[قيثارة]

الكل يقول اهم شيء عبايه الكتف ما تفصل الجسم ,, هم عبايه الراس المفروض ما تكون مفصله للجسم انا اللي صرت اشوفه بالحسا ان اكثر البنات الصغار يلبسون عبايه راس كمها مخصر من الكتف لتحت يعني لو لابسه عباه كتف وشيله عريضه استر لها ,,,

سؤالي للنساء ..~

نظرتك لعباءة الكتف سواء ترتدينها أم لا !؟
ارتديها واسعه جدا كلوش يدخلون ثنتين وياي فيها هههه ,, وانا بحكم ظروف عملي بمستشفى وام لطفل اطلع كل يوم مشنقلته الفجر وموديته لبيت اهلي وطالعه وداخله مرررره مريحه وساتره مع شيله عريضه وبدون زخارف ولا الوان

لو طلب زوجك أو أخاك ترك عباءة الكتف هل ستطيعينه !؟
زوجي طلب مني امانه اول ما تزوجنا بس لما شاف ظروف عملي وشاف لما البس الراس شنو يصير فيني اقتنع انوا اريح لي وله قلب من ان كل شوي منفتحه او متكرفعه فيها على الدرج انا وولدي

ماهو الداعي للبس عباءة الكتف هل هو لفت الأنظار أم التحجج بالحرية بالتحرك وسهولة لبسها !ّ؟
كل شخص له اعذاره

ماهي نظرة الرجال تجاه كل من ترتدي عباءة الكتف حسب ماهو متعارف عليها لدينا هل تعلمين ذلك !؟
والله قبل كان الرجل يستنكرها لان كل جديد مستنكر ,, الحين احس الكثير تقبلوها
بس في مخوخ خربانه يعتقد ان هالبنت اللي تلبس كتف بنت خربانه وفسدانه وسهله المنال ,,
ذولي يبي لهم ندخلهم غسالات الفنادق اكبر مقاس ونخض فيهم لين يعرفون ان البنت مهما كان لبسها مو شرط تكون سهله المنال او بنت شوارع ممكن تكون بنت ناس بس ماحد قال لها لبسك ملفت للنظر ومحد فهمها ان اللي تسويه غلط