المستشفى
خرج الدكتور وعلامات وجهه ماتبشر بالخير ....
ركضو له ابو طارق وام طارق ومعهم نواف
ابو طارق: دكتور طمني ايش صار
تنهد الدكتور وهو مو عارف كيف يبلغهم الخبر...
مبدئيا حاله طارق خطيره والامل بنجاته وبقائه على قيد الحياه لا يتعدى 20%
تلقى صدمه قويه فالراس والعمود الفقري
وكانت الاصابه اكبر على العمود الفقري اثرت على النخاع الشوكي ..."الحبل الشوكي"
حتى لو عاش احتمال الاصابه بشلل كساحي 65%
هذا غير الاصابات الاخرى المنتشره بجسده ولازالت حياته في خطر
الدكتور: والله ماعرف ايش اقول لكم ....بس لازم تعرفون الحاله
واحطكم بالصوره حالته خطيره واحتمال لو عاش احتمال يكون مشلول ...
ام طارق طاحت على الارض منهاره : لااااااااااااااااااااااااااااااا ولدي
مسكها نواف يحاول يهديها وابو طارق يكلم الدكتور : دكتور الله يخليك تاكد
يعني خلاص ! مافي امل تكفى يرحم والديك قول في امل
لو اضطرينا نسفره بره بس ما يموت او ينشل ...
الدكتور : ماراح يستفيد السفر خطر عليه الان لازم مايتحرك
لان النخاع "الحبل " الشوكي راح يزداد التلف فيه حاليا احنا نحاول نعالجه
والامكانيات بره نفسها هنا تقريبا ...انتو بس ادعو له
احنا بنسوي الي علينا ونحاول والباقي على رب العالمين
تنهد ابو طارق : ونعم بالله ...مشكور دكتور واحنا توكلنا على الله
الدكتور : العفو وذا واجبنا ياعم الله يشفيه ويعافيه ..
ام طارق وهي تبكي تمسكت بالدكتور : دكتوور ابى اشوف ولدي تكفى
ابى اتطمن عليه
الدكتور : اسف ياخاله بس حالته ماتسمح لاحد يزوره الان
لازم يضل تحت المراقبه والله يشفيه ويعافيه عن اذنكم
بدت تبكي باانهيار ولدها بحاله خطيره ما كان في اقسى من هذا الكلام ...
احتمال يموت ....ولو عاش مشلول ...
قلب الام مايتحمل لو كانو اولادها اخس الناس
ماتبيهمك ينأذون ...هذا ولدها قطعه منها
حملته ببطنها 9 شهور ...ربته وكبرته ودلعته
حتى لو كان مجرم حتى لو ماكان بار فيها ...يضل اسمه ولدها وقطعه منها
كيف تتحمل خبر زي كذا كيف
كلام الدكتور وكانه سكين يقطع قلبها :اااااااااااااااه ياحسرتي عليك ياطاااااااااارق
ياحسرتي عليك يايمه ....
نواف حاول يهديها : يمه هدي الله يخليك لسه في امل خلينا ندعي
وننتظر يمكن مايصير فيه شئ
ام طارق بكت بحرقه :لاااااااا ولدي بيرووح مني انا حاااسه اهى اهى ااااااه ياطارق
ابو طارق : نواف شيل امك ووديها استراحه النساء ترتاح
جلستنا هنا مامنها فايده غير تعطيل الدكاتره وانا بتكلم مع الدكتور
واشوف حالته واشوف اخوك ومرته وش صار معهم
نواف تنهد : على امرك يبه
مرام في استراحه النساء تصلي وتقراء قران تدعي من كل قلبها
والوقت يمر ببطى شديد كانت امها جالسه جنبها بعد ماوصلها نواف
تدعي الاحوال تتيسر ويرجع كل شئ مثل قبل
مع انها عارفه انو مستحيل ترجع لكن مجرد دعاء ام ضعيفه
تتمنى كل اولادها جنبها بدون مشاكل ....
اثنينهم تعبانين ووجع قلوبهم اكبر........ الي صار مؤلم للجميع ...
من ناحيه اخوهم ...ومن ناحيه ثانيه مرت اخوهم الاخر والي مثل اختهم ...
والغلط كله من طارق
.مافي خيار حتى ...مايقدرون يدعون على الي كان السبب لانه اخوهم ...
وطلال ماينلام ....دافع عن شرفه وماغلط بااي شئ سواه ....
