : قلت لك مالك عيال هـــــــــذي بس ام عيالي يالله انقلعــــــي بره
كاترين : مابخـــــــرج بدون اولادي يامحمد رجع لي اولاااااااااادي
فتح الباب وسحبها من عبايتها خرجها بالقوه وسكر الباب ....
تنهد من قلب وهو يشوف ام طارق واقفه وضامه الولد
ودموعها تنزل على خدها ...
ماتحمل يشوف دموعها مشى ناحيتها ومسح خدها ...
ابو طارق بحنيه: لا تبكي ياقلبي مستحيل اخليها ترجع دي الكلبه وتزعجك
والاولاد ماراح يخرجون انتي امهم الي ربتهم ...
ام طارق بكت وهي مو متحمله ولا متخيله تبعد عن الاولاد :بتضل ام
وانا مابي احرم ام من ولدها يامحمد مستحيل تخليهم ...
ابو طارق : بس انتي الي ربيتي وقت هي اتخلت عنهم ...
دوبها افتكرت انو عندها عيال محتاجين لها ؟
ام طارق حاولت تتمالك نفسها وماتكون انانيه : اذا هي قلبها طاوعها ليش نكون زيها ....
لسه عندنا قلوب وادا رب العباد يغفر احنا مانغفر خطى ...؟؟
ترى الي سوته احنا يمكن سوينا اكتر منو يكفى بنت اخوك الي ذنبها برقبتنا كلنا
انت غلطت مثلها وكلنا غلطنا بحياتنا
سكت وماعرف ايش يرد عليها ....
شالت الولد وطلعت الدرج متوجهه لغرفتها وهي حاسه بوجع بقلبها
وخوف انها تفقدهم بعد ماصارو قطعه منها ....
اما ابو طارق ماانتظر دقيقه وحده اتصل على المحامي
وهو مصمم يخلي الحضانه له ماراح يسمح لها تدمر حياتهم .......................
كـــــــــــــاترين
بكت بقهر بعد ماطردها طليقها ...ماتصورت يتعامل معاها بمثل هذي العدائيه
لكن دوبها حست بالي سوته ..........هي مو بس تخلت عن عيالها
هي تخلت عنه وهو باامس الحاجه لها ....
وبتصرفها خسرت وقوفه بجنبها وكسبت حقده وكرهه الي ازداد ناحيتها ...
مشت مو عارفه فين تروح ولا لفين تلجئ ...
بيروت ماتقدر ترجع بعد الي صار مع امها
وعيالها مو جنبها وماتقدر تغلب ابو طارق حتى لو رفعت قضيه ...
مو عارفه ايش الحل ....
كانت تمشي فالشوارع المزدحمه وهي سرحاانه
وبالها كيف تقدر ترجع عيالها قطعت السكه واشاره المرور مفتوحه للسيارات
ومغلقه للمشاه ماانتبهت للبوري ...ولا على صراخ الناس ...
رفعت راسها شافت السياره بوجهها ................
كاترين غطت وجهها بخوف: لااااااااااااااااااااااااااااااااااااااااااااااااا ا
اصطــــــــــــــــــــــــــدام مرووع صــــــــــــار
حـــــــــــــــــــــادث
طارت كــدمه من دمى الاطفال وارتمت على زاويه الشارع
فقدت الوعي ...ودمائها حولينها ...
خرج من السياره وحط يده على راسه ....قرب منها واتجمعو الناس
شافها مرتميه زي الجثث ...
مو ناقص مشاكل كفايه المشاكل الي تعرض لها بحياته ...
والان متورط وصدم حرمه بطريقه ..........
ومايدري لو ماتت بيروح فيها .....................
نزل لمستواها وصار يهزها : يابنت ...يابنت اصحى
الناس صارو يتكلمون ...الي يقول ماتت ...والي يقول ياحرام ...
نزل راسه وحس نبضها .........كان فيه تنفس وهذا الي ريحه ....
اتصل على الاسعاف وخلال عشر دقائق تم نقلها لاقرب مستشفى ...
لحقها وهو يدعي من قلبه انه مايصير لها شئ ....
رن جواله وقتها وكان المتصل اخوه رد عليه وهو يتنهد بقلق : هلاااا
: وينك تاخرت امي تسال عنك ؟
مسح وجهه وهو مو عارف حتى يتكلم : ماقدر ارجع انا في مصيبه الحين
:خير ان شاء الله لا تخوفني ايش صاير ؟؟
جلس على اقرب كرسي : صدمت وحده بالسياره ....ودوبي جبتها مستشفى ........
اخوه : أيـــــــــــــــــش ...........صدمت وحده ؟؟؟
: دا الي صار وانا انتظر الدكتور يخرج يطمني
ماقدر اتكلم دحين والله اعصابي مره تلفانه ...
