شكرا خيو ما توقعت أحد بيرد على الرواية
و هذا الجزاء العاشر
الجـــــ العاشـــــر ــــزء
مرالليل بطئ على غير عادته يحمل في ثناياه الآم ..كان هناك فواز اللي يتالم من اثار الحادث..وفي عقله خيال شخص مالوف يشبه الملاك ويتمنى انه يلمسه ..كان مرافقه
طول ماهو في الغيبوبه كان فواز مستسلم للموت وحالته النفسيه قبل الحادث ماشجعته
انه يكافح عشان حياته لان حلمه الجميل انتهى وبدأ فصل موحش بدون البنت اللي
سرقت قلبه ..كانت العنود صورة الملاك اللى ساعدته على استرداد الحياه ..كان كل ما
غاب في غيبوبه سمع العنود تناجيه انه مايتركها ..وكل مامدت يدها يبي يوصل لها حس
بخيبة امل لان اللي شافه مجرد وهم ..كانت العنود هي السبب اللي قرر منه انه يشفى
من مرضه ..صمم فواز مع كل نبضه في قلبه تنبض عشان محبوبة قلبه العنود
انه يكافح عشان مستقبله معها..
بينما العنود قلبها يذرف دموع الالم والخساره اللي ما حستها الا من عرفت فواز..وتشعر
بنفس الوقت بالخزي من نفسها لان قلبها ضعيف ظل يبكي على واحد خاين مايستاهله استغل سذاجتها وفي الاخير مرغ بكرامتهاعلى الارض ..فكرت العنود انها مب اول واحده تحب من طرف واحد من يدري يمكن انساه مع مستقبلي مع فهد ..اكيد بتنساه مع الوقت هذا مؤكد ..يالسخرية القدرفي بنت في ليلة خطبتها تبكي عشان رجال ثاني ..عند البنات غيرها هذه تعتبر اسعد ليله في حياتهم.. اما انا فهذه نهاية نهاية فصل مؤلم من حياتي وبابدء حياه جديده مع فهد ..
****************************
اشرق النهار بالضوء والانتعاش مع جودافئ تغرد معه الطيور ..والندىيرطب الورود
كان الجو صافي خالي من الهموم غسل معه ظلمة الليل وعبوسه وينبئ بيوم جديد..
كانت الساعه 8 الصبح بلندن لكن في بيت بو حمد كن الكل صاحي ومتنشط عدا العيال والبنات ..وكل واحد منهم سهران لااسبابه الخاصه ..في المطبخ كانت ام حمد تطبخ الفطور وام فهد كانت في الصاله تسبح بالمسباح.. شوي ودخلت ام حمد حطت الفطور على طاولة الطعام ونادت لام فهد تنضم لها ..بس ام فهد راحت تنادي زوجها ونسيبه
واجتمعت كبار الاسره على الفطورومااسرع مانضمت مها لهم تشارك ابوها السوالف
وتغيضه..
ابو حمديطالع مرته:ام حمد وين العيال مااشوفهم فطروا..؟
ام حمد تبتسم:يعني هي غريبه عليك الله يهداك من متى العيال صحو معنا..
ام فهد غمزت لام حمد:الا مابشرتكم العنود وافقت على فهد..
ابو فهد كان بيغص باللقمه:صدق اللي سمعته ..الله يبشرك بالخيروالله انه احلى خبر
سمعته العنود بنتي الغاليه ومنيتي انها تاخذ ولدي..
ابوحمديربت على ظهر نسيبه: شوي شوي يارجال لاتغص ..حنا اللي ماراح نلاقي احسن من فهد رجال والنعم فيه..
ابو فهد يضحك:هههههههه تسلم يالغالي ..
ام حمد : ابوحمد ماقالك محمد انه يبيك توديه ديزني لاند ستور عشان يشتري اغراض
المدرسه..
ابوحمد يقطب حواجبه:بلا قالي امس الا هووينه مابين..؟
ام حمد تضحك:تصدق من يوم شاف كلب جارتنا العجوز الانجيليزيه وهو متعلق فيه مقابله ليل نهار..
ام فهدباستغراب:توبدري على اغراض المدرسه ..
ام حمد تنهد:ماتعرفين هذا الولد اذا حط شئ براسه لازم يسويه..
ابوحمد:انزين ليه ماتودينه انت لازم انا..
ام حمدتفسر:قلت له بس مافي فائده يبيك انت..وده عن خاطره المسكين..
ابو حمدبعناد:مسكين الا مدلع ماتعود حد يقوله لا ..
مها تطالع امها:وانا بعد يما ابي اغراض مدرسه..
ام فهدبغضب: اقول انثبري بس.. حمد بزر مايفهم انت بتقلدينه..
مها تطالعها بنظرة تانيب:يبا قولها توديني..
ابو فهد حط يده على راس بنته:اسمعي كلام امك الحين وانا بنفسي بوديك بعدين..
ابوحمدبحنان:معليه يامها انا بوديك ..
مها نقزت من مكانها:هيه يحيى خالي..يااحلى خال بالدنيا
راحت مها تبوسه على خده وابو حمد يضحك عليها..
ام فهدعصبت:مها! قلت انا بوديك..بعدين مب حزة مدارس عشان تشترين..
