[إشراقة أمل]

{..


ذاك الاسبوع .. كان عندي اختبار ،

وما نمت الا لين خلصت المذاكرة .. واسمي صحيت الصبح عشان اراجع المادة قبل الاختبار ..

ويعني يقال نايمة متأخرة وكل شوي اتنقز .. وقاعدة الصبح ولا احد حولي في البيت ..

خلاااص أنواع الطفش صارت .. والنوم يحوس فيني ..

ما لي خلق أراجع ..

قلت ورا ما ألعب في ربيعاتي ،

أشودن عندنا مادة من أول ما حطوا جدول الاختبارات وهم كل يوم منطرينها في يوم ..

مرة يقولون الاسبوع الأول .. ومرة الأسبوع الثاني ومرة الثالث .. ومرة يقولون رجعوها الأول ..

باختصار حاسوا في البنات حوووس عشان مادة ما ندري وين الله قاطها ..

قمت وأرسل لربيعاتي ..

بناااات .. سمعتوا بالفاجعة الجديدة .؟!

بصراحة انا انصدمت وانفجعت وانقهرت بنفس الوقت ..

ردت علي وحدة .. خير وش صاير ؟

قلت لهم .. الاختبار اليوم أجلوه إلى الأسبوع الجاي ..

- هاااا .. وش تقولين ؟!

* هذا اللي صار .. توها مكلمتني وحدة موجودة بالجامعة وقالت لي المادة الفلانية أجلوها
قلت لها تأكدي طيب من دكتورة المادة يمكن مو صحيح الخبر ، تأكدت منها وقالت صحيح ..

- من صجك انت ؟ وش ذا اللعبة ؟ وش شايفينا ذولي ؟!

* شنسوي بعد ، على آخر سمستر جايين يحوسونا عشان جدول اختبارات !!

- بس ما يصير ، أكيد فيه غلط .. يعني الحين البنات من يدري ؟ ولا أحد يدري وأكيد كلهم بيروحون اليوم عشان الاختبار ..
يعني انتِ ما بتروحين ؟

* لا ، ليش اروح اذا الخبر أكيد ؟

- يووووه .. شلون كذا .. والله حرام عليهم .. بيضغطونا على كذا ..

* بس عادي .. يعني احنا مذاكرين المادة ومراجعينها .. الاسبوع الجاي بنراجعها بس ..

- ولووو .. احنا بنضيع وقت مرة ثانية عشان نراجعها ..
يا ربيييي .. والله اني خايفة ، بدق على زوجي بخليه يستأذن من الدوام ، بروح الجامعة أتأكد من الخبر ..

* أنا متأكدة بس اذا بتتأكدين بنفسك .. براحتك ..

- ايه ما يصير ..

عاد هنا أنا خلاص ما قدرت أكمل .. حست بها وكسرت خاطري ، لا وبتخلي زوجها يطلع من الدوام ..

قلت لها .. عاد لا تصدقين كل الكلام .. تكبرين وتحصلين غيرها .. ههههه

قالت يعني شلون الحين ؟ مب صج ؟

قلت لها لا .. بس من الزهق ومو مشتهية اراجع قلت أمقلبكم شوي عشان يصير لي نفس للمراجعة هههه

قالت إلا سديتي نفسي الله يغربلك .. حرام عليييك والله .. لأحسن لك تقومي تسوي لي فطور أبي اروق ..

هنا عاد دخلت ربيعتنا الثالثة على روااااق ..

اشراقوووه .. يعني صج الخبر والا شلوووون ؟

ما اقول الا مووولت عليك ..

هع هع هع ..

ربيعاتي حبيباتي / فاطمة - أبرار

والله اني أحبكم .. وما عليش أكلتوها مني ها المرة


..}