اخوه : طيب انا دحين جايك ....
: طيب لا تتأخر ..................
خرج الدكتور بنفس الحظه .....وكان وجهه مايبشر بالخير
مشى ناحيته وسأله بقلق : طمني دكتور ....
الدكتور : محتاجه متبرع بالدم ضروري والمشكله زمره دمها نادره
مو موجوده فالمستشفى حاليا ...
تكلم بجمود وقلبه يدقه : أيش زمره دمها ...
الدكتور : o- لازم متبرع بااسرع وقت ولسه المريضه تحتاج عمليه
تأذى الحوض عندها بشكل كبير
ابتسم ووجهه تهلل "جات على ماتمنى ": دكتووور انا زمره دمي زيها
ومستعد اتبرع لها ...
الدكتور فرح واستبشر : طيب تعال سوي التحاليل محتاجين الدم حالا
مشى معاه وسوى التحاليل وهو يدعي ربي يعدي اليوم على خير
والبنت مايصير لها شئ ................
طـــــــــلال & هــــــــــديل
من بعد اخر كلام بينهم ماصار أي احتكاك جديد ...
حاول طلال لكن مااعطته مجال ......دخلت غرفة اولادها وقفلت الباب
رمت نفسها على الكرسي وهي تنتحب ....هي تحس قلبها يوجعها
مو قادره تستوعب طلال يقول لها كذا ....طلال حبيبها وزوجها ...
طلال الي يخاف عليها من نسمه الهوا .......
طلال الي ماتقدر تبعد عنه دقيقه ........
ليش كذا ياطلال ...ليش ....
كلامه معها ذبحها ووجعها بشكل كبير...
ماتوقعت يكون كل هذا بقلبه ......توصل لدرجه الشك ...
الشك لادخل بين الزوجين دماااار ...
وهو شك بوفائها بكلامه..... حتى لو ماقصد ...
من حره قلبه وغيرته قال الكلام هذا....تعرفه اكثر من ما تعرف نفسها
لكن مستحيل ترجع حياتهم طبيعيه وعقله مقتنع بهذا الكلام ...
ماراح يقدر يرجع معها مثل اول الا لو صارت معجزه .....
ولو كان حبه لها يغلب على شكه .....وحتى بهذي صارت تشك!
هي مالها ذنب بااي شئ ...وهذا الي قاهرها ...
كل الي سوته عشانه وعشان اهله...ماكانت تبى تفرق بين الاخوان
يجازها بالشك !..... لو قدر الله وصار الي صار مع طارق ...
ماكانت راح تخبي عليه ...ولو كان يحبها بصدق المفروض مايتخلى عنها
مهما صار ...
اما انه يشك فيها ....وين العداله ...
ضلت طول الوقت بغرفه اولادها ...
صحى عزوز بدى يبكي جوعان شالته وبدت ترضعو ودموعها على خدها ...
حرك يده وصار يمسح وجهها ضمت يده وصارت تبوسها ...
مابقى لها الا عيالها ...
شافت الساعه صارت 8 فاليل ...طولت فالغرفه
اكثر من 5 ساعات وهي مقفله على نفسها ...فتحت الباب بهدوء وخرجت ...
ماكان لطلال أي اثر بغرفتها ولا بالبيت كله ...الظاهر انه خرج
استغلت خروجه ودخلت غرفتها ...جمعت اهم اغراضها وحطتهم فالشنطه
وهي بسرعه ماتبى يرجع وهي لسه بالبيت ...
شالت شنطة ملابسها واغراض للالونه وعزوز
لبست حجابها وحطتهم بعربايه الاطفال سكرت باب البيت ونزلت
خلت مفتاح الشقه فالاستقبال ........وخرجت لبيت امها ...........
طـــــــلال
كانت حالته سيئه وماهي احسن من حالة زوجته ...
طول المده الي راحت وهو بصراع نفسي ...
ابليس يوسوس له ويقول له زوجتك كانت مخبيه عليك ..
اكيد صار شئ والا ليش ماقالت لك ؟ ....
تعب من كثر التفكير ...من ناحيه ضميره يعذبه ...
هديل مو عشره يوم او يومين ذي عشره اكثر من سنه وام عياله
مستحيل تغلط .....صار تفكيره مشوش ومايدري الي سواه صح او غلط
رغم انه توقع يرتاح بعد مايكلمها لكن الضيق زاد بصدره ...
بعد اخر مواجهه له مع هديل خرج من الشقه ...
ماتحمل يضل حاسس نفسه مخنوق ..................
ساق سيارته وهو مو عارف يروح فين ....
