النمســـــــــــا
في طرقات العاصمه الساحره فيينا ....
كانت تتمشى برفقه سامرشابكه يدها بيده وكانهم عرسان بشهر العسل
وهي تضحك وتمزح في جو مرح كان اثره جميل على الاثنين ...
سامر ابتعد عن اجواء الدراسه للاستمتاع ببعض الوقت مع اخته .....
اما بشاير....بعد مالبست استر لبس تملكه وهي مقتنعه في بدايتها برحله التغيير ...
محاوله لتغيير نفسيتها المكتئبه ورغبه جاده في تجاهل الماضي تماما
والاستمتاع برفقه اخيها شايله بيدها كاميرا تصور المنازل والاماكن الي تمر فيها
تلفت نظرها الاثار الي تميز هالبلد....
كان لبسها غير متكلف بنطلون اسود وبلوزه قطنيه ناعمه لونها ابيض
فيها كتابات بالاسود لبست عليها جاكيت طويل لونه اسود يوصل لركبتها مقفلته تماما من الامام اما شعرها فما غطته كانت محتاجه لفتره حتى تعتاد على غطاء الراس ....
سامرجلس على احد الكراسي وهو تعبان : بشاير انا مره تعبت مشينا اليوم كثير خلينا نرتاح شوي ...
بشايرسحبته بدلع: يالله سمووور والله المكان روعه خليني اكمل تصويروالله مره حلوه فيينا ماجا ببالي ازورها بس جد صراحه ماكذبو لما قالو انها مدينه ساااحره ....
سامر: ولسه ماشفتي شئ ...ايش رايك اعشيك اليله بمطعم اعرفه مره راح يعجبك انا متاكد بس قبلها لااااازم تزورين الاوبرا
بشاير: ليش ؟؟ يعني حلوه ؟
سامر : يب فيينا مشهوره بدور الاوبرا .....انتي تعرفين انو فيينا عاصمه الحب والانس والموسيقى ...سمعتي بذي المعلومه قبل او لا ..؟
بشاير بجهل: مدري يمكن سمعت بس ماركزت ...
سامر بصدمه: اوووف هذا وانتي دراسه موسيقى ....عز الله دراستك فالرجلين راحت ..
بشاير بسخريه: ها ها ها ماتضحك لا تتفلسف عندك معلومه قولها ...
سامر وهو ينفخ نفسه: احم احم طيب ياا بنت خالتي العزيزه راح افهمك مع انو المفروض تكوني عارفه لانو حتى الي مادرسو يعرفو في بالله احد مايعرف فيينا عاصمه الحـــــــــب والموسيقى بس يالله نمشيها لك
بشاير : يرحم والديك بس يافيلسوف زمانك لا تجلطني قول بسرعه ....
سامر : هههههههههه تيب اكيد سمعتي صوت أسمهان في أغنية
«ليالي الأنس في فيينا»،
بدا سامر يدندن بااغنيه اسمهان ...
ليالي الأنس في فيينا نسيمها من هوا الجنّة
نغم في الجوّ له رنّة سمع لها الطير بكى وغنّى
بشاير تكمل بصوت شجي : ما بين رنين الكـــــــــــاس ورنّة الألحـــــــــان
أدي الأوان ميّــــــــــــاس تعاطف الأغصـــــــــــــان
سامر انطرب بصوتها : الله الله
بشاير تكمل من قلبها : تمّ النعيم للروح والعيــــــن ما تخلّي
قلبــك ....قلبك...... قلببك..... يتهنّى
آدي الحبايب عالجنبيتن
سامر : ترررم تررم
بشاير تكمل بطرب:إيهِ اللي فاضـــل فـــاااضل فـــــــــاضل على الجنّة
سامر يحاول يعذب صوته وهو يمسكها وكانه يقول لها احنا الحبايب:
آدي الحبايب عالجنبيتن
إيهِ اللي فـــــــــاضل على الجنّة
كملت بشاير بصوت صداح وهي تترنمم بكل حرف تغنيه
بدت تلفت الانظار لها : متّع شبابك في فيينا دي فيينا روضة من الجنّة
نغم في الجوّ له رنّة سمع لها الطير بكى وغنّى
سامر كمل يشاركها وهو داخل جو: ساعة هَنـــا. لو تفضالك.