أي مصيبه الي صارت لهم ...عين وماصلت على النبي
يخرجون من مشكله عشان يطيحون بمشكله اكبر منها ...............
يارب رحمتك وعفوك ...
في الجانب الاخر
وامام غرفه العمليات .....
جلس طلال ويده على راسه ...كان يلف ويدو ينتظر أي احد يخرج يطمنه...
المشهد ينعاد في راسه مرات ومرات ..مو متحمل الي يصير
حاسس بشعور مر بنفس الوقت مايبي يصير شئ لهديل خايف ..
وقتها مستحيل يترك طارق يعيش ...ولو ضل طول عمره بالسجن ....
مو قادر يتخيل ...لو تاخر ثواني بس .....كان ..
طولو الدكاتره ومحد خرج يطمنه ضل ينتظر وعلامات الارهاق بدت واضحه عليه ....
خرج الدكتور استبشر طلال بخروجه وقف يسأله وهو متوتر : دكتور ايش صار على زوجتي ؟
الدكتور : الحمدلله قدرنا نوقف النزف وخيطنا الجرح كان كبير وسقطتها على شئ حاد بس الحمدلله ماتاذى شئ من راسها والجرح سطحي تطمن
طلال حس براحه : الحمدلله الحمدلله ..طيب اقدر اشوفها واتطمن عليها
الدكتور : تقدر حاليا المريضه نايمه بتاثير البنج بس بهدوء ...تحتاج راحه
طلال بهدوء : طيب تقدر تخرج اليوم ؟
الدكتور : لا اليوم صعب بكره ممكن لو تبغى ...حالتها كويسه الحمدلله
لكن قبل خروجها راح نحتاج نفتح تحقيق ونبلغ الشرطه
طلال : ليش ؟
الدكتور : بسبب الضربه الي تعرضت لها زوجتك ...
لعن طلال طارق بداخله كان نفسو يفتح تحقيق وياخذ حقه
لكن سمعه العائله راح تتلوث فضل يقفل : مايحتاج يادكتور زوجتي طاحت من الدرج
وهذا سبب الضربه
الدكتور : مادام كذا خلاص تقدر تخرجها وان شاء الله معافايه ...
طلال: الله يعافيك مشكور دكتور
كان خبر سلامتها مريح له وفرحه ...حس هم كبير انزاح عنه
ماكان يدري وش بيسوي لو صار لهديل شئ
حبيبته وام عياله مايقدر يعيش بدونها
رغم سعادته بسلامتها ..لكن لازالت النار مشتعله بصدره ...
مادام طارق بخير مستحيل يرتاح لازم يتعاقب على الي سواه ...
بعد الي صار انقطعت كل اواصر الاخوه بينهم
بالنسبه له طارق الان عدوو ...
اتصل على مرام وخبرها انه هديل بخير وحالتها كويسه الحمدلله
وتقدر تشوفها هي وامه...
قفل منها بعدها وهو عقله مشتت بين امرين
اولا بيتطمن اكثر على هديل ويحجز لاقرب رحله لايطاليا
مالهم جلسه بعد الي صار .....
ثانيا طارق .............لسه ماشفى قلبه منه
مستحيل يمشى الا لما ينتقم منه ...ويحرق قلبه مثل ماانحرق قلبه على هديل
ااه ياهديل ...والله لاوريه مستحيل اخليه يتهنى بعد الي سواه فيك
والله لانتقم لك ولي منه عديم الشرف والنخوه
دخل للغرفه الي نقلوها فيها يبي يشوفها ....................
غرفه الدكتور
دخل عليه ابو طارق وجلس بالكرسي امامه بينما جلس الدكتور بمكتبه
وبيده اوراق تفاصيل حاله طارق والي فيه بالتفصيل ...
ابو طارق بتعب: دكتور فهمني بالضبط كيف حاله ولدي دحين
الدكتور تنهد: والله شوف ياابو طارق ...حالت ولدك حرجه
وراح نستدعي الشرطه للتحقيق فالقضيه لانو مبين اتعرض لاعتداء شديد جدا
ويمكن محاوله قتل
ابو طارق خاف من الفضايح : لا يادكتور مايحتاج شرطه كل شئ ينحل
الدكتور بحزم : اسف دا القانون ومو مسؤليه المستشفى ..
ولازم يتم التحقيق لانو حالته جدا خطيره وجسمه مليان كدمات
واثار عنف وحشيه ولو مات لاسمح الله ممكن نفتح ملف للقضيه
وتتحول للمركز بااعتبارها جريمه مدبره
انفجع ابو طارق من الكلام ...لو صار كل هذا ماراح يروح فيها الا طلال
ولو اثبت برائته وانها دفاع عن شرف ... وانكشفت سالفه هديل
راح تصير فضيحتهم بجلاجل ....