هديل لا ريحته بكلامها وهو جرحها بكلامه ...
حس لاول مره انه حمااار وغبي وخرب حياته بيده ...
كل الي يبى يعرفه لييش ماخبرته بمضايقات طارق ...
ليش ضلت ساكته هذا الي ومجننه..... ومطير النوم من عينه....
عمره ماشك فيها وهذا مو بدافع الشك ...بدافع الغيره
عارف بحبها له ...وهو يحبها اكثر من حبها له...
لكن ابليس شاطر ....دخل بينهم ....
بحماقته خسرها ...متأكد انه خسرها ...الي قاله مايتحمله احد
وهو غلط عليها رغم انها عمرها ماقصرت بحقه ...
تقابله بااحسن طله صاينته وصاينه بيته وعياله ...تحبه
وعمرها مازعلته وهو جازها بالاسائه والشكك .....
والسبب الرئيسي اخوه ....
"شتم طارق بقلبه " حسبي الله عليك ياطارق خربت حياتي وحياة زوجتي
الله لا يرحمك ياولد امي وابوي ... والله يجازيك على الي سويته فينا
نتقابل عند الي ماتنام عينه ...."
لفلف بسيارته راح البحر وراح الحديقه بس اخر شئ استقر ...
نزل ودخلت احد المساجد الاقليات الاسلاميه ....
كل يوم يصلي فيه تقريبا ...بس من رجع ايطاليا مادخل وصلى فيه
حس نفسه محتاج يجلس مع نفسه وبمكان تحضره الملائكه ....
يكون قريب من ربه...... يبغى يلقى الراحه النفسيه وحل لمشكلته....
يبغى يعرف الصح فين ....هو غلط بتصرفه او لا .....
مافي طريق يلجى له الا طريق رب العالمين.......
هو الطريق الي بيرتاح فيه ...هو الطريق الي بيرتاح قلبه فيه ....
الا بذكر الله تطمئن القلوب .....
دخل وصلى ركعتين تحيه المسجد شاف كذا رجل يصلون
والي يقراء قران وجو الايمان يعم المكان ....
جلس وفتح المصحف تعوذ من الشيطان الرجيم
وبدا يقرأ ايات من القران الكريم ودواء القلوب وطمأنينتها ...
حس براحه وهو يقراء القران ..
من زمان ماجلس وقرب من ربه ...
من رجع المملكه انشغل باامور الدنيا وقصر من ناحيه الاخره .....
صح يصلي ويصوم لكن كان بعيد عن الذكر .......
يمكن هذا سبب عدم احساسه بالراحه ....وسبب التصرفات الي كان يسويها .....
خلى ابليس يتحكم فيه ...
...خلص جزء كامل قفل القران وهو يمسح دموعه
وابتسامه مرسومه على وجهه .....كل الضيق الي بقلبه زال سبحان الله ....
كان محتاج يرتاح ويصفي ذهنه .....
ومالقى راحته الا بدخوله لبيت من بيوت الله ....
قرب منه الشيخ محمود وسلم عليه : السلام عليكم ورحمة الله وبركاته
طلال وقف وسلم عليه بموده : وعليكم السلام ورحمة الله وبركاته
هلا والله كيفك ياشيخ محمود ..
الشيخ جلس جنبه وحط عكازه ماخفت عليه ملامح طلال المكتئبه : الحمدلله
بنشكر ربنا انتا ازيك ياابني دنا ماشوفتك من كام يوم ؟
خير ياابني شكلك مش مستريح ...
تنهد وهو حاسس بهم : ولا شئ ياشيخ مخنوق وصدري ضايق شوي
افكاري مشوشه ...كنت مسافر ومارجعت الا من يومين روماا
الشيخ ربت على كتفه : الحمدلله على سلامتك ... اتعوذ من الشيطان ياابني
دا هوا الي مسبب لكل الضيق الي حاسس بيه ...
طلال من قلب والعبره خانقته : اعوذ بالله من الشيطان الرجيم ...
ااااه ياشيخ محمود مو عارف ايش اسوي ...
لي كم يوم وانا مو قادر حتى اتكلم كلمتين وانا مرتاح ......مخنوووووق
مو مرتاح حتى بنومتي ...
زعلت كل الي حولي حتى زوجتي وزملائي بالعمل بتصرفاتي ....
مدري ايش اسوي ...
الشيخ تنهد : شوف ياابني الا بذكر الله تطمئن القلوب ....
الظاهر انك مقصر بالذكر لانو الي بيذكر ربنا على طول مابيحسش بالضيق...
دا انا اليومين دي ماشوفت دخلت المسجد ....
طلال بخجل من نفسه : كنت اصلي فالبيت من رجعنا روما...