تنسى معاها الكون كلّه
إيه اللي رايح يبقالك من النعيم ده غير ظلّه
بشاير بدت تسرح بخيالها.... اياد يمر ببالها
غنت وهي تسمع صوت الموسيقى يطربها مو حاسه بااي شئ حوليها
عايشه لحظتها وهي تطلق العنان لنفسها ويدها متشابكه بيد سامر
:خيال ساري مع الأوهـــام وطيف جاري مع الأحــــــلام
وليه تصبر على الأيـــــام تفوت من غيـــــر ما تتهنـــــا
انتبهت وصحاها صوت التصفيق فتحت عينها شافت مجموعه ناس متجمعه حولينهم
وهم معجبين بصوتها ..حمرت خدودها وسكتت تخبي وجهها بكتف سامر ..
بشاير بخجل :سامر يووه الناس سمعتنا نغني خلينا نمشى
سامر:ههههههههههههه وعجبهم صوتك كملي يالله شوفيهم يبونك تكملي
بشاير بخجل: مااقدر مستحيه والله مررره يوووو خلينا نمشى يالله ..
سامرحاول يشجعها: عادي ماعليك غني شوفي كيف يطالعونك لا تفشليهم وانا حغني معاااك خليك جريئه وشجاعه زي مااعرفك ....
تشجعت من كلام سامرحاولت تركز نظرها بعيد وغنت بدون ماتطالعهم غمضت عينها ......
حاولت تتخيل انها لحالها ..
واياد ..بجنبها .......ياه لو كان جنبها .......
غنى سامر يشجعها تكمل ..كانت كل افكارها مع اياد .....
تخيلته اياد جنبها ويغني لها ....يغني ويمسك يدها ......
كانت تبتسم وتطالعه بنظرات غريبه... وابتسامتها مرسومه على وجهها ....
سامر : دي ليلة الأنس في فيينا نسيمها من هوا الجنّة...
بشاير مسكت يده وشدت عليها وهي تغني معاه: نغم في الجوّ له رنّة
سمع لها الطير بكى وغنّى
سامر تحمس وهو يشوف تفاعلها : افرح. واطربْ.
بشاير تكمل بحماسه اكبر وهي مغمضه عيونها : ابعت قلبك يسبح ويطير ........في الدنيا دي يلقله سمير
سكت وهو يعطيها مجال تكمل حس انها اختلفت عليه فجأه وهي تغني
وكانها عايشه بدنيا ثانيه غير الي هو فيها....
بشاير بحب : تهنا بقربه، وتسعد بهـــواه واتهنّي شبابك والقلب معـــــاه
تحركت تسحبه معها وتدور وكانها بتلف فيينا كلها :دي فيينا روضة من الجنة يسعد لياليكي يا فيينا
نغم في الجوّ له رنّة سمع لها الطير بكى وغنّى
سكتت وهي مغمضه عينها صحاها من نوبه سرحانها صوت تصفيق حار
فتحت عينها شافت المجموعه كبرت وهم يصفقون بحراره ومن بينهم سامر ....
حست بخجل ابتسمت وهي تشكرهم ماتعرف كيف قدرت تغني بجرءه
بس الي عارفته انها ماغنت الا وهي مع اياد .......................
لو كان معها كانت فيينا فعلا حتكون .............جنه ...........
بعدو عن الساحه وهم في طريقهم يكملون تمشيتهم ...
سامر ضحك وهو يمازحها : الله الله صوتك يجنن الصراحه حسيت انك غريبه عني مو بشاير ارحمينا يااسمهان انتي ...لا الا غلبتي على اسمهان..
بشاير بغرور: احم احم اكيد واحمد ربك غنيت معاك اصلا انا المفروض مااغني الا على المسرح ...
سامر: هههههههه لا انتي بشاير الي اعرفها نفس الغرور
بس والله صوتي تغريد بلابل كلهم يقولون كذا..... ياااااه بس يافيينا
بشايرابتسمت : جد فيينا ساحره وماكذبو بوصفها ....ليت بابا معايا هنا
سامربتريقه: بالله لما تسمعي الاغنيه دي ما تخليكي ترسمي فيينا بخيالك ياااه انتي دحين تتمشي في مدينة الحب والموسيقى وانتي ماتعرفي ....