ابوحمد:ام فهد وش فيك على البنت خليها انا بوديها واصلا انا كذا ولاكذا انا رايح عشان
محمد ..
ابوفهد هزراسه برفض:لا يابو فهد البنت موذيه بتضايقك..وانا مابيها تخرب بالدلع كل شئ تبيه يصير..
ابوحمدباصرار:يابو فهد انا معزم اني اخذها وحرام عليك برد خاطرها شوي..
مها تطالع ابوها بنظره مسكينه عشان يشفق عليها..
ابوفهد وهويرفع اصبعه:اه منك تعورين قلبي ..مااقدر اقاومها..
ام فهد:بس بشرط انكم ترجعون بدري عشان حنا بنروح شقة تركي..
طلعت اصوات معارضه من ابو حمد ومرته بس ابو فهد حاول يرضيهم بالكلام الطيب
ابوحمد وهوزعلان:لا لا مايصيراحسبك بتشيل هالفكره من راسك ..انت الصراحه
زعلتني انت مب غريب يااخي في بيت اختك..
ام حمد بحزن:ياخوي حنا نبي جمعتكم والله انها ابرك السفرات ..نفطر على سفره
واحده مب مثل اول..
ابوفهد كان لام يده في حضنه و يفكر:والله ياختي انا ماكنت ناوي على الطلعه بس لما انخطبوا العيال مانقدر نخليهم يقعدون في دار وحده..
ابوحمد نزل راسه متفهم:ابوفهد معه حق مايصح نخليهم مع بعض ولا ماراح يتشوقون
للزواج اذا شافوا بعض واجد..
ام حمد وكانها رضخت للامر الواقع :اللي تشوفونه مادام هذا الصواب..
ام فهد مدت يدها تمسك ام حمد:خلاص لاتزعلين يام حمد اوعدك انك بتشوفيني لين
تملين من شيفتي..
ام حمد تبتسم:ههههههه الله يهداك يقطع لساني قبل مااقوله ولاانت قعدتكم تنمل..
ابو فهدبدفئ:يلا يام فهد روحي قومي هيفاء من النوم عشان توضب اغراضها..
ام فهد:خلها تنام شوي مانامت الا متاخراذا جاء وقت الصلاة بقومها..
ابوفهد:لالا.. انت ماتعرفين بنتك وش كثر اغراضها كانها بتهاجر تقوم الحين احسن
تفطر وتنشط شوي ..
قامت ام فهد من الطاوله عشان توقظ بنتها والعايله مستغرين بالسوالف
رقت ام فهد الدرج وفتحت غرفة البنات لقت الغرفه مبهدله تعجبت من حال الغرفه
قعدت على السرير بهدوء عشان العنود ماتحس فيها وهزت بنتها من كتفها..
ام فهد تهمس:هيفاء ..هيفاء!!(هيفاء تمتم كلمات مب مفهومه) قومي ..
هيفاء تكلمها عين مفتوحه وعين مسكره:يما حرام عليك مانمت الا كم ساعه..
ام فهد تنهدت:ادري يايما ..قومي عفيه عليك..
هيفاء رفعت راسها تأفف:انزين كم الساعه الحين ..؟
ام فهد:الساعه 9الصبح..يلا بعدي بنتي الجيده..
هيفاء بققت عيونها تصارخ:الساعه 9 الصبح..عسى ماشر يايما وش الطاري توقظيني مع الفجر..كيفك انا تعبانه وبنام..
ام فهد عصبت وهي تطالع العنود خايفه انها تصحى:هيفاء!!! ووصمه انجنيت تصارخين.. بتقومين يعني بتقومين..
هيفاء كانت حطه اللحاف فوق راسها ومطنشه لامها:لا ماراح اقوم الا اذا عطتيني سبب
مقنع..
ام فهد تذكرت انها ماقالت حق هيفاء:هيفاء يما انا ماقلت لك انه حنا بنطلع من شقة عمتك و ننتقل للشقة تركي..
هيفاء رفعت اللحاف من راسها بسرعة البرق:تركي !!لا يايما انا لوتطربق السماء على الارض ماراح اطلع ..
العنود قامت من صراخ هيفاء:وش السالفه خالتي وش فيها هيفاء تصارخ ..!
هيفاء كانت تنفس بقوه من الغضب وامها تطالعها بنظره تمنت هيفاء ان الارض تنشق وتبلعها ..
ام فهد:استانست يوم صحيت بنت عمتك ..ماينفع معك الكلام..
العنود تطالعهم ومش فاهمه وش السالفه ..
هيفاء حست بتانيب الضمير:العنود نامي انا وامي نتكلم في موضوع خاص واسفه
اني ازعجتك..
ام فهد كانت تنطر العنود تحط راسها وتنام عشان تكلم هيفاء..ولما خمدت العنود
ام فهد بجديه تامه:مافي بيني وبينك كلام ..انا امرتك وبتطيعيني ولا ابوك اللي بيتصرف معك..
هيفاء عرفت من لهجه امها مافي مجال للنقاش..سكتت ونزلت راسها مستسلمه..
وقفت رايحه للباب:يلا ابوك يستنانا تحت ظبي اغراضك ونزليها..
