[جنون المشاعر]

البــــــــــــــــــــارت التاسع والاربعـــــــــــــــ49ــــــــون


(الفصل الاول)



ايطــــــــــــــــــــاليــــــــــــــــــــا ....

" قصــر البشــــائر "
صاحب القصر وارمله اخيه على الطاوله يتناولون طعام الافطار في صمت وهدوء كل شخص يبحر بخياله الى مدى مختلف...

ابو بشاير ببنته التي انتقلت خلال اليومين الماضيين للنمسا ...
كان راح يدور عليها بكل مكان قلبه مو متطمن على بنته الوحيده
رسالتها انها بخير وتبغى وقت للراحه ماريحته ...ارتاح فقط بعد ماعرف وين مكانها بالضبط كان سامر حكيم بااتصاله باابو بشاير .....



ام اياد بوجودها بهذا القصر الغريب عنها ...حاسه بعدم ارتياح مهما كان تضل غريبه وجلوسها بهذا البيت مو حلو بحقها ...مع محاولتها عشان تتكيف مع الوضع ارضاء لحموها الي طلبها برجاء كبير وامل انها تستقر مع ولدها بقصره رغبه منه في لم شمل العائله...
والهدف الثاني واضح وضوح الشمس زواج بنته باابنها ...........




ابو بشاير * ايش السبب الي خلاك تبعدين يابنتي ...من دون سبب ..
بدون حتى ماتكلميني ..او تودعيني ...كنتي مبسوطه ومرتاحه ..
ايش سبب ابتعادك فجأه..معقوله تكون تعبانه وتبى تبعد او متهاوشه مع احد ..اكيد في شئ مضايقها ..او تبغى تغير جو ....يمكن ملت من الدراسه ...ليش يابشاير ليش...




ام اياد* هلا انا لائيما بدي ظل هون ..مابيصير هيك الزلمه بيكون اخوه لجوزي الله يرحمو بس مابيصير ضل معو ببيت واحد والله موحلوه بحقي شو اعمل لازم حاكي اياد ونرجع لبيتنا بسرعه او نرجع لسوريا..
مافيني ضل هيك مع هالانسان وانا مو محرم لالو....



الاكل مثل ماهو على الطاوله كل واحد منهم غارق في دوامه افكاره
نزل اياد من غرفته ومعه شطنه سفر صغيره...
طوال اليومين الماضيه كان يدور عليها ومالقها يحاول يعرف وين اختفت لكن بدون فائده جلس مع عمه وبعد ضغط منه عرف وينها فيه ...
حس بقهر يوم قال له عمه انها راحت النمسا بشقه ولد خالتها ....
شلون تروح لولد خالتها وتجلس ببيته وهو عزابي والادهى شلون ابوها ساكت وعادي عنده ...

التفت شاف امه وعمه جالسين صبح عليهم : صباح الخير ...

ام اياد + ابو بشاير : صباح النور ...

ام اياد: تعال حبيبي افطر ..

اياد بدون نفس : مابدي اكل ماما صحه وهنا ان شاء الله ..انا مسافر هلا بيجوز اغيب كام يوم

ابو بشاير : على فين رايح ..شايف معاك شنطه خير ان شاء الله

اياد بجمود: عندي سفره مهمه ولازم امشئ ...

ابو بشاير فهم عليه : يجوز ترجع بسرعه ...استناها كم يوم

اياد بقهر: لا مااقدر استنى ... بروح اجيبها واجي

تنهد ابو بشاير : طيب مادامك مصر خلي ادهم يروح معاك يدلك على العنوان و انتبه لنفسك ...ارجعو بسرعه

اياد تقدم وباس راس عمه وراس امه : ان شاء الله لا تشيل هم شئ انا بااتصل عليك بس اوصل .... مشكور عمي يالله في امان الله

ام اياد: الله يحفظك لا تتاخر حبيبي ...

ابو بشاير: مع السلامه ...



