[جنون المشاعر]

البــــــــــــــــــــارت الواحد والاربعـــــــــــــــ 41ــــــــون




بالمســــــــــتشفى..
خرج عمر من دورة المياه والتفت يطالع لفراس بس مالقيه بمكانه استغرب وتوقع انه راح يشتري شئ ..طلع من المستشفى متوجه للمطار لاستقبال نادر وهو بالسياره اتصل على جوال فراس اول ماشاف الاشاره حمراء ..

عمر وقف ينتظر الاشاره تفتح: الووووو

فراس بصوت متعب: هلا عمر

عمر استغرب اشبه منكد: فراس اشفيك ابوك بخير ؟؟

فراس: لا تخاف بخير بس فجعني الدكتور وقال المريض يحتضر ..

عمر انفجع : اووف

فراس كمل:ويوم رحت طلع مخربط الله ياخذه طيح قلبي ..

عمر وهو يسمع اصوات الضجه بره لانه الاشاره قربت تفتح: لا حول ولا قوه الا بالله ...اسمع انت روق وريح راسك شوي انا رايح اجيب نادر

فراس : صح انت متى بدلت ؟؟

عمر ما يسمع مع الاصوات : الووووووووو فراس ترى مااسمعك

فراس بصوت اعلى : اقووول متى بدلت ملابسك ..

انفتحت الاشاره وبدت بواري السيارات تزعجه : والله مو سامع شئ اسمع انت روح البيت عند امك لا تخليها لحالها ولا تقولها شئ عن الي صار
وانا اكلمك بعدين ok باي

فراس: ok باي

توجه عمر للمطار لاستقبال نادر اما فراس بعد ماتطمن على ابوه خرج من المستشفى واخذ تاكسي لبيتهم .....
























يــــــــوم جديــــــــد يمـــــر على ابطالنــــــــــــا....

نــــــــــــــــواف


خرج من الصباح ورتب شنطته ..حط فيها كم بنطلون وتيشيرت وبدله شتويه وبجايم نوم ...بالاضافه لمكملاته الاساسيه وادواته الشخصيه ومبلغ مو هين كان مجمعه طول الفتره الي طافت ........

خرج على روس اصابعه من الغرفه وهو لابس جينز اسود وبلوزه كمها طويل بيضاء عليها جكيت اسود وجزمه رياضيه بيضاء مقلمه بالاسود استعداد للخروج من البيت ...
نزل ومن حسن حظه كانت امه لسه نايمه والبيت هادئ جدا ..

وصل للصاله وبيده الشنطه تنهد براحه و اول ماحط يده على مقبض الباب سمع صوت من خلفه ...

:نواف؟!

التفت بشويش شاف مرام قدامه بالبيجامه وباين بوجهها النوم ماسكه قاروره حليب اطفال و تطالعه بااستغراب...

مرام: على وين من الصبح ؟!

نواف باارتباك "يارب ماتلاحظ" : هاا لا بس رايح اتمشى شوي المشي فالصبح زين للصحه

مرام رفعت حاجب : سبحان الله !! غريبه ؟! مو من عادتك تمشي الصبح .. وش طرى عليك فجأه؟

نواف: عادي يااختي قبل لا نروح المدرسه انشط حالي .. كمان انا متواعد مع اصحابي مو لحالي

مرام: اهااااااااااااا قول كذا من الاول ...طيب وانت راجع جيب لي علبه جالكسي مشتهيته ...

نواف : ان شاء الله ..ها تبين شئ ثاني انا مستعجل فادي ينتظرني

مرام: لا سلامتك اممم بس اذا مصر جيب حلويات للبزران و بس وماتقصر يااخوي عساك عالقوه

نواف: الله يقويك مافيها شئ يالله في امان الله انتبهي لنفسك زين و للعيال ولاامي وغرام بعد ...

مرام: الله الله الي يسمعك يقول رايح الحرب !!

نواف باارتباك يرقع: لا بس البيت مافيه رجال حتى طارق مارجع اخاف يصير شئ بغيابي ..

مرام "ياقلبي يااخوي متحمل مسؤليتنا وانت بعز مراهقتك" : توكل على الله الكل نايم وطارق يمكن يرجع بعد شوي ...

نواف بنظرات مافهمتها: يالله مع السلامه ...

مرام: الله يحفظك ....

خرج نواف من البيت وركب تاكسي وافكاره كلها بالبيت واهله كان لازم يتخذ هذي الخطوه من اول بس اخير الفرصه سمحت له طلع جواله وارسل مسج على السريع ...بعدها كلم راعي التاكسي

...على المطـــــــار لوسمحت....!


