هيفاء قبل ماتطلع امها:يما سؤال اخير من فكرته انه نسكن في شقة تركي..؟
ام فهد التفتت باستغراب:تركي عرض علينا هالفكره وابوك وافق ..ليش السؤال؟
هيفاء وجهها صار من الغيظ:لا ولاشئ ........
اول ما طلعت امها من الغرفه راحت للبلوكونه تفرغ اللي في قلبها بدون ماتحس العنود..
مر نسيم لندن البارد على جلدهاوكأنه يلسعه من البروده كان منظر الصباح وحديقه الشقه استولى على تفكير هيفاء وكأن هذا المنظريهديها لدرجة انهانست السبب اللي منه طلعت للبلكونه ..كانت هيفاء تعيش بخوف طول هالا سابيع اللي فاتت من اللي راح يسويه تركي وبعد اقناع انه مايقدر يسوي شئ لها وهي محاطه باهلها والحين انتقالهم
لشقته كانت مثل الشعره اللي قصمت ظهر البعير هيفاء كانت متاكده انه تركي مخطط
له الشئ اما هي محتاجه لتفكير طويل في طريقه تحاشاه فيها او اسلوب تقهره فيها
مثل ماقهرها ..هيفاء والعبره كانت خانقتها ليش ماحد يشوفه على حقيقته مثلها كلهم يحبونه وحترمونه ..لا هيفاء ماراح تعطيه السلاح بيدها لازم تكون قدامه واجهه بارده
قويه مايهزها ..مرت عليها رعشه من الجو البارد حست هيفاء بتفائل انها اخيرا بتروح
لعرين الاسد هههههه هيفاء ضحكت مايليق له هالاسم يليق له اسم وكر الثعلب ايه لانه
خبيث مايعرف يواجه.. كل شئ عنده بالحيله شدت هيفاء حزام الروب اللي لابسته فوق
البيجامه الزهريه دخلت الغرفه وهي مستانسه ..بدات تلم اغراضها التفتت تطالع العنود
لقتها في سابع نومه ..حزت بحزن انها بتروح تخلي العنود وهي بها الحاله امس مانامت
الا على وجه الفجر ..تدري انها لازالت تحت تاثير الصدمه من خيانة فواز لها يالله
يالعنود ليتني اقدر اساعدك..
لما جهزت هيفاء اغراضها لبست وتزينت على حلى حله عشان تبين له انه مااثرعليها
بشئ وانها راضيه مو مجبوره ..لبست جاكيت ابيض طويل منقوش على ظهره نقش
بالاسود وبنطلون ابيض وسيع وتشيرت نيك تحت الجاكيت لونه ابيض واسود وايشارب
يناسب معه موسكينو..شافت هيفاء شكلها في المراءه وهي راضيه عن شكلها ..سمعت
ا بوها يناديها ..سرعت تلاحق عليه وهي شاله اغراضها..طبعا بعد ماكتبت حق العنودرساله تفسر لها طلعتهم من الشقه..
هيفاء نزلت لقت امها وابوها وعمتها في الصاله يتقهون ..يوم دخلت عليهم كلهم التفتتوا
مستحسنين مظهرها وعلامات الاستغراب باديه على وجه امها مب مصدقه انه هذه البنت اللي رافضه تطلع..ارتسمت على وجه ابوها الوسيم ابتسامة رضا من بنته فتح
ذراعه يناديها تقعد جمبه ..
ابو فهد :هلا والله ببنتي الشيخه ..وش هالزين والله توني داري انه عندي بنت قمر..
راحت هيفاء وبسطت عند ابوها:والله يبا قمر من زمان بس انت مب ملاحظ..
امها تضحك:اكيد بتطلع قمرعلى امها ولا الشين من وين يجينا ..
ابوفهد رفع حاجب واحد تعليق على كلامها:عندك ثقه زياده بنفسك الله يكفينا شرها..
ام فهد مندهشه:هوو وانا وش قلت يابو فهد فلت شئ غلط..
هيفاء تضحك على ابوها:هههههههه يبا امي قالت ان الزين منكم كلكم..
ام فهد تطالعها بنظره جانبيه:وانت قبل شوي تصايحين على كبر البيت ماتبين تطلعين..
وقفت هيفاء وراحت حق عمتها وضمتها:وش اسوي ماقدر على فراق عمتي وجلستها..
عمتها تبتسم:والله ..الله يعين العنود المسكينه بتضايق من بعدكم ماعندها حد تسولف معه..
ابوفهد وقف : يلا مشينا السايق برا ينطرنا ..هيفاء وين اغراضك ..
هيفاء :حطيتها في الممر .. يبا من اللي بيودينا..؟
ابوها جاوبها وهويشيل اغراضها:سواق ولد خالتك ..مرسله تركي لنا..
طلع ابوها برى عشان يحط الاغراض بالسياره وامهاو عمتها يسلمون على بعض وبعد هيفاء سلمت على عمتها ووصتها ان العنود تكلمها اول ماتصحى ..
ام حمد ودعتهم عند الباب:يلا في امان الله..
ردوا كلهم:في وداعة الرحمن..
لما دخلت هيفاء وامها السياره لاحظت ان اختها مها مب موجوده ولا اخوها فهد..
هيفاء بتساؤل:يما مها وفهد وينهم مب رايحين ...؟
امها التفتت عليها:مها راحت مع خالك ابو حمد ديزني ستور وفهد طلع من الصبح رايح لرفيقه في المستشفى..