بشاير فقدت اعصابها من تلميحه انها جاهله: سااااااااااااااااااامررر لا تتريق
سامر :ههههههههههههه ماينمزح معاكي انتي خلاص ماحتريق خخخخ اعصابك...ياستي يقولك انو فيينا كانت عاصمة الموسيقيين في القرنين السابع والثامن عشر واكيد تعرفي الموسيقي الشهير "أماديوس موزارت"
بشاير: يس قريت دي المعلومه
سامر: هوا جا من مدينة "سالسزبروج" هي هنا فالنمسا قريبه من فيينا بس هوا جا واستقر هنا ... في فيينا، بعد مالقى فيها الأجواء الصحية الي تريحه وخلت منو مؤلف لموسيقى لين دحين يعزفوها في المسارح
بشاير: واااااااو حلوو طيب نفسي ازور سالسزبروج كمان
سامر : ابشري راح الفلف بك النمسا كلها كم بشاير عندي انا
بشاير بدلع : وووووحده بث فديتها
سامر قبص خدها : ههههههههههههههههه الله يخليها ولا يحرمني ضحكتها
بشاير: طيب خلينا نتفرج ووريني كل شئ في فيينا من زمان نفسي اتمشى واتعرف على معالمها واصورها دايم ااجل
سامر:ههههههههه ودي فرصتك حد انك موجوده انبسطي قد ماتقدرين واي شئ بنفسك سويه وانا حسوي الي تبيه
بشاير: يب دا الي ابا اسويه ....طيب حكيني عن النمسا ...
سامر بحنو: والله اتعب وانا احكيلك عنها بس بما انو قسمي متعلق بالاثار والسياحه اقدر احكيلك كل شئ عنها تقريبا زرت كل مناطقها...
تصدقي ..صح اني ابا اتخرج وارجع المملكه بس كمان حشتاق للنمسا ...
بشاير: اكيد حتشتاق لها كم سنه وانت تدرس هنا تعودت على الاجواء
سامر : صح كلامك ...اممم النمسا من احلى البلدان الي زرتها ويمكن احلى مكان بنظري كثير يجوها الناس سياحه او التعليم حتى انتي ممكن تجي تتعلمي هنا وهذا احسن لك لانو في مركزً عالميً للتعليم والأدب والموسيقى والعلوم
بشاير تحمست: حلوو لازم ازورو قبل ارجع روما ...طيب احكيلي اكثر ايش احلى شئ هنا ...؟
سامر : امممم فيينا تجمع لك بين الماضي والحاضر ...محتفظه بااثار وتقاليد الماضي وحتى البيوت على الطراز الكلاسيكي الي من القرن الرابع والخامس عشر ...بنفس الوقت فيها الحاضر والاناقه والفخامه والهدوؤ في أكثر من 27 قلعة وأكثر من 150 قصراً
بشاير : ماشاء الله
سامر: احسن مكان للسياحه فيها وسط المدينة الي احنا نتمشى فيه والبولفار الدائري في المنطقة قريبه حنروح واوريك اياه واوريك المنتزهات بصراحه مرررره رووووعه ماحتشبعين منها
بشاير باانبهار: وااااااااااو خلينا نشوفو اجل تصدق ماتوقعت فيينا تكون بهذي الروعه
سامر حس بمدى حماستها: ولسه ماشفتي كل شئ شوفي احنا دحين نتمشى في مركز فيينا هذه المنطقة فيها كثير من مباني المدينة التاريخية والمعالم الحضارية حتى لو تبي تتسوقي في اسواق تجنن كمان وفخمه.
بشاير : حلو راح انزل اتسوق من هنا قبل ارجع روما بصراحه مره نايس خخخخ تصلح دليل سياحي بجداره
سامر بفخر: شكرا شهاده اعتز بها ههههه فديتك ولسه ماشفتي شئ هههههه القصور كمان حلوه تحسسك وانتي تشوفينها بالعلو وانك تعيشين الماضي الي عاشوه
وتتخيلين نفسك في العصور الوسطى تعالي شوفي .. مثلا قصر الشانبرون بالاس
راح اخليك تشوفينه لسه رحلتنا طويله عشان تتعرفين على النمسا ...
القصر الامبراطوري كمان جميل اسمو هوفبيرج دا مبناه حديث بس الهيكل قديم
من العصور الوسطى ...القصر فيلو الغرف الملكية، والمكتبة الإمبراطورية
ومتاحف كتيره ومدرسة ركوب الخيل الإسبانية.