بالمستشفـــــــــــــــــــى

قريبا من غرفة الفــــــــــــــــارس

كانت تمشي بااسياب المستشفى وهي بحالة ضيااع حقيقي ... خصوصا بعد ماكانت متعلقه باامل واليوم حست انو كان قريب ..قريب جدا ..
لا يمكن يكون خيال ...
وكلام الولد الي شافته كان اكبر دليل

كانت راح تبتسم لها الدنيا من جديد
لو بس مااتصل خالد عليها بذيك الحظه ...
.....كان ممكن .....
استغفرت الله على كلمتها ...
لو تفتح باب الشيطان .........قدر الله وماشاء فعل
اللهم لا اعتراض على حكمك

دورت ودورت ودورت عليه ...لكن مالقيته
ولا بزاويه بالمستشفى..
بداخلها احساس انها بتشوفه قريب ..احساس عميق يشع بعينها بريق الامل
توكلت على الله وتمنت انه يكحل عينها بشوفة مناها ...
معقوله يكون هو اخيرا ...يكون

نــــــــــــــــــــايف

نايف عايش بعد كل دا الوقت ...
يارب يكون هو ..يارب مايخيب املي ..يارب رجيتك
انت قادر على كل شئ..

مشت لحد ماقربت من غرفه الفارس ..تنهدت من قلب
تفكر باايش او باايش
بفارس ..او بنايف..عائلتها ..صديقاتها ..مستقبلها وحياتها
..او طــــــــــارق مرعبها ...

بمين بالضبط لازم تنشغل وتفكر ...
الي عارفته انها الحين تتمنى شيئين بس
لو تحققو بتحس انها طايره بالسما ..وماتبي من الدنيا غيرهم ...
سلامة فارس..........اولا وهي الاهم عندها من أي شئ ..
ثانيا تتحقق امنيتها ويكون الي شافته هو ...........نايف

كانت قلقانه عليه رغم كل الي صار معها ... راحت و كلمت الدكتور وسألته عن صحة فارس وهي متلهفه ...
قال لها انو بخير ومافي خطر على حياته الحمدلله ...ناقص بس يصحى وتطمن عليه تماما ..
مافكرت بااعترافها الصريح له.. مافكرت بردة فعله ان صحى ..
مافكرت بشئ ابدا
ابــــــــــدا

فكرت بشئ واحد بس .... فــــــــارس!!

دخلت الغرفه بهدوء .. شافته متمدد على السرير ومغمض عيونه ..قربت اكثر منه كان وجهه منور وهادئ فيه جرح بسيط بس مايغير من هيئته
ولا كأنه كان بحاله خطر وتعرض للموت...

مدت يدها ولمست خده ..مررت اصابعها برشاقه عليه حست انه يتنفس بسرعه ..سحبت يدها وحطتها بجيب ثوبها بحركه سريعه ...

حسته بيصحى من حركة رموشه المضطربه..! حست بخوف وبشوق ومشاعر كثير تجتاحها بذي الحظات ...تمنت ترتمي بحضنه وتقوله انا معاااك لا تتركني ...بس مستحيل هالشئ ...

فتح فارس عيونه بشويش ورفع نظره لفوق ...طالع حولينه والارهاق باين عليه نزل نظره على نايف وتغيرت نظرته بشكل غريب .. نظره غريبه
بدا يأشر على حلقه ..
فهمت عليه وراحت تجيب له مويه بسرعه ..مدت له الكاسه واخذها منها بدا يشرب المويه بشويش لان لسه تعبان ...
غمض عينه بعد شوي وفتحها وعينه على رغد رمى عليها نظره غريبه وكأنه يستكشفهااا ..ارتبكت ..

رغد مسكت يده باارتباك: الحمدلله على سلامتك خوفتنا عليك ...

فارس وعينه عليها : الله يســ ــلمك "رفع جسمه بيجلس بس توجع "ااااه

رغد رجعت سدحته على السرير: اششش خليك مكانك ولا تتحرك لسه ماطبت تمام خليك متمدد

فارس بصوت متقطع : نــ ـــايف ....

رغد لاشعوريا ردت من قلبها : لبيـــــــــــه ....!

فارس ابتسم ابتسامه لا تذكر : لبيــ ــت بمــ ــكه ...انا وش صـ ـار لـ ـي؟!

رغد ارتبكت وماعرفت كيف تشرح له : لا تخاف انت بخير ومافيك الا العافيه حادثه بسيطه وربي نجاك ارتاح وانا اقولك كل شئ

فارس: طيب .. كم صارت الساعه ؟

رغد طالعت ساعتهاا : الساعه 5ونص فجر ...

فارس: الله نمت كثير ..كم فرض فاتني ..استغفر الله العظيم

رغد: لا تقول كذا انت كنت مريض ومعذور مو تهاون منك
والله غفور رحيم الحين اذن الفجر قوم انا اساعدك تصليه وريح بالك عشان صحتك ..

فارس تحرك يبى يوقف مسكته رغد وساعدته يوقف لان عمليته لسه مالتأمت ومايصير يتحرك كثير ..وصلته للحمام "الله يكرمكم " ونبهت عليه المويه ماتوصل للجرح .. وضلت واقفه تنتظره يخرج ..