ابوها كان قاعد قدام:وبنتك حضرتها متى بتشرف ..؟
ام فهد:مادري قالي ابو حمد انه بيوصلها بنفسه للشقه..
هيفاء :يما الا باسألك سؤال من هذا رفيق فهداللي في المستشفى..
ام فهد وهي تحاول تذكر:قالي اسمه بس نسيته ..انت تعرفينه اللي راح معنا الملاهي..
هيفاء بصدمه:فواز!لا مستحيل..
امها بنظرة استغراب:عمى انت وش عرفك فيه ..وليش يهمك كذا..
هيفاءبارتباك:لا مايهمني بشئ ..بس لانه رفيق فهد الروح بالروح ودايما يتكلم عنه ..
وفهد كاسر خاطري..
ام فهد بنظرة شك:أي اقول ..عالعموم كلامك هذا ماينطلي علي..
هيفاء التفتت تشوف ابوها خايفه انه يكون سمعهم لقته يكلم بالجوال..طلعت منها تنهيدة ارتياح بدون ماتقصد..
هيفاء كانت تامل شوارع لندن اللي كانت تقريبا نصف فاضيه لان الوقت كان مبكر..
وتفكر في العنود وش بتكون ردة فعلها لما تعرف ان اللي تحبه بين الحيا والموت ..وعليا عليك العنود انت قاعده تظنين ان فواز مستانس مع ساره وهو الحين في اخر مكان توقعينه في المستشفى ..هيفاء جاءها احساس انها لازم تقول حق العنود باللي صارله
على الاقل ماتسئ الظن فيه هومايستاهل مهما سوى فيها هيفاء متاكده ان فواز يحب
العنود ..شافت هالنظره في عيونه اللي مب موجهه لاي واحده غير العنود
بس انبها ضميرها لانها خطيبة اخوها الحين ..لازم العنود تنسى فواز فات
الاوان انها تعالج الوضع قرر ت هيفاء انها ماتقولها كفى العنود صدمات
لازم العنود تقبل الحياه مافي حب قبل الزواج
هيفاء في غمرة تفكيرها بمشكلة العنود نست مخاوفها من تركي لفت السياره
لفه على اليسار وقادتهم لحي راقي في لندن كانت الشقه متمركزه في نصف مباني
حديثة البناء تحديدا في شارع النايتس بريدج ..وقفت السياره قدام الشقه هيفاء ماقدرت
تحرك ساكن من كثر ماهي منبهره بجمال تصميم الشقه الخارجي ..كانت هيفاء على انها
رجعت بالوقت للعصر القديم بالقرن التاسع عشر وخاصة العصر الفيكتوري..كانت الشقه مزيج من الا ثنين المقصود العصر الحالي ..كانت الطريق اللي تؤدي للباب الشقه
مرصفه بحجر قديم وتزين باب الشقه اعمده ارستقراطيه ..كانت الشقه تكون من حجرالقرميد الاحمر القاني اما الحديقه تفرع فيه طرق ترابيه احداها تؤدي الى نافوره
والثاني يؤدي للباحه الخلفيه وكانت حدود الحديقه محوطه بزهور مختلفه ..ماقدرت هيفاء الا انها تعبر باعجابها ..هيفاء استفاقت من دهشتها على صوت امها تناديها
ام فهد:هيفاء وصلنا الشقه وانت مصنمه في السياره..
هيفاء :ان شاء الله يما كاني بنزل الحين ..
سبقوها امها وابوها للشقه وهيفاء تامل الشقه مب مصدقه انها بتقضي الاسابيع الجايه
في هذه الشقه اللي استولت على كل انتباهها تمالكها فضول ياترى هذه الشقه ملك لتركي او العائله ككل ..لان اذا كانت ملك لعيال خالتها معناها بتكون شقة عيالها مستقبلا ..ماقدرت تمالك نفسها من الوناسه فمرت على شفايفه بسمة مرح ..استقبلتهم عند الباب
خدامه من اصل افريقي على عكس توقعات هيفاء كان الباب مصنوع من خشب البني المحروق ولوحه معلقه مكتوب عليها بالا نجليزي ..تركي الضاوي هيفاء تفكربغروره
الزايد يعني لازم يكتب اسمه ليش ماكتب اسم ابوه ..
الخدامه الاثيوبيه:مرحبا انا بشتغل عند مستر تركي وطلب مني اني استقبلكم لان مشغول الحين ..
صافحت ام فهد الخدامه :اهلا.. يعني تركي مش في الشقه ..؟
الخدامه هزت راسها :لا مش موجود بس اكيد بيرجع لما يعرف انكم وصلتوا ..تفضلوا
داخل وانا بحمل الشنط لغرفكم..
دخلوا اهلها وهيفاء تمشى وراهم حست بخيبة امل لانها كانت مستعده تواجهه وخايفه انه هالشجاعه تروح منها بس احسن استكشف الشقه على راحتي..كانت الشقه عريضه من داخل على عكس واجهتها اللي تعطيها حجم اصغر ..قعدوا في صاله انجيليزية التصميم
كانت مجلده بورق جدران اخضر غامق وفي وسطها مدخنه تكون من كنبه عريضه
وكرسين لونها عنابي ..لفت انتباه هيفاء الصور اللي موضوعه على المدخنه..