بشاير باانبهار: ماشاء الله جمع بين الحاضر والماضي الاساس القديم والتطور ومواكبه العصر والعلوم ...
سامر: صح وهذا الي ميز النمسا عن باقي الدول الاوربيه لسه محتفظه بماضيها في وسط فيينا مع كل دي الاماكن التاريخيه بس تحسي بصخب المدينة العصرية وكانك بااي مدينه متحضره تماما ، حتى تلاقي زواراً كثر
بشاير: حلو الدوله تحتفظ بتراثها بدون ماتخربه الحضاره وتمحيه له مكانه سبحان الله تختلف وطعم وانتا تتجول والله حمستني اشوف اكتر خلينا نكمل.
كمل سامر كلامه وهو يفرجها الساحات والمعالم ويحكيلها عن التراث والاثار ودار الاوبرا
زي ماوعدها اخذها ل دور الأوبرا في ميوزييك فيرين انبسطت وكان جوهم كله مرح وضحك
كان يرد على كل تساؤلاتها الملحه بدون ملل وهي تستمتع بكلامه
حكالها عن تاريخ بعض الاباطره تتخيل لو عاشت في العصور القديمه ....
تخيلت لو كانت مكان الامبراطوره اليزابيث...
كيف بتكون لو عاشت بهذي القصور وعاشت في ماضي هذا البلد ...
وبدت تبحر بمجال اخر بعيد عن الحب وعن الدراسه ...
عالم اخر بدا لها اوسع واجمل ...
جلسو طول النهار يتفرجون تنقلو بين الساحات والنصب التذكارية والمقاهي الشهيرة
كانت بشاير تعلق على كل شئ تشوفه ..وهو يضحك على تعليقاتها صورت كل شئ عجبها ...
تمشو في ساحة ستيفنز ...
حتى تعبت وطلبت منه يرجعون الشقه يرتاحون ويكملون جولتهم بكره.....
فندق «غراند أوتيل»
بعد وصله لمطار فيينا اخذ عنوان شقه سامر من ادهم وطلب منه يرجع روما
وهو الي بيتكفل برجعه بشاير .....
انتقل ونقل كل اغراضه للفندق بيرتاح ويفكر شلون بيكلمها ...
شلون بيعتذر لها ...والاهم راح يقدر ينسيها او لا ...
مهموم من كل النوحي ..اذاها ومايبي زعلها ..
غاير ومو متحمل جلستها مع ولد خالتها ....
يبيها له لحاله ملكه هو بس ....
احتار يروح لها الحين ....والا بكره ...
او يتصل عليها يكلمها ......
محتار ومو عارف وش الحل الانسب بهذه الحاله
لاول مره بحياته يكون الطرف الاضعف دائما هو الطرف الغالب والاقوى ....
لاول مره يحس بشعور الهزيمه ....بعدها عنه يعتبر هزيمه ساحقه له ...
لازم يرجع الطرف الاقوى ويكون هو فقط محور حياتها ....
مادرى انها بكل نفس تتنفسه مايغيب لحظه عن بالها ...
رغم جرحه لها لكن لازال قلبها ينبض فقط بحبها له
اسرها بدون أي مجال حتى لكرامتها تسيطر عليها ....
حب تملكها حتى النخاع تخفيه ...تدفنه...لكن لايمكن تمحيه ...
استوى على كل ذره بجسمها .....مسكينه يا بشاير .....
يبي يسمع صوتها ...مشتاق لها ...ولانفاسها ...مشتاق حد الجنون
مافي غير هالحل ...قرر يتصل مو متحمل ينظر حتى الغد
لازم اقل شئ يسمع صوتها قبل ينام.....
بس الي قاهره انها ماراح ترد عليه ...عارفها عنيده ومافي اعند من راسها
وكأنهم توائم نفس الطباع ونفس التفكير ...ونفس العشق الي متملك كل واحد فيهم
فعلا معادله عجيبه ....لازم يتخانقون ولازم يزعل كل واحد منهم الثاني
مع كل هذا يعشقون بعضهم بجنون .
"....البس يحُب خناقو .... "
البس = القط
هذا كلام ابو بشاير دائما عنهم ...لكن كبريائهم ينفي هالكلام ...
غرورهم هو سبب عذابهم وتفرقتهم ...الحب لحاله هو الي كسرهم
وفضح مشاعرهم ...