خرج من القصر وقلبه يشتعل من الغيره والشوق والحنين لها
من راحت وهو يحترق بنار فراقها ...
مشتاق لها ولانفاسها ..لابتسامتها ولدمعتها ..لريحتها ...
مشتاق لكل شئ فيها حتى عنادها ..ااه ياعنادها
نشفتي ريقي يابشاير ..تعبتي قلبي الي ذايب بهواك يا نبضه..
وجودها مع رجل اخر وبعيد عن عينه يحرقه اكثر واكثر
كاانه كتله نار الغيره قاتله وموجعه حتى النوم مو متهني فيه بسببها ...



تنام بشقه ولد خالتها..لحالهم ..الفكره بحد ذاتها تذبحه وتوصله لحافه الجنون مشاعر تشتعل بقلبه لها رغبته القاتله بااعادتها ودفنها بين اضلعه ..
مستحيل يتركها تبعد عنه بعدها ..انتي لي يابشاير لي ....
يكفي اني احبك ... اعشقك ..مااقدر اعيش بدونك ولا اتحمل
اااااااه صرت مجنونك من دون مااحس ...
ومجنونك مع مرتبه الشرف...... وش اسوي لقلبي...


سامحيني جرحتك وعذبتك ..انتي غلطتي وانا السبب ...
حتى ماعرفت اعالج غلطك الا بغلط اكبر ....
انا دايم كذا اوجع الي احبهم ...مجنون حبيبك...وانتي تعرفينه...


ارجعي لجلادك وعلميه معنى المحبه ..ارجعي وغيريني واغيرك
ارجعي وخلينا نحاول سوا ...خلينا نصلح اغلاط بعض ..
ارجعي ياانفاسي ...


ياترى ايش تسوي دحين ...متذكرتني ؟ اكيد زعلانه مني ....
جالسه لوحدك ...تبكين ...او تضحكين ....ناسيتني او مفتكرتني ..
اكيد جالسه معاه ..."عض شفايفه بقهر"


بالقوه او بالطيب بترجعين لي...بتحبيني مثل مااحبك ..
ادري فيك تحبيني وبتحبيني اكثر
جرحتك وزعلتك وقهرتك وانا غلطان وحمار ...اوعدك اصلح كل شئ
تضلين حقتي... ملكي ..حبيبتي انا وبس ..
ااااه مشتاق لك يا عذابي مشتــــــــــــــــــــاق ...




يا هوى روح و قلو قلو كتير اشتقتلو لو بدو عمري كلو بعطيه
لما يا حبي تردو راح كمل عمري حدو نار تطفيلو بردوا و دفيه

ردو يا هوى لعندي قصر لي المسافات
حامل بإيدي ورده آهات و ذكريات

حبيبي يالي بحبو قلبي معلق بقلبوو عم بحلم فيه

بغنيلو ما بيسمعني حتى يحن و يشفعلي من يوم الي ودعني بناديه
نيمت الصوره حدي غفيت عالم خدي غمضت عيوني و بدي دفيه

ردو يا هوى لعندي قصرلي المسافات حامل بإيدي ورده آهات و ذكريات
حبيبي يالي بحبو قلبي معلق بقلبوو عم بحلم فيه



اخذ اول رحله برفقه ادهم احد الموظفين بشركه عمه متوجه للنمسا بالتحديد للعنوان الي ساكنته بشاير ..وشوقه سابقه لها ....














بيـــــت بنــــــــــــــــــــــــدر

بدا بحزم اغراضه واغراض رنيم بعد ماجدد جوازات سفرهم وحجز لاقرب رحله لكندا اخذ اجازه مفتوحه من عمله وهو حاسم قراره وحاس براحه كبيره له لاول مره حس انو انصف بحياته وسوا الشئ الصح ..