الشيخ محمود بعتب : شوفت ازاي دنا قولت لك ابليس دا عاوز يخرب حياتك
اووعى ياابني تفرحوو وتعمل زي ماهوا عايز ..
كل مابعد الانسان عن ربنا مش حيحس بالراحه ابدا
خليك دائما اوريب من ربنا يابني صدقني كل الضيق الي بتحسو حيروح بثواني ...
طلال بندم : معاك حق ياشيخ اعوذ بالله من الشيطان ...
الشيخ : قول دائما ...." اعوذ بالله من الشيطان الرجيم ،
بسم الله الرحمن الرحيم ، رب اعوذ بك من همزات الشياطين ،
واعوذ بك رب ان يحضرون ، اللهم اني اعوذ بك من الهم والحزن ، ،
واعوذ بك من العجز والكسل ، واعوذ بك من الجبن والبخل ،
واعوذ بك من غلبة الدين وقهر الرجال ،
اللهم اني اعوذ بك من الفقر والعيّلة ، واعوذ بك من كل بلية ،
اللهم اني اعوذ بك من الفقر الا اليك ، ومن الذل الا لك ،
ومن الخوف الا منك ، واعوذ بك ان اقول زورا ، او اغشى فجورا ،
او اكون بك مغرورا ، واعوذ بك من عضال الداء ، وخيبة الرجاء ،
وشماتة الاعداء ، وزوال النعمة ، وفجأة النقمة ،
اللهم اني اعوذ بك من شر الخلق وهم الرزق وسوء الخلق ....
طلال من قلب : آمين يارب العالمين . ....
الشيخ : ربنا يوفقك يابني وانت فيك الخير انك مهما بعدت بترجع لربنا
ودا لان فطرتك سليمه الحمدلله ..
ابتسم للشيخ وجلس معاه شوي ...بعدها خرج متوجه لشقته
لازم يرجع ويعتذر منها ...
كلامه جرحها وهي ماتستاهل هذي المعامله ...
حتى لو غلطت انها خبت عليه .... يكفي انها ماقصرت بحقه
وهو ادرى بااخوه واكيد كان ضاغط عليها ...والا ماكان سكتت ...
حاسس الان براحه عظيمه كان مفتقدها من بعد الي صار ....
ماراح يسمح لاي شئ يخرب نظام حياته ...ولا احد ....
مر محل لبيع الورود اشترى باقه ورد مشكله وشكلها حلو ...
وهو يحاول يهئ نفسه لرده فعلها...اكيد ماراح تسامحه على طول
ويحق لها لكن هو بيسوي أي شئ عشان ترضى وتسامحه على كلامه....
رن الجرس عليها وهو ماسك باقه الورد بيده ....
رن الجرس اكثر من مره لكن مالقي رد ...استغرب ...
حتى لو نامت مع دقه تكون صحيت ...يدري نومها خفيف ...
معقوله تكون خرجت بهذا الوقت ...!
الساعه صارت 10اليل ....طلع جواله واتصل عليها لكن جوالها كان مغلق ...
ماعرف شيسوي بهذا الوقت ...نزل من الشقه...
شاف جارتهم واقفه عند باب بيتها جا بباله تكون هديل عندها
سألها : لو سمحتي ياخاله هديل عندك ؟
الجاره: لا والله ياابني ...
مااجت لعندي اليوم بس شفتها خرجت من شئ نص ساعه مـعـ اولادها ...
سكت شوي : طيب شكرا ياخاله
الجاره : عفوا ...
نزل وهو حاسس قلبه ناغزه ....وين راحت ...وبهذا الوقت
اول مره تسويها هديل ....
سال بالاستقبال اذا في نسخه للمفتاح ...
تفاجأ انو هديل تاركه المفاتيح ...حس انو مو مرتاح
اخذ المفاتيح وطلع ركض للشقه ...
دخل شاف كل شئ مرتب ومكانه ...دخل غرفته شافها مرتبه والانوار مقفله
لفت نظرو باب الدولاب مفتوح ..
قرب وفته وانصــــــــــــــــدم ...
شايله كل ملابسها ...
ركض لغرفه العيال وشافها شالت كل اغراض عيالها ....
ضرب الطاوله بيده وهو حاسس بقهر ....
ايش كان يتوقع بعد الكلام الي قاله...
انها تضل تنتظره ؟؟
ليش ياهديل ..ليش ماانتظرتيني ...
خرج من الشقه وهو متأكد انها اكيد يا ببيت امها يابالمستشفى عند اختها ...
لازم يقابلها ويتفاهم معها ...
ماراح يسمح لزواجهم يتحطم راح يرجعها مهما كان الثمن .........
يــــــــــــــــــــــــــــــــــتبع