حتى الغرور صار ماله أي سيطره
الحب هو من قال كلمته الاخيره وها هوا يعلن انه المنتصر ق
بل بدايه الحرب الي ستطول وقد تكون اقصر من المتوقع ....
لن يصمد الكبرياء كثيرا ....الحب هو الطرف الاقوى......
..........كم انت عظيم ايها الحب ..........
طلع جواله ودخل شريحه جديده اشتراها قبل ينزل الفندق
كان متردد مو عارف ياترى راح ترى او لا ....ضغط الارقام بخفه وهو يترقب ...
توت ...توت ...توت...توت ..........هلوووو ..............
شقه ســــــــــــــامر ......
بالصاله وامام شاشه البلازما .......
استغربت من جوالها يرن بهذا الوقت المتأخر ...والغريب ان الرقم غريب اول مره تشوفه ....
قررت ترد يمكن يكون الموضوع مهم .....
بشاير: Hello.....
سكت وهو يسمعها تتكلم ...
بشاير استغربت ماتسمع أي صوت : Hello...Who are you
اياد يتنفس بسرعه وهو يسمع صوتها صوت تنفسه واصلها
...مشتاق لها موت ....
مو قادر يرد عارف لو رد عليها بتقفل السماعه بوجهه
فضل يسكت ويسمع صوتها وهي تتكلم بس....
عصبت من المتصل ...يستهبل عليها : Well as you want is not listed and goodbye
<بالعربي > عسى عمرك مارديت ....
قفلت السماعه بوجهه وهي متنرفزه من الحركه البايخه: من جد ناس فاضيه
سامر جا وبيده الافلام : اشبك ؟ ومن اتصل عليك ذا الوقت ....؟
بشايربملل : مدري ناس فاضيه متصل وساكت ...اقول الووو الووو محد يرد عصبت وسكرت بوجهه وماعاد اتصل
سامر: غريبه من مسوي هالحركه البايخه ...اكيد احد من اصحابك يستهبل عليك ههههههههه
بشاير بتفكير ..ماجا ببالها انو اياد او يمكن ماحبت تفكر انه هو المتصل : يمكن اسوم او هدول ويمكن .....او احد غلطان ....
رن الجوال مره ثانيه وكان نفس الرقم الي يرن: شوف نفس الرقم يدق ....
سامر سحب منها الجوال : هاتي انا ارد .............. الووووو
اياد............................................
سامر: الوووو ميــــــــن ؟
اياد..............................
سامر: ايش قله الادب هذي ناس فاااضيه ......
انقفل الخط بوجه سامر .... اتنرفز من الحركه
سامر بقهر: ووووجع قفل بوجهي ...اقولك طنشي لا يتعكر مزاجنا اليله دا فاضي اكيد ويستهبل او سكران مو داري عن شئ ...
بشاير بدون اهتمام: على قولك ...ماعلينا المهم جبت الافلام ؟
سامر يوريها: ومن الي يحبها قلبك ...انسي المكالمه دحين وتعالي اليله سهرتنا حلوووه و صباااااااحي...
بشاير تحمست: ههههههههههههههههههه يالله
جلست وحطت الشبسات والبوب كرون وجنبها سامر
طفو كل المبات بالشقه وشغلو الفيلم وهم داخلين جو ...........
فندق «غراند أوتيل»
جنـــــــــــــــــــــــــاح أيـــــــــــــــــــــــــــاد
من سمع صوت سامر وهو يغلي من القهر ...
الوقت متاخر وش يسوي معها ولد خالتها ....
حتى لو ساكنه معاه بس الوقت متأخر ...لا ويرد على جوالها كمان ....
باين الميانه بينهم مره طايحه ....ويمكن يكون قريب منها بزياده .....
كيف تخليه يرد على جوالها ....اصلا كيف يجي غرفتها بذا الوقت
ذا اذا ماكان ينام ..............
استغفر الله استغفر الله اعوذ بالله منك ياابليس
رح الحمام وغسل وجهه حاسس بحراره بجسمه و بقلبه
مو قادر يتخيل ولا حتى قادر ينام وهو عارف انها بشقه ولد خالتها
وانه معها يشاركها مكان واحد ....وجلسه وحده ...
نار الغيره والشكك اعمت بصيرته متى بس يطلع الصبح ويواجهها متـــــــــــــــــى ......
يتبع