..في الطريق الى المطار ...
انطلقت السياره بداخلها ثلاثه اشخاص ...كل شخص يعيش في عالم مختلف عن الاخر ..لكل منهم دافع للسفر
الوجهه واحده ...البلد واحد ....والهدف واحد ...
الهرب والنسيان بحثا عن حياه اخرى ...
الاختلاف يكمن بما في انفسهم ....
قراب وقلوبنا بعاد ..
فهد .....هروب من حياه خاليه من أي نكهه او لون او طهم للسعاده ...
بناء حواجز متينه تبعده عن من حوله ...البحث عن شئ مفقود في حياته
ماهوا هذا الشئ ....لم يتوصل اليه حتى الان ...لكنه لازال يحلم باايجاد هذا الشئ دون علم منه انه هوا مايهرب منه ...
افنان.... رغبه في نسيان الماضي ودفن الامال ..يأس وحب وذكريات طفوله لازالت عالقه ...امنيات ذهبت ولن تعود ...رغبه في النسيان
والبدأ من جديد ..دائما تقول دراستي ستلهيني وسأجد ذاتي وقتها ...
سأظل احبك ولن انساك ماحييت ...لكن يكفي تأملا برجوع الراحلين..فهم لن يعودو ...
رغد....الهرب ..ولازال الهرب بحثا عن الامان والسكينه ...هرب من كل شئ ..من حب فاشل ...من انتقام العائله .... والنسيان ..املا بحياه هادئه لا خوف ولا رعب فيها ...انثى كامله تعيش حياتها ...
هل جاء اليوم لزيارتي ؟....هل عرف برحيلي ......اشتقت اليه كثير ...ارجو ان يسامحني .....
كان الصمت هوا السائد ...كل واحد منهم يبحر في محيط مختلف عن الثاني رن جوال فهد وصحاه من دوامه افكاره ...
الكل انشدت اعصابه ...توترهم كان واصل حده ...
رفع جواله ...كان الرقم الي يتصل غريب ...كان يبي يرد ...
لكن فجأه ضغط زر واعطا المتصل مشغول ...
رن مره ثانيه ...
افنان استغربت : فهد رد جوالك من اول يرن ....
فهد بدون اهتمام: الرقم غريب ...مااعرفه ....احسن شئ اقفله اصلا كذا كذا حلغي الشريحه ونجيب شرايح جديده بكندا
خلاص مافي شئ يربطنا بااحد هنا ...
سكتت افنان ......كلامه صحيح بس هي عندها ناس مرتبطه فيهم هنا ..رنا واشواق والبنات ...دخلت يدها بشنطتها وطلعت جوالها ...
استغربت في 7 مكالمات لم يرد عليها .........من ...امل !
غريبه ليش متصله ...اكيد تبا تسلم ؟ بس 7 مكالمات عاد ..!
التفتت لمقعده الي فالخلف همست لرغد : رغوده تعرفي من متصل عليا ...
رغد: مين؟
افنان همست : اخت فارس ........امل
رغد: غريبه ..."ابتسمت لما تذكرت "بس تعرفي يمكن تبى تعزمك لملكتها
افنان: ملكتها !!!!!
رغد: يب يب ..فارس قال انو ملكتها امم ايوا امس قال انو حتكون على اساس بكره وهوا منشغل مره عشانها ..
افنان: ماشاء الله مع انها لسه صغيره على الزواج ...الله يوفقها اجل اكيد كانت بتقول عن ملكتها حرسل لها رساله تهنئه لما نوصل كندا اتصل وابارك لها براحتي
رغد: حلووو الله يهنيهاا ويسعدها
افنان : امين تستاهل كل خير ....الا مين حتتزوج ؟ من اقاربها ...
رغد تحاول تفتكر : ايوا كانو قال لي انو ولد خالتها مدري خالها
افنان: اهاا ...الله يوفقها "التفتت لفهد " فهود تعرف انو امل حتتزوج ...
فهد: أي امل ؟ صاحبتك ؟
افنان باابتسامه: لا ...تتزكر امل الي جبتها من اول وكانت في مشكله وساعدتها حاول تتزكر ...
سكت شوي ...يحاول يستوعب الكلام ....مو معقوله ...
امل ...........حتتزوج !
حاول يتمالك نفسه : ماشاء الله ...متى مو كأنها صغيره على الزواج ...
افنان:الا مره صغيره بس جا نصيبها ...يمكن بس تملك وتتزوج بعدين انا ماكلمتها لسه لما نوصل حتصل ابارك لهاا
سكت فهد وهو لحد الان مو مستوعب ...وقع الخبر عليه كان قوي ...لكن خلاص مادامها بتملك لازم اخرج أي شعور تجاهها ببالي
اصلا كيف افكر بطفله ......اكبر منها ب10 سنوات
تضحك على نفسك .....اي طفله الي بتتزوج وهي ماكملت 16 سنه
بس اكيد بتاخد واحد اكثر شئ اكبر منها ب5 سنوات ...
انسى يافهد انت شفتها فتره بسيطه ..لا تسوي انك حبيتها .....
انتبه للشارع كان بلحظه راح يقطع الاشاره ....
افنان انفجعت : فهد انتبه اشبك كنت حتقطع الاشارره
فهد: لا تخافي سرحت شوي .....
رغد قربت من افنان وهمست : فارس اتصل عليا ...لقيت مكالمه منو
افنان بهمس: طنشيه ولا تردي عليه ...يمكن بيتطمن اسمعي شوفي قربنا رحلتنا مابقى عليها الا ربع ساعه ...انسيه
رغد بقلق: طيب
كملو مشوارهم ..لحد ماوصلو لارض المطار لاكمال اجراءات السفر ..
