[سكون الصمت]

عدت لكم ,,

بتكلم لكم بالعاميه اسهل لي ,,

بصراحه في مدرسين يشرحوووون والطلاب مفهيين بشكل لدرجه لو يدرسهم رياضيات وهو عربي ما يدروا وين الله قاطهم ,,

اخر شي زوجي مدرس ولله الحمد صرح لي من قبل انه ناوي ينجح كل طلابه عشان يرتاح من اختبار الراسبين وعشان بالمره اجازته تكون اطول ,, لما رجع من اسبوعين الاختبار اسأله اذا بيرجع عشان الراسبين او لا ؟؟ صدمني انه عنده حدود ال7 راسبين .. قلت له كان حاولت تنجهم يعني كان عطيتهم الدرجه كامله على الواجب او المشاركه ,, قالي سوينا كل شي بس ما في امل .. هذا نوع ..



النوع الثاني حصل لي انا واختي شخصياا ,, اللي هو في معلمه الله يستر علينا وعليها كانت حاطه دوبها دوبنا ابد مو مخليتنا في حالنا ,, يعني ما يعجبها العجب ولا الصيام في رجب ,, كانت تفضل بنات على بناات ,, والكل يقول بهالشي ,, وكانت تعاملني بهالشي على ايام دراستي ,, والحين نفس الشي مع اختي ,, اختي تقول مره عطتهم سؤال ذكااء وعاد اختي رفعت صبعها على انها بتحاول تحله وللاسف حلته وكان خطأ تخيلوا شنو قالت لها ,, فلانه لا تتذاكي على الفاضي ,, هذا وهي مدرسه علم نفس ,, يعني المفروض تراعي نفسية الطالبات ,, هذا شي من اشياااااء لا تحصى من عمايلها مع اختي ,,



خلاصة الكلام ,,

بصراحه في مدرسين ,, ابد ما يستحقوا درجة التدريس ,, يعني خلهم في بيوتهم ابرك لهم ,, وفي مدرسين لا والله ينحطوا عالجرح يبرى ,, في مدرسه كانت تشيل هم الطالبات وتحل مشاكلهم ,, والكل ما شاء الله يمدحها على ايامي في متوسط وماشاء الله الى الان انا متواصله معها ,,


من جد في ناس يستاهلوا وبجداره انهم يكونوا معلمين ,, مو عشان بس الراتب الشهري ,,




موضووع في غاية الاهميه اخي اول الغيث ,,


كما عهدنا مواضيعك مميزه دوووما ,,


لك خالص شكري وتقديري ,,