ابو طارق بلع ريقه : طيب سيبنا من موضوع الشرطه هو كيف حالته الان ..
في امل يتشافا بدون عاهه لاقدر الله ؟
الدكتور وهو يطالع الاوراق : احتمال جدا ضعيف ...
اصلا احتمال بقائه على قيد الحياه ضعيف جسمه مو راضي يتقبل العلاجات الي نقدمها له ولدك كان يشرب ؟ او يتعاطى ؟
ابو طارق بجهل تماما : مادري يادكتور انا كنت بالسجن فتره
وحتى لو كنت موجود هو دائما مسافر ولا ادري عنه شئ .....
الدكتور هز راسه بتفهم وحزن على حاله هذا الاب : الظاهر كان يشرب ويتعاطى مواد لان مناعه جسمه ضعيفه جدا ودمه مليان سموم وهذا سبب عدم استجابه جسمه للعلاج بس نقول ان شاء الله خير ..احنا بنحاول ...
ولو نجحنا واستقرت حالته احتمال الشلل كبير
ابو طارق وجعه قلبه : شلل
الدكتور : أي شلل ...تعرض الحبل الشوكي لصدمه كبيره وتلف كبير جدا
الحمدلله لحقتو والا كان ممكن يكون شلل كامل لكن الضرر الي تعرض له
ممكن يسبب له شلل كساحي بما ان الاصابه بااسفل العمود الفقري
ابو طارق حط راسه بين يديه : يارب عفوك يارب الحمدلله على كل حال
الدكتور : حتى راسه مصاب اصابه كبيره وخطيره
ولا ندري ايش راح يبين معنا لكن احنا متفائلين خير ...
ابو طارق سكت ووجهه مصفر ...وله بين الحياة والموت بسبب الي سواه ..
.والي تسبب في ذي الحاله ولده الثاني...موقف صعب جدا ...
ايش يسوي بمثل هالحاله ايش .؟
الدكتور مسك يده : انت انسان مؤمن هذا ابتلاء من رب العالمين
لازم تصبر وتحتسب الاجر ...ماتدري يمكن تكفير ذنوب
ابو طارق تنهد : لا اله الا الله اللهم لا اعتراض
الدكتور : اصبر واحتسب وربي ياجركم وياجره
قال الله تعالى ه : { وبشر الصابرين الذين إذا أصابتهم مصيبة قالوا إنا لله وإنا إليه راجعون أولئك عليهم صلوات من ربهم ورحمة وأولئك هم المهتدون } .
ابو طارق من قلب انسان مؤمن : انا لله وانا اليه راجعون رضينا بما قسم الله لنا وفضنا امرنا اليه ..
الدكتور : ومافي اعظم وارحم من الله ....ياعم وجودكم الان ماراح ينفع المريض لان حالته مطوله شيل زوجتك وعيالك وارتاح بالبيت وتقدرون تزورونه بوقت الزياره
ابو طارق وقف : ان شاء الله ومشكور دكتور طمني اذا صار أي شئ
الدكتور : العفوو ذا واجبنا ولو صار أي شئ راح اخبرك والله يشفيه ويعافيه يارب
ابو طارق تنهد وهو شايل هم زي الجبل : امين يارب
خرج ابو طارق وكل هموم الدنيا على راسه شاف نواف واقف ينتظره
بعد ماوصل امه لاستراحه النساء..
مسكه من كتفه ومبين من نظرات عينه ان الحال ابدا مايسر ...
توجهو للجناح الاخر حيث توجد هديــــــــــــل ....
معلومه ".. تلف منطقة أسفل الظهر فقد يسبب شللا كساحيا paraplegia
(أي شلل في الجزء الأسفل من الجسم وكلتا الساقين)، مع خلل أو فقدان كامل لوظائف المثانة، والأمعاء والوظائف الجنسية. وتعتمد أعراض إصابة الحبل الشوكي على موقع التلف. فأسفل مستوى إصابة الحبل الشوكي، يكون الجسم مشلولا وبدون إحساس. ومن ثم كلما كان مستوى الإصابة أعلى (أو أقرب إلى الدماغ)، كان تأثيرها أكثر تدميرا.
عافكم الله ....."
يتـــــــــــــــــــــــــــــــــــــبع