غرفه التصوير ....
بدأت المصوره باالتقاط الصور لرنا ...
اخذت لها صور كثيره وبعد ماانتهت جا دور اشواق تصورت
وانتهو من التصوير المفرد ...
الباقي طبعا مع العرسان ...
كان شكل رنا وكأنها اميرا من اميرات الف ليله وليله ...
بفستانها الابيض داخل معاه الون الوردي بحركات رهيبه
هي مختاره التصميم ومعدله عليه بذوقها حابه تسوي شئ مختلف عن باقي العرايس
كان فستانها عاري الكتفين بدون حمالات من ورا مربوط بحبال على شكل اكسات ..
منفوش وبطرحه طويله شكلها استثنائي المسكه ملفوفه على يدها بشكل اسوارها
عشان ماتفكها ونازل منها الورد الي اختارت كل الوانه بالون الابيض حسب رغبتها...
اما شكل المسكه كان متداخل فيها لون وردي زي الفستان ....
اكسسوارها كان فخم طقم ذهب ابيض اختارته لها امها
الحلق كان طويل زي ماتبغى .....
تسريحتها كانت حلوه ومثل ماتمنت قصه نازله على وجهها
والباقي مرفوع بنفخه بسيطه وعامله حركات بشعرها ملفلفته
والورد مركب فيها وباقي شعرها نازل على اكتافها بنفس طريه الف ...
والي زادها جمال صبغت شعرها بني غامق بخصلات ثلجيه
مكياجها كان مكياج عروسه ..تدرجات الوردي والفوشي
الوردي كان هو البارز اكثر شئ فمكياجها ..
رنا بخوف تاملت شكلها فالمرايه وهي ماقدرت تشوف نفسها اول ماخرجت من الصالون : بنات كيف شكلي احس الفستان واسع عليا ومو حلو ...
مرام جلستها على الكنبه : وربي تجننين لا تجلسين توسوسين
هدي نفسك بعد شوي بيدخل زوجك وتكملين تصوير ..
رنا بدت تدعي فقلبها : الله يستررر ..."التفتت على اشواق "
اشواق خليها تعدل لك المسكه احسها نازله مره ...
اشواق بتوتر : طيب ....
اما شكل اشواق ...كانت ملكه بفستانها الفخم والي يميل للكلاسيكيه ..
..كان هذا اختيار اشواق ونال اعجاب امها وعمتها اول ماشافوه
بالاخص انه يناسب قسمات وجهها ..
كان لونه ابيض مدخله الفضي فيه الصدريه كلها كريستالات
ومن فوق الكتفين عاريه ودون حمالات لابسه اسوره عريضه بكتفها اليسار
يتوسع فستانها تدريجيها من ربع الفخذ بذيل طويل.....
مسكتها مختلفه عن مسكته رنا بورود مشكله بين الابيض والبنفسجي
اما شعرها كانت تسريحتها فخمه رافعه كل شعرها بنفخه
والاكسسوار موزعه بطريقه حلوه عليها نزاله طرحتها الطويله المثبته ..
الصابغه شعرها نفس صبغه رنا وهذا اقتراح خبيره التجميل لما شافتها والصبغه غيرتها 180 درجه ...
مكياجها كان بتدرجات البنفسجي بااضاءه فضي ...
وكان لابق لوجهها تماما ...
اما اكسسوارها كان طقم الماس ناعم عكس فستانها الي كلو كريسالات ..
انفتح الباب فجأه وكلهم التفتو ....
دخلت بخفه وابتسامتها مرسومه على وجهها
كانت الصدمه اول ماطاحت عينهم عليها .........
رغد: Surprise
رنا لا شعوريا صرخت : رغــــــــــــــــــــــــــــد !
ركضت لها رنا وهي تسحب بفستانها لحد ماوصلتها ..ضمتها وهي مو مصدقه انها تشوفها ..:مو مصدقه رغــــــــــد
حاله رغد ماكانت احسن منها نزلت دموعها لا شعوريا
مو مصدقه رنا عروسه قدامها مشتاقه لها وفرحانه لها بشكل كبير ....: عيووون رغد ..
رنا دمعت عينها : مو مصدقه ..انا بحلم والا بحقيقه ..رغد انتي جيتي ....
رغد: وحشتيييييني ياهبله وحشششتيني ...