راحت تتفرج على الصور وكانت اول صوره لآبوهم الله يرحمه وكان يشبه نواف كثير اما الصورة الثانية فكانت لنواف ومعاه عمته وكانت تضحك للكاميرا وكان اللي مصورهم قال لها شي يضحك..اما الصورة الاخيرة كانت لتركي وكان راكب حصان لونه اسود وكان شكله وكأنه واحد من العصور القديمة فكرت هيفاء بابتسامه وكأنه مجرم هارب..مسكت هيفاء الصورة تمعن فيها
تركي:السلام عليكم..
هيفاء من الرعب طيحت الصورة من ايدها وتهشمت على الارض..
ام فهد:هيــــــــفاء ايش سويتي الله يهداك..؟
هيفاء بصوت منخفض وهي معطتهم ظهرها :آســـفه ماكان قصدي..
نزلت تنظف الزجاج الا تركي يتكلم:خليه منك الخدامه بتنظفه ..والاطار بغيره ..
ام فهد سلمت على تركي وبعدها ابو فهد ولما خلصوا كلام التفتت هيفاء عليهم وهي تأمل تركي اللي كان لابس جينز ازرق وقميص اسود وقاعد يكلم ابوه :البيت نور بوجودكم والله..
ابو فهد:مشكور ياتركي رجال وولد رجال..
تركي:هذا مو كلام يابو فهد البيت بيتكم...تفضلوا ليش واقفين انا بروح أمر الخدامه تجيب لكم شي تشربونه..
لف وشاف هيفاء بوجه وقعد يناظرها من فوق لتحت..هيفاء حست برعشه خفيفه تمر على عمودها الفقري ولما واجهت عينه كأنها شافت فيها لمحة اعجاب بس ممكن تكون تتوهم..مر عليها وطلع..هيفاء زفرت وماكانت تدري انها حابسه نفسها الا لما طلع..
راحت وقعدت بجمب امها اللي كانت تسولف مع ابو فهد مأخوذة باللي تشوفه..
هيفاء التفتت على امها:يمه انا تعبانه شوي وابي اروح لغرفتي ومنها بعد ارتب اغراضي..
ام فهد:خلاص حبيبتي على راحتك..
قامت هيفاء وطلعت من الصالة توها بترقى الدرج الا تركي طالع من المطبخ
تركي:على وين؟
هيفاء وهي تكمل طريقها:على الغرفة..
تركي بصوت بارد:لمــا اكلمك تردين وانتي مو معطيتني ظهرك..
هيفاء وقفت والتفتت عليه وبسخرية:ترا احنا مو في العصر الحجري..
تركي بتهديد:انتي سويها ثاني مرة وشوفي ايش راح اسوي فيك..
هيفاء بغضب:يعني ايش بتسوي..بتحبسني بكوخ مثلاً..لاااا هذا زمن ولى وراح..عن إذنك ياستاذ تركي.
كملت طريقها ركض من غير ماتشوف وراها وكأن الشيطان بنفسه يلحقها..
*************
في نفس الوقت كانت العنود توها قايمة من النوم وتقرا رسالة هيفاء وهي مصدومة من اللي تقراه معقوة ان هيفاء بتسكن مع المتوحش تحت سقف واحد لا اكيد هذي تمزح غيرت هدومها ونزلت تحت عند امها تبي تستفسر منها..
العنود:يمه صحيح ان خالي ومرته انتقلوا لشقة تركي؟
ام حمد وهي تقطع الخضرة للغدا:ايه صحيح..
العنود شوي بتصيح:يــــمه ليش ماخلوا هيفاء تتم معانا.؟
امها هدت اللي بايدها والتفتت صوبها:حاولت لكن ام فهد كانت مصرة انها تروح معاهم..
العنود تفكر بحزن يعني رحتي ياهيفاء وتركتيني لأزمتي لحالي..رقت راجعه لغرفتها وطلعت تلفونها تدق على هيفاء..من ثاني رنه ردت عليها هيفاء بصوت ملهوف..
هيفاء:هلا والله للي اشتقتلها حيل..
العنود:خلي منك هالكلام انت اللي ايش اخبارك مع ولد خالتك المتوحش آخر شي اتوقعه انك تروحين وتسكنون بشقته..
هيفاء:اسكتي شكله يبي يشتغل علينا ريس ومرؤس..
العنود:لاااااااشكل السالفه ماراح تخلص..اسمعي خلينا نتقابل ..
هيفاء :اوك..طيب ايش رايك تمريني ونروح سوا..؟
العنود:اوك..ايش عنوانك؟
خذت العنود العنوان وراحت تحط لمسه خفيفة من المكياج وطلعت..
بعد دقايق وصلت عند الشقة وهي مو متأكدة اذا العنوان صحيح ولا لأ؟ شوي الا واحد طالع من المبنى التفت وشاف العنود تطالعه بتردد فحس انها ضايعه..
تركي:بغيتي مساعده اختي..
العنود:بغيت اعرف اذا هذي شقة الضاوي ولا لأ؟
تركي قطب جبينه:من بغيتي اختي؟
العنود:بغيت بنت خالي..
تركي ابتسم بسخرية وهو يفكر يعني اذا ماخاب ظني هذي تطلع العنود بصراحه البنت حلوه ..