راح يسافر معها ويبدأ معها بدايه جديده ببلد بعيد عن المملكه
حياه جديده وجميله بااذن الله ....
بعيد عن الماضي الحزين ..راح ينسيها الي عاشته ...
ينسيها كل لحظات الالم والاه الي حستها ...
ينسيها كل شئ تسبب بنزول دموعها ...يعوضها عن كل الي صار ...
الا امهم ... ما يقدر ينسيها او ينسى هو ...
كل الي يقدرون يسوونه يحققون امالها فيهم ......
عشانك ....يمه بنعيش وبنستمر وبنحقق احلامك...
لازم يمحى الي عاشه من ذاكرته ..كفايه انهزام كفايه بكاء ......
يبدأون ...وكأنهم توهم انولدو من جديد...

كلم صديق له يهتم باامور البيت بفتره غيابهم الي ممكن تكون طويله المدا
كلم رنيم تستعد سفرتهم بكره وماعاد في وقت...


جهزت كل شئ بااسرع وقت مو مصدقه انها راح تسافر وتكمل دراستها بره مثل ماحلمت طول عمرها ...راح تبعد كل شئ موجع بحياتها...
تنسى الماضي المرعب ....راح تنسى الحب وايامه واهاته ....
راح تنسى الجرح وتدفنه بمكانه ..طفلها الي راح ...
راح تنسى عبدلله والي سواه فيها ..راح تنسى الحب....

تنســــــــــااه وتنظف قلبها ...
تنظفه من كل شئ عالق لسه فيه ..مايستحق يضل لها أي ذكرى له
ولا لاي شئ يتعلق بهذا المكان ..
مافي شخص يستاهل يضل بذاكرتها بعد اليوم دموعها نزفت اكثر من الازم لازم تخلي مساحه لفرح جديد ولحياه جديده ..
يمكن تلقى حب جديد بعيد عن هذا المكان الي عذبها طويلا....
تبعد عن كل شئ ....


اااه اخيرا باارتاح اخيرا بحس اني انسانه يحق لها تعيش ...مثل كل الناس
اعيش انا وبندر بمكان ثاني بعيد احقق احلامي واعيش مثل مااتمنى
وكاني ماعاشت قبلها يوم ....


حسها ولاول مره بحياته تبتسم له من قلب نظراتها له كانت غير نظره محبه وابتسامه ترد الروح .... اول مره يشوفها بعيونها ....
فهم الان سببها ..عمره ماسوا شئ واسعدها فيه دايم يقهرها ويزعلها ..
عمره مافرحها بكلمه او بااي شئ ...كيف يشوف النظره بعينها ....!
وايش سوى اصلا عشان يلقى منها هذا الحب الي يشوفه الان ....ولا شئ..
حست بوقفته معها لاول مره سبب تفرح عشانه وتمنحه هذي النظره والابتسامه ...ياطيبه قلبك وطهر روحك يارنيم ...
ماا تستاهلين تنزل دمعه من عينك
راح اعوضك ياقلب اخوك راح تشوفين بندر ثاني ..



بندر: رنيـــــــــــــم يابنت فينـــــــــك ...

نازله من غرفتها وبيدها اكثر من شنطه : جـــــــــايه لحظه بس معايا الشنط ...بندووووور تعال ساعدني الشنط ثقيله مره

ركض لها وسحب منها الشنط وهو زعلان صرخ بوجهها عفويا : ليـــــــش تنزلينها بنفسك كان خليتي ميشا تنزلها.....

لوت رنيم بوزها وهي تنتفض : مافيا شئ اقدر اشيل بس ساعدني شوي ميشا مشغوله ...

بندر يحاول مايعصب عليها بطبعه حار وعصبي :رنيــــــــــــم انتي لسى تعبانه مالك كم يوم راجعه من المستشفى ...لا تشيلين شئ انا وميشا بننزل كل الاغراض انتي ارتاحي

رنيم ووجهها صار احمر شوي وتبكي : بس انا ابى اساعدكم ...