رنا : وانتي اكثر ياقلبي والله اليوم اسعد يوم
ماتخيلت ولا 1 % انك راح تحظري زواجي ياااه انا اكيد احلم
رغد ضحكت بين دموعها: ههههههههههه لا ماتتحلمي ياقلبي
كيف تبيني مااجي فرح اغلى اخوات بالدنيا ...
قربت منهم اشواق وهي مفنجله عينها دوبها تستوعب ....
رغد بعدت شوي عن رنا وضمت اشوواق بقووه : طاالعه قمرررر يابنت
اشواق : لا لا مو معقوووووله رغد هنا
ضمتها بمحبه: هههههههه لا صدقي كيف مااحضر فرح اخواتي
اجل احضر افراح مين بعدها بس صراحه طالعين حلووين مره
اشواق انبهت بشكل رغد : وانتي وربي احلى وحشتيني مررره متغيره
طالعه بنوووته وقمر ...اخر مره شكيت اني مع ولد
رغد:ههههههههههه احلويت صح لازم مردي بنت بنت مهما تغيرت ..
قربت مرام وسلمت عليها : هلا بنت عمي وحبيبتي كيفك يا بت...
رغد : بخير الحمدلله ..طمنيني عنك كيفك انتي وكيف خالد معاكي
يارب مبسوطين مع بعض
مرام بخجل : الحمدلله هوا طيب ومو مقصر ...
"لفت حولين نفسها للمره الثالثه" ها ايش رايك طالعه حلوه ؟
رنا ضحكت وهي مرووقه:هههههههههههههههههههههه
انتي ماخليني احد اليوم ماسألتيه وقسم بالله حلوه بس فكينا خلاص
حطت يدها على راسها : كييييفي ..رغد ماقلتي كيف شكلي ؟
رغد:ههههههههه والله بدر سم الله عليك اقري على نفسك ...
رنا وهي لحد الان مو مصدقه صرخت بصوت عالي : والله وناااااااااااااااااااااااااااااااااااااااااااااااا سه
دخلت ام يزن الغرفه وهي مشحطه عينها : اصصصص فضحتينا
رخي صوتك اشك انك عروس والله
مرام:ههههههههههههههههههههههه لا طلعت رنا الي اعرفها اخيرا
قبل شويا جالسه زي البومه من شافت رغد انقلبت البنت
ضمت رغد وهي مطنشتهم : انقلعي انتي واياها تؤام روحي جات
ماتبوني افرح الا لو تبوني ارقص اقوم ارقص
ام يزن: ههههههههههههه دوم الفرحه لا الحمدلله وجهك ضحك
لو ادري كان من زمان قلت لك انها جات لها اكثر من ثلاث ساعات تنتظركم
رنا ضمتها بموده: ياحياتي يارغد يسعدك ربي فرحتينا بجيتك
وتجمعنا كلنا من جديد الحمدلله
رغد : أي والله الحمدلله ...الله لا يفرقنا
الكل : اميـــــــــــــــن
رغد طلعت الهدايا ومدتها لهم : احم احم وفي شئ ....
تفضلو ادري مو قد المقام بس حبيت تتذكروني
اخذو منها اكياس الهدايا ..
رنا : ياااحياااااتي ليش كلفتي على نفسك... جيتك تكفيني
رغد : ولووو اقل من من قيمتكم والله بس اعتبروها ذكرى
اشواق : مشكووووووره حبيبتي من ذووقك
رنا ضمتها كتعبير عن شكرها : الله لا يحرمني منك
رغد بعدت عنها شوي : ولا منكم يارب ...
احم وكمان "رمت القنبله " عندي لكم خبر ...
سكتت مرام وهي عارفه ايش بتقول لهم ....
رنا استغربت : قولي ؟ ايش صار ؟
رغد بفرح : اخويا نايف عايش... ورجع ...وهو الي جابني جده
رنا صرخت :كذاااااااااااااااااااااااااااااااابه ...
سكتت اشواق وبان على وجهها الصدمه ....
رغد: والله انا زيكم ماكنت مصدقه بس الحمدلله ربي كريم
رجع لي وماصرت اخاف من أي شئ فالدنيا
رنا من قلب : مبروووووووووك ياقلبي قرت عينك بنايف
والحمدلله على سلامته
رغد: الله يسلمك حبيبتي
دخلت عليهم ام فيصل : يالله العرسان بيدخلون عشان التصوير استعجلو ...