العنود من شافته يبتسم بسخرية وهو يقزها بنظراته خافت..
تركي:الا هذي شقة الضاوي..
العنود وهي تمر بجنبه:مشكور اخوي..
العنود تدق الجرس وهي متوترة لآن الرجل الغريب تم واقف مكانه متعنز على الجدار..شوي الا هيفاء فاتحه الباب وابتسامة مشرقة على وجهها:انا جاهزة..
ولما شافت عبوس العنود استغربت منها الا العنود تأشرلها بعيونها على اللي واقف جمبهم التفتت هيفاء..الا تركي يطالعهم بسخرية..
**************
فهد لما وصل للمستشفى حصل عند فواز ناس فتراجع وراح عند الممرضة يستفسر منهم؟
فهد: excuse me. who is the people with fawaz?
الممرضة they are his family:
فهد شكرها وقعد بالكرسي اللي برا ينطرهم ليما يطلعون عشان يدخل ..
وفي الغرفة كانت ام فواز تبكي على حال ولدها والطبيب بعد ماطمنها الشخص الوحيد اللي كان متماسك كانت اخته الجوهره اللي تهدي في امها وتقويها..
الجوهره:يمه سمي بالرحمن وصليلك ركعتين ..عشان نرجع الشقة..
ام فواز وهي تصيح:لا اله الا الله..انا بقوم واصلي لكن روحه للبيت مانيب برايحه..
الجوهره بعناد:مايصير يايمه كذا من وصلنا وانتي ماذقتي طعم النوم..
ام فوازوهي تحس بتعب:معاك حق.. ان شالله ..
الجوهرة قومت امها ومشت معاها طالعين من الغرفة وقبل ماتطع ناظرت اخوها بنظرة حزينة..لما طلعوا فهد فز من مكانه مما لفت انتباه ام فواز والجوهره ..
فهد:حمد الله على سلامتكم يام فواز..
ام فواز بإستغراب: الله يسلمك ياولدي..بس ماعرفتك؟
فهد:انا صديق فواز فهد..انا اللي دقيت عليكم وخبرتكم..
ام فواز بامتنان:مشكور وماتقصر ياولدي..
فهد:ان بغيتوا شي ولا شي ياخالتي ترا انا بالخدمه ..
ام فواز وهي تهز راسها:مشكور ياولدي الله يخليك لامك وابوك..
لما راحوا فهد قعد يتأمل الجوهرة ياترى هذي اللي كلمتني..سبحان الخالق الصوت مثل الشكل كانت مثل الملاك مع انه حس بعيونها حزن كبير..فهد هز راسه وهو يأنب نفسه..انا ايش قاعد افكر فيه انا اللحين مخطوب للعنود المفروض مافكر في وحده غيرها..
الجوهرة وهي تفكر باخوها المسكين لما امها كانت بالحمام اسمعت اخوها يتمتم باسم العنود..ياترى منهي هالبنت اللي شاغله اخوي حتى وهو فاقد الوعي..هنا قررت الجوهرة انها تعرف منهي هالبنت لانها حاسه ان نجاة اخوها مرتبطة فيها..
*************
نرجع للعنود وهيفاء ..هيفاء لما شافت تركي رفعت خشمها بتكبر ومسكت العنود ومروا بجمبه ..لكن تركي سد عليها الطريق..
تركي وهو يقز العنود :على وين ياهيفاء؟
هيفاء خافت لما شافته يطالع العنود: مالك خص..
تركي التفت لها وببرود:دامك ساكنه ببيتي ..يكون لي خص..
هيفاء حست بشجاعه ممكن لان العنود معاها: لأ مالك خص ..ويكون ببالك وانا احذرك ياتركي اذا اعترضت طريقي ثاني مرة راح اخبر نواف باللي قاعد تسويه؟؟
تركي من جابت طاري نواف وتغيرت ملامح الى القسوة اللي بانت بصوته: هين ياهيفاء انتي اللي جبتيه لنفسك..والايام قدامنا
ابتعد وخلاهم لحالهم العنود كانت خايفة من تهديد تركي ..هذي اول مره تشوفه لكن ماتلوم هيفاء في رعبها منه..طالعت هيفاء وحصلتها شاحبه من بعد المشاحنه اللي صارت بينها وبين تركي..
العنود:هيفــــــاء؟
هيفاء التفتت عليها تبتسم:ماعليه يالعنود لا تخافين..تدرين احس براحه لأني رديت عليه..
العنود :طيب خلينا نروح..
هيفاء: وين تبين نروح..؟
العنود:ايش رايك نروح الحديقة..
هيفاء:بس ولا يهمك انتي تامري امر..
تابطوا البنات ذراع بعض وتوجهوا للحديقة..وهيفاء كانت تسولف وتمزح بمبالغة فحست العنود ان فيها شي ..اكيد انها مخبيه علي شي وماتبي تقولي..
اول ماقعدوا على الكرسي العنود سألتها:هيفاء شفيك؟
هيفاء وهي تتحاشى النظر للعنود:وش فيني..مافيني الا العافية..
العنود بنص عيون:يله عاد هذا الكلام قوليه لغيري انتي ناسية اني خابزتك وعاجنتك..
هيفاء وهي تفكر اذا تقولها ولا لأ..بس العنود الحت عليها..