ضمها وهو يشوفها شوي وتبكي ...صارت حساسه وبسرعه تتأثر ماتحمل يزيدها عليها : لا تزعلين مني يارنيم والله من خوفي عليك مالك فتره خارجه من عمليه وانتى ادرى فيها ....

رنيم ودموعها تنزل : انا اسفه ....

مسح دمعتها ولمها له : لا تبكين ياقلبي ...ارتاحي وريحيني كل شئ بيصير زيي ماتتمنين بس انتي اسمعي كلامي ....

هدأت وهي تسمع كلماته تمسكت فيه وهي تحس بحنانه عليها :
الله لا يحرمني منك يا بندر

بندر : ولا يحرمني منك يارب ....يالله روحي اجمعي اغراضك لا تنسين شئ وارتاحي بغرفتك كلها شغله ساعتين بس

رنيم ابتسمت: حاضر ...طيب خلينا نسهر سوا اليوم في فيلم مررره حلوه

بندرمسح على راسها بحنان : حااضر ياا احلى رنوووم يالله خلينا انزل الاغراض وارجع لك ....

بعد ساعتين رن جرس البيت بشكل مستمر ...
نزل بندر وفتح الباب تفاجأ وهو يشوف خالته وزوجها هم الزوار بهذا الوقت .....

ابو عبدلله : مافي تفضلو ياولدي

بندر بجمود ..نظرته ماكانت مرحبه وجودهم لكن احترام ان المرأه الواقفه تضل خالته ومالها ذنب... مو قادر ينسى الي صار كلو بسبب ولدهم حاله رنيم والي وصلو له : تفضلو....

دخلهم للمجلس الداخلي نادى على ميشا تجيب العصير ماحب رنيم تعرف انهم موجودين نفسيتها ماراح تتحمل جيتهم ويمكن يجي ببالها انو ناوي يزوجها فعلا لعبدلله .....

الجو كان متوتر بينهم ..ابو عبدلله منحرج ومنكسف مو قادر يحط عينه بعين بندر وزوجته بحاله اسوا من حالته ....

ابو عبدلله تحمحم: احم احم كيفك ياولدي يابندر ان شاء الله بخير انتا واختك ايش اخباركم ...

بندر ركز عينه فيه : بخير ...عايشين الحمدلله ...

ام عبدلله بتوتر : يمه بندر وينها رنيم مااشوفها جات تستقبلني ..؟

بندر بجمود: رنيم نايمه وتعبانه ماحبيت ازعجها ...بس ايش سبب الزياره ياخاله خير ان شاء الله الوقت متأخر ولا تزعلين من سؤالي

حزت الكلمه بخاطر ام عبدلله بس ماتقدر تشره عليه ولا تفتح فمها بكلمه وحده سواد وجه ولدها يكفي ...: لا مازعلت ياولدي ...بس ابا اشوفها واتطمن عليها وعليك ...

بندر بهدوء يحاول مايزعلها بكلمه قد مايقدر : تطمني مافينا شئ وعايشين احسن عيشه لا ينشغل بالك ياخاله

نزلت دموع ام عبدلله غصب عنها : انـــت تحســـب اني مو حـــاسه يا بندر انا حـــــاسه وقلبي يوجــــعني الي صــــار كســـــرني مثل ماكســــركم ويمكن كسرني اكثر منـــــــكم انا بين نارين رنيــــــــــم بنتي وعبـــــــــــدلله ولــــــــدي والي ماتت اختــــــــــي قلبي يتحمــــــل ايش والا ايش فهمنــــــــــي...

مسكها ابو عبدلله يهديها : بس حبيبتي هدي ..

بندر ماعرف وش يقول حاله خالته مزعلته بس مايقدر يبتسم لها ويقول لها مافي شئ ولا كأن شئ صار....راح يكون منافق لو سواها ...
وبنفس الوقت مايبي يحملها كل شئ صار وذنب ولدها ..
بتضل مالها ذنب بشئ ........الغلط كان من عبدلله نفسه وبس .....