مرام سحبت رغد وخرجو من الغرفه للقاعه
ضلت اشواق و رنا فالغرفه معها امها ..
تنحنح فيصل وهو يكلم امه اذا يقدر يدخل
بدت دقات قلبها تزداد اكثر واثر وهي تسمع صوت فيصل
كلها ثواني ودخل الغرفه ...
رفع نظره وطاحت نظراته على عروسته
انصدم اول ماشافها وماقدر ينطق ولا شئ ............
متغيره كثيــــــــر .......طالعه مـــلاك
مسكت امه يده وهي ترجعه للواقع مشى معاها وقرب من رنا ..
مسك يدها وحس برجفتها وهي منزله راسها لتحت
رفع راسها لفوق وهو يتأمل وجهها ويذكر الله على هذا الحسن الي فيها
حط يده على كتفها العاري رفع راسه وباس خدها و جبينها
وهمس لها "مبرووك حبيبتي "
ارتعشت بين يديه وردت بخفوت "الله يبارك فيك "
ابتسم على خجلها و هي خقت على شكله بالمشلح الاسود ..
كان خطير وهو حالق ومحدد السكسوكه دوخها بوسامته وريحه عطره ...
التفت لاخته صفر بااعجاب طالعه غير عن كل مره
شافها جميله بكل ماتعنيه الكلمه
قرب وسلم على جبهتها وخدودها : مبروووووك شوااقه منه المال ومنك العيال
بينجلط يزن لو شافك ههههه
ضحكت بخفوت : ههههه الله يبارك فيك ياقلبي مو احلى من عروستك
عرض على شفايفه وزادت ضحكه اشواق قربت من اخوها وهمست فااذنه: ههههههه يالله انا بروح للغرفه التانيه لا تفجع البنت تراها لله متوتره وخايفه هديها وخليها ترتاح ...
غمز لها فيصل: لا توصيني على عيوني ..هههههههه خليك فنفسك
ابتسمت وهي تسكر عليهم الباب معاها ام يزن خارجين :ههههههه طيب يزن مو زيك ماراح يجنني
فيصل بخبث : نشووف .........
اشواق دخلت الغرفه الثانيه عشان تكمل تصوير مع يزن ...........
وضلت هي لحالها معاه ومعهم المصوره ...بدا يتصور معاها
والمصوره استنذلت فيهم وخلت فيصل ينبسط من طلباتها الي احرجت رنا ....
رنا وقف قلبها :لاااااا ماراح نسوي كداا
المصوره : ليه كدا دي بتبقى حلوه اووي
فيصل بخبث ولعانه: لا مايصير لا تخربي علينا قالت ابوسك
يعني ابوسك ...
رنا بعناد : مستـــ ......"مااستناها تفتح فمها الا مسكها وباسها على شفايفها
مع ان البوسه كانت المفروض بخدها ...
المصوره ماصدقت صورتهم وابتسامتها شاقه حلقها ....وهي تشجع فيصل
اما رنا من احراجها انبكمت ......."
الغرفه الثانيه ....
دخلت الغرفه وكان يزن ينتظرها اول مادخلت
رفع راسه وفتح فمه على الاخير وهو يشوف جمالها ....
توقع تطلع حلوه لكن ماتوقع الصبغه تحليها لذي الدرجه ...
قربت منه وهو لمها بين يديه وهي ذابت من احراجها
تجاهل وجود امه باس خدودها وجبهتها همس بحب : وحشتيني ...
ابتسمت بخجل : وانت اكتر ...
خرجت امه مستحيه من قله ادب ولدها وسكرت الباب ...
كانت المصوره عند فيصل ورنا لسه ماجا دورهم ....
يزن اول ماخرجت امه قرب منها اكثر : مبروووك علينا حياتي
اشواق بحب مسكت وجهه وهي تتامل كشخته بالمشلح السكري وهو محلق ومحدد : الله يبارك فيك حبيبي طااالع تجنن اليوم
ابتسم بحب وباس خشمها همس بهيام : وانتي تعرفين انك طالعه خياال
اشواق بخجل : اسمع ماباك تنزف عند الحريم ....
تفاجأ من كلامها : ليييش؟
اشواق بغيرره : اخاف وحده تشوفك وتخطفك مني ....
غمز لها وهو يتريق : لا تقولين انك تغارين عليا ....