هيقاء بهدوء:العنود...فواز مسوي حادث..
العنود تعابير وجهها تغيرت من الابتسام الى الصدمة واخيراً للألم ..همست:انتي ..ايش..تقولين؟
هيفاء وهي تمسك ايدها اللي صارت باردة:انا دريت انه الحادث صار له في اليوم اللي انتي شفتيه مع.....
هيفاء ماقدرت تكمل الجملة..اما العنود قامت من مكانها وقعدت تمشي بتوتر قدام هيفاء وهي تضم جسمها ..التفتت لهيفاء الدموع متحجرة بعيونها رافضة انها تنزل..
العنود بصوت كسير:ابــــي اشوفه..
هيفاء وهي منصدمة: العنود انتي جنيتي..مستحيل..
العنود وهي تترجا هيفاء: هيفاء ارجوك ابي اشوفه..ابي اطمن اذا كان حي ولا ميت..
هيفاء وهي معنده:لا ..وبعدين انتي ناسية انك مخطوبه لفهد..افرضي شافك عنده..
العنود وهي تحاول:هيفاء اررررجوك ..وبعدين بس ابي اشوفه وماغيرت رايي بالنسبة لزواجي لفهد..
هيفاء وهي تتنهد:طيب واذا حصلنا فهد عنده..
العنود:انتي دقي على فهد على اساس انك تبين منه شي واساليه عن مكانه..
هيفاء اخيراً استسلمت ودقت على اخوها..
فهد:هــــلا.
هيفاء وهي تطالع العنود:هلا فهد..شلونك..؟
فهد: تمام..
هيفاء:فهد بغيت منك شي...بس بالاول انت وينك؟
فهد مستغرب من سؤالها:انا توني طالع من المستشفى ورايح الشقة..خير ايش بغيتي؟
هيفاء:مستشفى..خير في شي؟
فهد:لا فواز رفيقي مسوي حادث وتوني جاي منه..
هيفاء:اها...عسا مو خطير؟
فهد: الا..راح في غيبوبه..وبعدين انتي مكلمتني عشان تسأليني عن فواز..
هيفاء وهي تمث:هاااا..اف تصدق اني نسيت انا ايش كنت ابي منك؟
فهد من العصبية سكر التليفون بوجهها..
هيفاء طالعت العنود اللي كانت على اعصابها :يله خلينا نروح مع اني احس اني بندم على اللي بنسويه..
العنود:فهد ايش قال عن فواز..
هيفاء:يقول انه بغيبوبه..
العنود نزلت راسها وهي تفكر..من كم يوم كانت تتمناله الموت..ولما حست اللحين ان فواز ممكن يموت ويروح حست بالضياع وهي تفكر شلون بتعيش في دنيا فواز ماله وجود فيها..رفعت راسها الا هيفاء قرت اللي بعيونها وتفهمتها..
هيفاء:اسمعي يالعنود انا مث ماقتلك سواء اخترتي فهد او فواز انتي راح تظلين حبيبتي..
العنود هزت راسها ومسحت الدموع من عينها:لا انا قلت بآخذ فهد وماراح اتراجع عن كلامي..وبعدين خلينا نروح قبل لا نتأخر..
دقايق الا التاكسي منزهم قدام المستشفى وهم مش متاكدين اذا كان بهالمستشفى ولا لأ ؟بس لما سألوا عن فواز العالي عطوهم رقم غرفته واتجهوا لها ولما وصوا وقفت العنود متوترة قدام الباب ومحتارة مابين انها تدخل ولالأ؟بس هيفاء شجعتها بنظرة من عينها..
افتحت الباب وشافته نايم بسلام وراسه مضمد وجهاز مراقبه متص فيه وكان شاحب ومافيه لون..العنود امسكت قلبها وهي تقرب منه..ولما وصلت قعدت تتأمله وهي ماسكه نفسها عشان ماتبكي..
العنود بصوت هادئ: فــــواز..حاولت تتكلم بس الدموع غالبتها فمن غير ماتحس قعدت تعاتبه وهي حاطه راسه على السرير جمبه..
العنود من بين دموعها: حرام عليك كذا ..حرام..عقب ما خليتني احبك واتعق فيك تسوي فيني كذا..ليه انا ايش سويت لك عشان تعملي كذا..واللحين تبي تموت وتخليني..
فـــواز اصحى..اصحى يافـــواز..
هيفاء طلت عليها وهي تعجلها:العنود خلاص يكفي اللي تسوينه بنفسك..وخلينا نروح..
العنود قبل لاتطلع لمست ايده وطلعت .
فواز وكأن بلمسة ايدها سحرته وخلت دقات قلبه تنبض بسرعه حتى وهو بسباته كان يتنشق ريحتها وكأن يسمعها تعاتبه وتناديه عشان يعيش..فواز فتح عينه عشان يتأكد اذا كانت حلم ولا حقيقة..
الجوهرة اللي كانت تمشي بالممر شافت بنتين طالعين من غرفة فواز وواحده منهم كان باين عليها التأثر..استغربت منهم وهم لما شافوها كملوا طريقهم على عجل حتى قبل لا يتسنى لها الوقت تسألهم ايش يبون.