النمســــــــــــــــــــا
شقه ســــــــــامر
جالسه تلعب سوني وهو يلعب معها ..والجو حمااسي بشكل غير طبيعي من زمان مااجتمعو مع بعض حست روحها رجعت لها رغم جرح قلبها ....
سامر: ايوووووووووا ايوااااااااااا
بشاير: انا حفووز سيارتي حتوصل الاول
كانت النتايج متقاربه كلهم قربو من خط النهايه وصل سامر لخط النهايه قبلها وفاز بالعبه ..
سامر رمى الذراع ونقز : فززززززززززززززززت عليكي ههههههههههههههااي خامس مره يا فااااااااااشله
بشاير: لاااااا غش ياغشاش كيف كدا كنت حفوووووز عليك
سامر : اما ههههههههه ايوا ايوا لما افوز اصير غشاش ولما انتي تفوزي تصيري محترفه
بشاير: هههههههههه ايش اسوي لك تحب تقهرني تيب فوزني انتا وفرحني مره يعني مايصير تفرح بنت خالتك
سامر قبص خدها : يالبى قلبها بنت خالتي ياناااس امووت عليهاا ...
بشاير: ههههههههههه خف علينا ياروميو لاحد يسمعك بس يصدق
سامر بااستهبال :هههههههه لا واللهي ماامزح انتي عسل ماشاء الله وحلوه صح اخلاقك مو مره مررره
طالعتو بشاير بنص عين ..................
سامربااستهبال : هههههههههه لا تطالعي كدا يعني فيكي غرور شويتين ..بس واللهي لو ماكنت اخوكي بالرضاعه كنت اكيد حبيتك وتزوجتك ماشاء الله ماينقصك حاجه يكفي طيبه قلبك
بشاير بخجل ممزوج بخيبه : ههههه يعني شايفني متميزه وانحب لا تجامل
سامر بجديه: ليش في احد قال غير كدا ...انتي متميزه وطيبه ومافي بنت احسن منك بس لو
بشاير : لو ايش ....
سامر بتردد: والله خايف اقولك تزعلي مني وانا ماابا ازعلك
بشاير بااصرار : قوول ماحزعل منك
سامر بجديه : لو تغيري شويا بطريقه لبسك ومعاملتك ...شوشو انتي ماشاء الله فيكي جمال وتعرفي انو حرام تطلعي دا لغير محارمك لانك بتفتنيهم حتى كلامك مع الشباب لازم تكوني رسميه شوي اكيد فاهمتني ...شوفي اسما صاحبتك متحجبه واخلاقها كويسه كوني زيها ...
بشاير بسخريه: يعني انا مو متربيه وزيي زي العاهرات
سامر على صوته: لا اعوووووذ بالله ...ماوصلت كذا يابنت الحلال بس لاني احبك واباكي احسن الناس قولت لك بشاير الناس تفكيرها مو واحد اذا انتي تفكري انو عادي وانهم زي اخوانك هما مايفكرو كدا
ياقلبي الناس قلوبها مو زي صفاء قلبك لازم تتعلمي الدنيا كدا ...
بشاير بحزن: بس انا احاول اتغير ياسامر ...لكن احس اني عمري ماحتغير انا من انولدت كل شئ اسويه بكيفي محد يقول لي لا وانتا عارف
سامر: انا عارف وفاهم الموضوع صعب ويبالو مجاهده نفس ابدء خطوه خطوه لما تتعودي صدقيني حتحسي براحه نفسيه لاتسوي عشان أي شخص سوي ذا الشئ بااقتناع عشان ربك ونفسك مو عشان انا قولت لك او أي احد ثاني ابدئ البسي ملابس متستره اقربي من ربي اكتر ...
نزلت دموع بشايرلو اياد قال لها هذا الكلام ماكانت سوت الي سوته ماكانت عاندت بس هو جرحها وجرح انوثتها بكلامه ...: سامر انا مخنوقه والله تعبانه مره
ضمها له وهو حاسس فيها فرح برده فعلها حس بشاير اخير استيقظت من سبات 20 سنه مع انو ماتوقع يشوفها الا بالاجازه وجيتها فاجأته ...بس فرح فيها وحسها بدايه حلوه ...
سامر: ابكي ياقلبي صدقيني حترتاحي وانا جنبك متى مااحتجتيني اول طياره النمسا جنبك هههههه
بشاير ضحكت من بين دموعها: يعني تباني اجيك انتا تعال ايطاليا او اقولك ارجع السعوديه اكيد خالتو مشتاقه لك
سامر: وانا اشتقت لهم والله اكيد برجع ابا اتزوج يااختي تعبنا من العزوبيه خلاص ابا اهتمام واحد يسأل عني
بشاير: هههههههههه خلاص انا حخطب لك اممم لو اسوم ماتزوجت كنت خطبتها لك بس ماشاء الله تزوجت وحامل
سامر: ماشاء الله الله يسعدها هههه عادي لما ارجع اخطب من بنات بلدي خليني اخلص دراسه بس
بشاير : حلو الله يعين نفسي اخرج تجي نتمشى سوا
سامر : يالله مشينا ...وها من دحين ابدئ تغيير بلبسك ياست البنات
ابتسمت له بموده وراحت تبدل بغرفتها ....مستعده للخروج ولازال الالم بقلبها موجود ...
يتبع