بسمه تعالـــى :~~
سلام الله عليكم
مراح اطول عليكم لأنو قصة الشايب طويلة لألأ مو طويلة
يلا نشوف
شايب يودع 500 ريال يومياً
في البنك لمدة شهرين .
إستغرب موظف البنك من قدوم هذا الرجل الكبير يومياً للبنك لمدة شهرين ليودع 500 ريال
راح الموظف لمدير الفرع وقال له
عن قصة هذا الشايب .
...قال المدير للموظف يمكن إنه يفكِّر
إن الإيداع مثل السحب من الصراف وأن الحد الأعلى للإيداع هو 500 ريال .
قال المدير للموظف إذا جاك بكره خله يمر علي .
جا الشايب على موعده اليومي
وقال له الموظف مر على المدير
قال الشايب : خير
ومر على المدير .
سأله المدير إيش قصة ال 500 ريال اليومية ؟
لو عندك مبلغ كبير تقدر تودعه
مرة وحدة .
قال الشايب : ماعندي مبلغ كبير وهذي ال 500 أكسبها يومياً !!!
المدير : عندك محلات ؟؟
الشايب : لا... أنا أراهن يومياً
من 500 وأكسب الرهان .
المدير : كيف ؟؟
الشايب : طيب أنت ألحين تراهني
من 500 ريال أني أبوس عيني !!!
المدير : أراهنك .
طلعت عينه تركيب طلَّعها وباسها وكسب من المدير 500 ريال
فغضب المدير .
الشايب : تراهني مرة ثانيه أني
أعض أذني ؟؟
طمر المدير على أذن الشايب يشوف
إذا كانت تركيب أو لا لقى أذنه ماهي تركيب . قال : أراهنك
طلَّع الشايب طقم أسنانه التركيب
وعض أذنه وكسب 1000 ريال ومشى وفي اليوم التالي راح المدير للموظف وقال له إذا جاك الشايب خلَّه يمر علي . وجا الشايب وقال
له الموظف : مر على المدير يبيك .
دخل الشايب على المدير
المدير : ياأخي حرام عليك .
أمس ضحكت علي وخذيت فلوسي
بدون وجه حق .
الشايب : طيب تراهني .
وإذا فزت خذ فلوسك وفوقها 500 ريال وإذا فزت أنا مابي منك شيء
فكر المدير ولقى إنه في الحالتين
مو خسران شيء .
قال المدير : موافق .
الشايب : تراهني إن سروالك الداخلي ( يعني هافك ) لونه
أزرق ؟؟
المدير : فزت عليك سروالي أبيض
الشايب : خلني أشوفه
فصخ المدير ملابسه .
قال : شوفه أبيض .
عطني فلوسي .
ضحك الشايب . قال له المدير :
وش اللي يضحكك ؟؟
الشايب : أنا اصلاً مراهن كل موظفين البنك على إني أفصخك سروالك بخمسين ألف !!!
شايب خطيررر=))
لببى شيابناَ الله يطول بأعمارهم قولو آميين على الاقل