دخلت الغرفة حصلت فواز واعي وقاعد يناظر الغرفة وكأنه يبحث عن شي ..الجوهرة قربت منه وهي مو مصدقة ..
همست:فواز..
فواز التفت عليها وهو حاس انه لساته بحلم:العنود وينها..؟
الجوهرة بتقطيبه:العنود..مين العنود..
فواز وجفونه تثقل: العنود ملاكي..وغاب عن الوعي..
الجوهرة بسرعة راحت ونادت الدكتور..دخل الدكتور ومعاه النرس وماسمح لها أنها تدخل.هنا عرفت الجوهرة انه العنود اللي يتكلم عنها فواز هي نفسها اللي شافتها تطلع من غرفته.
***********
هيفاء قاعدة تهدي في العنود اللي كانت منهارة من شافت شكل فواز هيفاء ضمتها و العنود من بين شهقاتها:حـــرام يموت ياهيفاء حــرام.
هيفاء وهي تربت عليها :العنود هذا اللي كاتبه الله ..وبعدين حرام اللي تسوينه في نفسك..
العنود تمسح دموعها وهي توقف وترفع عينها للمستشفى وكأنها تودعه..وكملت طريقها وهي خلاص قررت أنها تقنع أمها أنهم يردون السعودية وهيفاء تمشي وراها.
هيفاء وهي تحاول تفرفش العنود:ها وين نروح اللحين..
العنود ببرود:أنا برجع للشقة.
هيفاء منصدمة:بترجعين للشقة! تو الناس ..لا تدرين وين بنروح..بنروح لشوكلات بار..ايش رأيك؟
العنود من غير نفس:آسفة ياهيفاء والله مالي نفس..
هيفاء:طيب ايش رأيك نروح لشقتنا..فيه حديقة روعه متصلة بالعمارة..
العنود:اوكي..ماعندي مانع..بس على الله ولد خالتك مايكون هناك.
هيفاء:لا ماظن بعدين أنتي شايفته وهو طالع..وان شالله إشغاله تعطله..
مشوا متجهين للشقة أول ماوصلوا استقبلتهم أم فهد اللي ضمت العنود بأحضانها وتبارك لها ..وكان هذا سبب ثاني لموافقة العنود للزواج..
العنود بابتسامه:الله يباركلك ياخالتي .
أم فهد:والله يابنتي ماتصدقين وش قد فرحت لما وافقت..
العنود:والله أنا اللي فرحتي أكثر إني بصير واحده منكم..
هيفاء مسكت العنود من كتفها وهي تحثها :يله امشي خل نرقى لغرفتي..يله مامي تشاو..
أم فهد وهي تهز راسها:والله مادري أنتي وش تقولين..
هيفاء والعنود يضحكون على شكل أم فهد وهم يرقون الدرج..
العنود قعدت تتأمل روعة الشقة وإبداعها:تصدقين ياهيفاء بصراحة كأنك عايشه بعصر ولى وراح..
هيفاء بابتسامة جانبية:كنت حاسه انها راح تعجبك يله نحط الشنط بالغرفة وننزل للحديقة..
البنات حطوا الشنط ونزلوا تحت هيفاء دلت العنود على البوابة اللي تاخذها للحديقة على شان هي بتروح تخبر الخدامه تسويلهم كابتشينو..
الا باب الشقة ينفتح التفت هيفاء تشوف مين الا هو تركي.هيفاء دخلت المطبخ بسرعه قبل لا يشوفها بس لسوء حظها دخل المطبخ وهو مبين عليه التعب ومن غير مايقول شي فتح باب الثلاجه وصب لنفسه مويه وشربها كلها دفعه وحده..هيفاء شفقت عليه من شكله مبين انه تعبان،تركي رفع عينه وشافها تأمله وبنظرة احتقار:خير في ايش تطالعين؟
هيفاء وهي مجفله:انا..انا جايه اسوي كابتشينو.
تركي يطالعها بسخرية وهو يشوفها واقفه بمكانها: طيب ليه ماتسوين؟
هيفاء انتبهت لنفسها ولفت تاخذ الغلاية وتحط فيها مويه وتركي واقف بمكانه يراقبها وهي تشتغل مستمتع بتوترها..هيفاء وهي تشتمه في نفسها وتفكر شلون حست بالشفقه اتجاهه..
تركي قرب من مكان ماهي واقفه جمب الغلايه الكهربائية وهيفاء تصلبت بمكانها ودقات قلبها تسارع ،بس هو طل من الشباك وقاعد يشوف الحديقة..وبعدها ابتسم وهيفاء تطالعه من طرف عينها.
تركي وهو عينه على الحديقة:على فكرة بنت عمتك هذي حلوة..
هيفاء التفتت عليه بصدمه: انت ماتستحي على وجهك..
تركي بسخرية: وش فيها ..الاعتراف بالحق فضيلة..
هيفاء بغضب:صدق انك قليل ادب ومش متربي..
تركي وهو متعنز على الدولاب: على فكرة لما تزعلين شكلك روعه..
هيفاء من كثر ماهي معصبه: انا احذرك اذا حاولت تقرب من بنت عمتي راح اقتلك..
صبت الكابتشينو بالاكواب وطلعت وهي مفوره وصوت ضحكته تتبعها..
أنتظروني بالجزء الحادي عشر و هالله هالله بالردود