بندر مسك كتفها : بس ياخاله ...خلاص يكفي الي صار صار ...انتي مالك ذنب بااي شئ بس رنيم كمان مالها ذنب ...امي مالها ذنب بشئ ..

ابو عبدلله: بس نقدر نصلح كل هذا يا بندر امك ماتت والله يرحمها هذا يومها وكانت بتموت باليوم الي ربي كاتبه ولو على فراشها ..هذي حكمه رب العالمين ورنيم الحمدلله بخير وربي بيعوضها ..احنا جينا اليوم نحل كل شئ بنخطب رنيم لعبدلله ..نزوجهم وبكذا حلينا جزء كبير من المشكله ...

ام عبدلله : أي هذا الحل لكل شئ ..ادري عبدلله غلط وسبب لنا مشاكل كثيره بس هو يحبها ويباها

وقف بندر ولف وجهه عنهم : بس انا مو موافق ازوجها لعبدلله

ابو عبدلله استغرب: طيب ليش ؟ بعد الي صار لازم يتزوجون ماراح نسلم من كلام الناس ومستقبل اختك اهم.....

لف بندر وحط عينه بعينهم: اختي ماتبى ولدكم ..وانا ماراح اجبرها على شئ هي ماتباه كفايه العذاب الي تعذبته بسبب عبدلله ...

وقفو الاثنين مصدومين بكلام بندر ...توقعو رنيم ترفض بس رفض عبدلله شكل صدمه كبيره عليهم ...

ابو عبدلله: كيف يعني ماتبغاه ...هذا ولد خالتها والي صار بينهم مو شويه الناس بتاكل وجيهنا..

بندر بقوه: الناس مايدرون وش صار بينهم وانا ماراح ابني أي شئ على حساب سعاده اختي لا كلام الناس يهمني ولا أي شئ ثاني

ام عبدلله: يعني شلون ...كيف بنحل المشكله هذي يابندر اعقل مهما كان يضل عبدلله اولى فيها من الغريب يحبها وشاريها

بندر بعصبيه: أي باين يحبها وشاريها يقوم يغتصبها ناسي ورامي ورى ظهره كل شئ وكل الناس ماحط اعتبار لاي احد حتى خالته ....

ابو عبدلله : بندر سمي بالرحمن ياولدي ..انت كلمها وحاول تقنعها يمكن ترضى وتتزوجه وتحل القصه

: بس انا ماابيه ...

التفت الكل للباب كانت واقفه وهي متحجبه مو باين الا وجهها منها ...

ام عبدلله : رنيم فكري حبيبتي عبدلله يحبك وكل الي سواه لانو يبغاك وانت عرفينه وانتو صغار

رنيم بخوف وهي تطالع بندر : انا مااباه ياخاله مااقدر اتزوجه وبندر وعدني يخليني براحتي

وقف بندر وسحبها وهو يشد على يدها كمسانده منه : وحتى لو رنيم ماعندها مانع انا لا يمكن اوافق ياخذها بعد الي سواه فيها

ابو عبدلله بجديه: بندر الموضوع مو سالفه توافق او لا هذا في سمعه العائله لازم نزوجهم ومانخلي مجال لاي شخص يتكلم

بندر: وانا اصلا ماراح اعطي مجال لاي احد يتكلم انا ورنيم مسافرين بكره بنكمل دراستنا بره ونبعد

تفاجأ ابو عبدلله وام عبدلله بالخبر ... كل الي يسمعونه كان مفاجأ تماما ..

ام عبدلله: بندر انت تتكلم جد ..كيف تسافر معاها وبيتكم واهلكم ..وشغلك ودراست رنيم ..مافكرت بكل هذا ...

بندر بثقه: احنا مدبرين كل شئ بنسافر نكمل دراستنا بره وانا بشتغل هناك هذا احسن حل اما زواج عبدلله من رنيم فمن سابع المستحيلات .......









يتبع