شافته تأخر وخافت يكون فيه شئ او اغمى عليه دقت عليه الباب: فارس انت بخير ؟؟

بعد دقيقتين خرج ووجهه مبلول وباين عليه الارهاق ارتاحت ..مسكت يده و سندته لكتفها لانها حست انو مو متوازن ..
كان جسمه ثقيل عليها وحست بلحظه انها بتطيح على الارض خصوصا ان صحتها متدهوره بس تماسكت وقوت نفسها ...
جلسته على السرير وفرشت له سجاده عدلت له كرسي بااتجاه القبله وخلته يجلس عليه ويصلي وهو جالس ....

وهي تراقبه بتمعن لحد ماخلص صلاه واستغفار ..

رغد: تقبل الله

فارس: منا ومنك صالح الاعمال

رغد: امين يارب ...
مسكته ووقفته ورجعته للسرير وجلست بالكرسي مقابله له وتطالعه كان شكلو تعبان فعلا لسه مالو كثير خارج من عمليه مو هينه ...

فارس :ااااااه احس بصداع وراسي بينفجر ابغى مسكن او شئ يخفف الالم مو قادر اتحمله ..

وقفت رغد خارجه : ok انا بااجيب لك بس بكلم لك الدكتور اول

فارس: نايف ....

رغد لفت عليه : هلااا

فارس طالعها شوي بعدين سكت نقل نظره للجدار : لا ولا شئ بس لا تنسى المسكن معاك

رغد استغربت وش كان بيقول بس سكتت : ok

خرجت رغد من الغرفه والابتسامه شاقه وجهها مبسوووطه انو صحى ..هذا اهم شئ ..اتصلت على ابو فارس وطمنته انه ولده صحى الحمدلله
ومافيه الا العافيه ..وقال لها انه جاي مع زوجته بعد كم ساعه ....

جابت له علبه مسكن و كاسه مويه وفارس اخذها منها و شربها وحاول يعتدل بجلسته ويصفي ذهنه ...

في هذه الحظه سمعو صوت دق على الباب ...
رغد: تفضل ...

دخل خالد الغرفه وبيده باقه ورد كبيره : السلااااااااااااام عليكم

فارس+رغد:وعليكم السلام ورحمة الله

قرب وسلم عليهم الاثنين وحط باقه الورد جنب فارس: الحمدلله على السلامه يالسبع خطاك السوء

فارس: الله يسلمك يابو وليد خطاك الاش تعبت نفسك وجيت وانت لسه مالك كم ساعه جاي من السفر

خالد: افااا عليك بس اصلا ماقدرت ارتاح الا يوم تطمنت انك بخير نايف ماقصر طمني ودلني على المستشفى والا كنت ماادري عن شئ ..

نايف: احنا ربع مابيننا هالكلام

خالد : يوه نايف وجهك تعباان انت بعد سلامات ..

نايف باابتسامه: الله يسلمك مافيني شئ بس ارهاق بسيط ...

خالد: اشوه ....الا طارق وينه ؟؟ وعبدلله بعد كان جاي ؟

فارس: والله ماادري عنهم جوالي انكسر ولا ادري عن شئ حتى الي صار لي مو متذكره زين

بلعت رغد ريقها بخوف ....

خالد ربت على كتفه: لا تفكر كثير الي صار صار وانتهى وزين الي عدت على خير وبعد الحمدلله انك بخير وسلامه....... نايف حكى لي كل شئ وقال ان الشرطه مسكتهم على حد علمه ...

فارس: الحمدلله ...

وقف خالد : يالله انا استاذن رايح اريح فالبيت وراجع لكم فالظهر

رغد + فارس: الله معاك

فارس طالع رغد بالتفاته سريعه : وانت يانايف ماقصرت روح ارتاح وجهك تعبان تطمن انا بخير روح انت وريح راسك

نايف من قلب: لا تخاف انا بخير مافيني شئ خليني اجلس معك شوي ابي اتطمن انك بخير تمام

فارس نزل نظره فجأه وملامحه وجهه متغيره بدون مايقول كلمه وحده ...
كان بس صامت طول وقته ....ويطالع برغد؟... ويشيل نظره للغرفه
وكأنه جالس يحل معادله بعقله الباطن
ويفكر بعمليه حسابيه معقده !!
حسته تعبان بس مايبغى يتكلم قلبها قابضها ماتدري ليش .........
خرجت من الغرفه تنادي الدكتور يشوفه ....

رجعت للفارس ومعها الدكتور الي اجرى الفحص كامل لفارس واعطاه ابره مهدئ خلته يرجع ينام من جديد ...

حست باارهاق فضيع وطاقتها راحت طالعت بوجه فارس الي نايم بسكينه
اتصلت على افنان بس مالقيت رد منها توقعت انها نايمه
جربت تتصل على اشوااق من زمان ماسمعت صوتها او كلمتها
بس اشواق اعطتها مشغول !!

حطت راسها بين كفوف يدها تتذكر كل الي صار معها وكأنه كابوس فضيع ..خلااااص ماعادت عندها طاقه تتحمل اكثر من كذا ... لها اكثر من 27 ساعه مانامت ومن صدمه لصدمه ..

جلست على الكرسي جنب فارس وبيدها كتاب حاولت تشغل نفسها بقراءته ماحست نفسها الا غارقه في عالم الاحلام ....




يتــــــــــــبع