دفته وجلست على الكنبه
ضحك وجلس جنبها سحبها وجلسها بحضنه : الحلووو يغار عليا
اشواق : اكيد اغار عليك ..."لوت بوزها بدلع" مو انتا زوجي وحبيبي
مااستناها تكمل كلامها قرب وباسها على شفايفها ..
انفتح الباب فجأه وهم على وضعهم
بعدت اشواق بخجل ووجها صار اصفر من الاحراج ....
اما المصوره ابتسامتها وصلت ضروسها اول ماشافتهم : الظاهر اني مش حتعب معاكو زي العرسان الي بالاودا التانيه .........!
في القاااعه .....
تعشوو الحضور ورجعو على طاولاتهم .....
بعد شوي تبدأ الزفات والكل ينتظر اطلاله العرسان .............
بدت المطربه تغني...طلبت مرام من رغد تقوم ترقص معها ..
استحت رغد ورفضت اول ماشافت انو لسه محد من البنات طلع يرقص
لكن مع اصرار مرام وافقت وطلعت معاها الكوشه ....
غنت المطربه اغنيه (الا ياشاري الفرقا ..)
انفعلت مرام ورقصت من قلللللب وهي داخله جوو مع الاغنيه
الا ياشاري الفرقا تراني بايع الجمعه
وعسا من هو جمعني بك يسليك ويسليني
من اللي قالك ارجع عشان تمن بالرجعا
ترى ما قلت غير الله على بعدك يقويني
والمطربه تقول ايوووا.... عاشووو... ورى ورى ورى
ورغد تحمست معها وتفننت وهي تهز.....
لفتت كل الانظار لرقصها
وبدو يطلعون البنات كل وحده تحاول تبدع بالرقص وتلفت النظر
لكن برقصها غلبت عليهم كلهم ..
صحيح اني ابي احبك ولكن ما اقبل بوضعه
انا لو ماخذيت الكل بعضك ما يكفيني
وانا لامن طلعت اطلع وهي عمري الطلعه
ولا يمكن تنزلني بصوتك لــــو تنــاديــنــي
مرام :هههههههه ايوا ورينا الحركات ياشيخه اااااه منك
طالعي كيف يطالعونك الحريم
رغد تهز بروقان :اسكتي بس من زمااان مارقصت متحمسه ...
مرام : هههههههههههههههههه شوفي ذي كاانها تشجع فالملعب مو ترقص ههههههههههههههههههههاااي
رغد : عييييييييب يابنت ماتدرين يمكن رقصها احسن من رقصك هع
لا تسمعك كملي انا داخله جووو
مرام :ههههههههههههههههههه
تصوتلي وانا خلِ فقد في غيبتك سمعه
تقول أسف واقول اسف عجزت اسمعك بذنيني
عجزت اعطيك عمر ضاع باوهام الغلا ربعه
وثلاثه ارباعه جروح بقت من مامضي فيني
خلصو رقص ونزلو وكل الانظار على رغد الي لفتت النظر بشكل ملحوظ
بعضهم تهامسو وهم عارفين هي بنت مين ومستغربين وجودها
وفي من اعجبو فيها وفي من تبيها لولدها ...........
جلست على الكرسي وهي تاخذ نفس : وااااو من زمان مارقصت
احس اني يبالي تحميه عشان ارجع زي اول
مرام:هههههههههههه والله رقصك حلو ماتغير
مع انك من زمااان ماحضرتي فرح بس ماشاء الله تف تف تخبلين
جلسو يسولفون غنت المطربه اغنيه الاسمراني بس ماطلعت رغد ترقص
جلست تتفرج وتصفق وكل شوي تطالع الساعه الي صارت 3 ونص ...
طالعت الساعه وهي مبتسمه : دحين تبدا الزفه حقت رنا وفيصل ....
مرام : لاااا ياشيخه لسه بدري على الزفه ...
ماكملت كلمتها الا المطربه تقول ...: حبايبي الزفه بعد شوي
والعريس بيدخل ......
رغد ابتسمت : شفتي قلت لك يالله نجيب عباياتنا قبل لا تبدأ
مرام: هههههههه يالله
راحت بسرعه واخذت عبايتها من الاستقبال ونفس الشئ مرام
لبسو العبي وجلسو بمكانهم بالطاولات الاماميه باانتظار الزفه ..................
يــــــــــــــــــــــــــــــــتبع